Lûke 8:15 - Mbëtï Ndjapä: TÄFO MADƗ̈

¹⁵ Ndjî rəgʉ ndə̂ âtû lə̂ tchôtchô cho wä batə̂ azü ndə̂ andjë djê pö Ndjapä nə̈, ânyë kə̈ bâta rə̂ bhâlə̂ su andjê ndə̂ âwâ djîrə̂ ânyë kə̈ dâka. Andjë kpökpo tə̂ andjê lə̂ angbongbo rə gbɛ̂, ânyë kə̈ lê la köbo nə̈.»

Lûke 8:15 Iomraidhean Croise

Matiyə̈ 24:13

Praâbalë akrə ndə̂ tche rʉatə̂ su yê ndjoa tə̂ manə̈, tchê tchadje lə̂ kuzü.

Lûke 11:28

Jezü tô rə̂ ndə̂nə̈ sə̈ tchë päkëdə̂: «Mômô nə̈ wätə̂ azü ndə̂ andjë djê pö Ndjapä, ânyë kə̈ mbô rə gundə̂sə̂ nə̈!»

Lûke 6:45

Tchôtchô akrə wütu la tchôtchô rə ndə̂ âwâ bhâtə̂ su yê. Ngbongbo akrə wütu la ngbongbo rə ndə̂ âwâ bhâtə̂ su yê. Bëte rə ndə̂ ârôpâ nə̈ bhâtə̂ su akrə kä ndə̂ âwutu lə̂ ma yê.»

Lûke 8:14

Ndjî rəgʉ ndə̂ âtû lə̂ chi lâme wä batə̂ azü ndə̂ andjë djê pö Ndjapä nə̈, ânyë kə̂ dɨ su andjê, lakə̂ gbo rə ndə̂ andjê, ndjë la ngɨ̈ ndə̂ tchêbêche gʉ̂â andjê tâ, ânyë lêlê andjê gbôâbô köbo gbô ndə̂kə̂ negbe-ê.

Lûke 8:16

«Akrə tôâbo wo lə̂ lâmba ndə̂kə̂ za rə̂ bhâ tchâtchâ lüsû âdəndjë kʉ̈ngrʉ-a. Praâbalë a zä rə̂ pâ ngâ rə lafô, ânyë azü ndə̂ andjë li atə̂ tchâalê wun ngbänga nə̈.

Jâan 14:15

«Âdə nyê ânyində̂ mê, kə̂ batadje andïɛ̈ ndə̂ mê.

Jâan 15:10

Âdə nyê âbata andïɛ̈ ndə̂ mê, nyê səadje kpô lə̂kə̂ nyində̂ ngâ ndə̂ më nyîndə̂ nyê la rə̂ lâme. Batə̂ rə̂ ndə̂ më bâta andïɛ̈ ndə̂ Bha mê ânyë kə̈ sə̂ kpô lə̂kə̂ nyində̂ ngâ ndə̂ tche nyîndə̂ nyê la rə̂ lâme.

Rômo 2:7

Angâ azü rʉ̈ätə̂ su andjê lə̂ agbôgbô arə ndə̂kə̂ mbo tchôtchô rə ndə̂kə̂ pa Ndjapä voga andjê ânyë kə̂ lusə̂ andjê. Andjë pü tchîsûwu ndə̂ ândɨ̂âbô ndɨ̂-î. Ndjapä âzadje tchîsûwu ndə̂ logbɛ̂ logbɛ̂ sə̈ andjê.

Rômo 6:22

Praâbalë angaâtə, Ndjapä jî nyê tchâtchâ ngbâa ndə̂ ngbongbo rə nə̂ ânyë nyë wätə̂ a-earə̂ kua ndə̂ yê. Käko ndə̂ nyê mbo rə ndə̂ âdâka lə̂ la Ndjapä lâme, rə ndə̂ nyê gbo rə̂ ngbânə̈ wätə̂ tchîsûwu ndə̂ logbɛ̂ logbɛ̂.

Rômo 7:18

Më wûnsə̂ nə̈ nə̂ pä ngâ tchôtchô rə wâbo lə̂ mê-a. Më nyïndə̂ kə̂ to pö ndə̂ mê ndə̂ më wâtə̂ mbämbä akrə. Andə̂ me nə̈, më nyïndə̂ kə̂ mbo tchôtchô rə, praâbalë më wâbo la gbôgbô ndə̂kə̂ mbo rə̂-a.

