Lûke 8:16 - Mbëtï Ndjapä: TÄFO MADƗ̈

¹⁶ «Akrə tôâbo wo lə̂ lâmba ndə̂kə̂ za rə̂ bhâ tchâtchâ lüsû âdəndjë kʉ̈ngrʉ-a. Praâbalë a zä rə̂ pâ ngâ rə lafô, ânyë azü ndə̂ andjë li atə̂ tchâalê wun ngbänga nə̈.

Lûke 8:16 Iomraidhean Croise

Lûke 11:33

«Akrə tôâbo wo lə̂ lâmba ndə̂kə̂ za rə̂ wü âdəndjë ndə̂kə̂ za rə̂ tchâtchâ lüsû-a. Tche âza rə̂ pâ ngâ rə lafô ndə̂kə̂ pa azü ndə̂ andjë li atə̂ tchâalê nə̈ wun tchô ndə̂ sɨ̂nyî nə̈.

Lûke 8:15

Ndjî rəgʉ ndə̂ âtû lə̂ tchôtchô cho wä batə̂ azü ndə̂ andjë djê pö Ndjapä nə̈, ânyë kə̈ bâta rə̂ bhâlə̂ su andjê ndə̂ âwâ djîrə̂ ânyë kə̈ dâka. Andjë kpökpo tə̂ andjê lə̂ angbongbo rə gbɛ̂, ânyë kə̈ lê la köbo nə̈.»

Abadjângele 26:18

Më wän mö ndə̂kə̂ vro la andjê, ndə̂kə̂ kʉ andjê lə̂ bübü tchô, kə̂ wutu la andjê lə̂ ngbänga. Mo âji andjê tchâtchâ gbôgbô ndə̂ Satäa ndə̂kə̂ e la andjê sə̈ Ndjapä. Âdə andjê âza su andjê gbɛ̂ sə̈ mê, a koadje pö lə̂ küma andjê ânyë andjë gbo tchô lə̂ gûtə̂ azü ndə̂ andjë wâ ngbî bëte Ndjapä.›»

Apökälîbïchi 1:20

Apö lə̂ küwû ndə̂ akêkêrə̂ mïndûu manə̈ bïchuû ndə̂ mo wûn rə̂ tchânə̂ mê də ndôkö lâme la ada-lâmba mïndûu manə̈ bïchuû ndə̂ a mbô rə̂ la lôlo lâme, dju nə̈ wä kâkë: Akêkêrə̂ mïndûu manə̈ bïchuû lâme də̈ aânje ndə̂ a-Egilîze mïndûu manə̈ bïchuû, ânyë ada-lâmba mïndûu manə̈ bïchuû lâme, də̈ a-Egilîze mïndûu manə̈ bïchuû.»

Apökälîbïchi 11:4

Azü bïchuû ndə̂ andjë wûnsə̂ pö pâ mê lâme də̈ ayö bïchuû ndə̂ olivï, la ada-lâmba bïchuû ndə̂ âkrʉ̂ tchâtchu Gbölö gbïɛ̈ ndə̂ tchêbêche.