Lûke 8:2 - Mbëtï Ndjapä: TÄFO MADƗ̈

² la angâ aɛ̈chë ndə̂ tche grô angbongbo atchozö lə̂ andjê dokʉ̈tchê, kə̈ tchâ andjê lə̂ atə̂kömbô: Malê ndə̂ a ê rə̂ tə̂ yê pä Malê ndə̂ Magadalä ndə̂ angbongbo atchozö mïndûu manə̈ bïchuû wûtu lə̂ yê,

Lûke 8:2 Iomraidhean Croise

Matiyə̈ 4:24

Rə̈ Jezü zâ tchə̂lə̂ gö ndə̂ Sirï gbɛ̂, ânyë azü ê pu tchë la a-earə̂ tə̂kömbô. Andjanə̈ ndə̂ andjë wâ la tə̂kömbô ngbî ngbî ânyë kə̂ sə ndə̂ andjê wâbô wâtə̂ tchôtchô nə̈, la andjanə̈ ndə̂ andjë wâ la angbongbo atchozö, la andjanə̈ ndə̂ kôkö yi andjê, ndjë la andjanə̈ ndə̂ ngâ tchâme-tə̂ andjê ndɨ̂. Jezü tchâ andjê gbɛ̂ lə̂ tə̂kömbô ndə̂ andjê.

Mâreke 16:1

Pâ lö sabäa, Malê, akrə gö ndə̂ Magadalä la Malê, anyï Jâke la Salomë, andjë yô akâdâ-yömbö, kə̈ ê la rə̂ ndə̂kə̂ mu rə̂ tə̂ krʉkrʉ Jezü.

Mâreke 16:9

La tchêngbâ nə̈ ndə̂ Jezü jô lə̂ kuzü po mbatchâ lə̂ dɨmâche, tche wûtu dokʉ̈tchê ëtə̂ Malê ndə̂ gö ndə̂ Magadalä. Ɛ̈chë lâme kä ndə̂ tche grô angbongbo atchozö mïndûu manə̈ bïchuû lə̂ yê alême.

Lûke 23:27

Ngâ gbölö kpûlû azü gö nə̈ zâ tchêngbâ Jezü, la angâ aɛ̈chë ndə̂ andjë sə̂ lakə̂ kɨ lakə̂ dɨ̈ tchə̂lə̂ ma andjê tə̂ pö ndə̂ yê.

Lûke 23:49

Araagü Jezü gbɛ̂, ndjë la angâ aɛ̈chë ndə̂ andjë tô bhâ Galilë ânyë kə̈ tê ngbâ yê, sə̂ andə̂ andjë nə̈ bhâchï ndə̂kə̂ wun rə ndə̂ âmbo.

Lûke 23:55

Aɛ̈chë ndə̂ andjë tô bhâ Galilë, ânyë kə̈ tê ngbâ Jezü lâme, andjë pâla la Jozêfu balë. Andjë ê kə̈ wûn cho kuzü nə̈, kə̈ wûn ndjë krʉkrʉ Jezü ndə̂ a nyikrə rə̂.

Lûke 8:30

Jezü yû tchë päkëdə̂: «Rə̈ zə̈ wü atöko?» Tche tô rə̂ ndə̂nə̈ sə̈ tchë päkëdə̂: «Ârâ ngbângbä.» Bëte angbängbä angbongbo atchozö kä ndə̂ âlî tchë.

Jâan 19:25

Anyï Jezü la yûngâ anyï Jezü, la Malê ɛ̈chë ndə̂ Kölöpâse la Malê yû gö ndə̂ Magadalä, andjë krʉ̈ ndrotə̂ yö ndə̂ gba ndə̂ Jezü.

Abadjângele 1:14

Logbɛ̂, andjë päla tchê tə̂ andjê gbɛ̂ balë ndə̂kə̂ to pö sə̈ Ndjapä, andjê la angâ aɛ̈chë, la Malê, anyï Jezü ndjë la ayîngâ Jezü.