Rômo 7:4

Arə̂mâ ndə̂ mê, rə nə̈ wä ndjë käko tə̂ pö ndə̂ nyê. Lə̂ köbosə̂ kuzü ndə̂ Krîsiti tchû rə̂, nyë tchû ndjë nə̂, kə̈ wûtu tchâtchâ ndïɛ̈ nə̂, ânyë kə̈ wâ bëte ngâ akrə ngbî. Angaâtə, nyë wätə̂ azü ndə̂ Krîsiti ndə̂ tche jô lə̂ kuzü lâme. Nyë wätə̂ azü ndə̂ yê ndə̂kə̂ pa azə̈ mbo atchôtchô arə bëte Ndjapä.

Rômo 8:25

Âdə azə̂ âza su azə̂ ndə̂kə̂ sə bëte rə ndə̂ la azə̂ wûn-âbô rə̂ wûn, azə̂ rʉadje tə̂ su azə̂ ndə̂kə̂ krʉ bëte rə̂.

Dokʉ̈ Körɛ̂nte 7:19

Ndə̂kə̂ wa gasa âdəndjë ndə̂kə̂ wabô gasa wâ, äwä ämbänə̈: Gbölö rə nə̈ wä ndə̂kə̂ mbo rə gundə̂sə̂ ndïɛ̈ ndə̂ Ndjapä.

Ëfêze 2:8

Bëte a tchä nyê lə̂ köbosə̂ tchôtchô su, lə̂ köbosə̂ kə̂ za su nyê sə̈ Ndjapä. Kə̂ tcha lə̂ kuzü lâme tôâbo bhândə̂ nyê-a, Ndjapä kä âkə̈ zâ rə̂.

Fïlîpe 1:11

Nyê wadje tə̂ azü ndə̂ adjîrə̂ arə sɨ̂sɨ̈ lə̂ andjê, ndə̂ ânə̂ lə̂ köbosə̂ Jezü Krîsiti. Käko kä ndə̂ a voga Ndjapä lakə̂ lusə̂ yê.

Kölôse 1:10

Käko äwäpä tchîsûwu ndə̂ nyê daka gbɛ̂ gundə̂sə̂ nə̈ ndə̂ Gbölö Gbïɛ̈ nyîndə̂ nə̈, ânyë nyê mbo arə ndə̂ âfû tə̂ yê. Äwäpä kə̂ wunsə̂ Ndjapä ndə̂ nyê e atə̂ tchâtchu nə̈.

Kölôse 1:6

Tchôtchô Pö nə̈ lâme wütu kə̈ zâ tchô pâ cho gbɛ̂, ânyë azü gbôtə̂ bəndɨ köbo andjê, ânyë Tchôtchô Pö nə̈ sə̂ lakə̂ êë atə̂ tchâtchu nə̈. Rə nə̈ wä ndjë kütû käko lə̂ gbâtə̂ nyê, ndə̂kə̂ to tə̂ lo nə̈ ndə̂ nyë gâmba Tchôtchô Pö nə̈, kə̈ wûnsə̂ lëge pö lə̂ köbosə̂ nə̈ ndə̂ Ndjapä mbô tchôtchô su tə̂ azü,

Aheborö 10:36

Äwäpä nyë rʉatə̂ su nyê, ânyë kə̂ mbo rə ndə̂ su Ndjapä nyîndə̂ nə̈, käko ânyë nyê gbo arə ndə̂ tche zâ bâlâ nə̈ lâme.

Aheborö 2:1

Bëte rə̂ kä, äwäpä la azə̂ gbo pâ apö gbɛ̂ ndə̂ azə̈ djê rə̂, ânyë kə̂ gboabô gbôtâ lə̂ köbo-ê.

Jâke 1:4

Praâbalë äwäpä kə̂ rʉatə̂ su nyê nə̈ mbo kua ndə̂ yê nə̈ lə̂ köbo nə̈ lə̂ arə gbɛ̂, ânyë nyê daka gbɛ̂, kə̂ wa la arə gbɛ̂, ndjë ngâ ngbongbo rə balë wabô lə̂ nyê tee-a.

Dokʉ̈ Jâan 2:3

Âdə azə̂ âmbo rə gundə̂sə̂ andïɛ̈ ndə̂ Ndjapä, tchâme, azə̈ wunsə̂ nə̈ pä azə̈ wûnsə̂ Ndjapä nə̂.