Lûke 8:14 - Mbëtï Ndjapä: TÄFO MADƗ̈

¹⁴ Ndjî rəgʉ ndə̂ âtû lə̂ chi lâme wä batə̂ azü ndə̂ andjë djê pö Ndjapä nə̈, ânyë kə̂ dɨ su andjê, lakə̂ gbo rə ndə̂ andjê, ndjë la ngɨ̈ ndə̂ tchêbêche gʉ̂â andjê tâ, ânyë lêlê andjê gbôâbô köbo gbô ndə̂kə̂ negbe-ê.

Lûke 8:14 Iomraidhean Croise

Matiyə̈ 13:22

Angâ azü wä batə̂ cho ndə̂ âwâ lə̂ chi, ânyë ndjî rəgʉ tû tâ. Andjë djë pö nə̈, praâbalë kə̂ dɨ su andjê pâ rə tchêbêche, la gʉ kə̂ gbo arə tchêbêche rôpâ pö Ndjapä nə̈ ânyë âlêâbô lê-ê.

Mâreke 4:19

praâbalë kə̂ dɨ su andjê tə̂ arə tchêbêche, kə̂ gbo rə ndə̂ âbolo azü, la agʉ arə gbɛ̂ ndə̂ âlî lə̂ su andjê, âkîtə̂ köbo pö nə̈ tə̂ su andjê ndə̂kə̂ le.

Lûke 16:13

«Earə̂ kua balë wâbo ndə̂kə̂ mbo kua sə̈ agbölö azü bïchuû-a. Bëte tchê koadje sə̂ ngânə̈ balë ânyë kə̂ nyiadje ndə̂ ngânə̈ balë. Âdəndjë rə̂ tchê zadje tə̂ yê gbɛ̂ sə̈ dokʉ̈ nə̈ ânyë kə̂ koadje sə̂ bïchuû nə̈. Âwâbo pä nyë mbo kua sə̈ Ndjapä, kə̂ ngbo rə̂ la kua makətche-a.»

Lûke 21:34

«La nyê gbö-ê, nyë zäbô su nyê zâ pâ kə̂ zɨ kɨ̈zɨ̂ lə̂ kpülü lakə̂ ndjo pî âropâ nyê, âdəndjë rə̂ nyë rɨ̈äbô tchə̂lə̂ nyê rɨ̂ pâ arə tchêbêche âtə-ê. Ârə̂ âdəabô də̂ käko, lo kə̂ ka ndə̂ Modô ndə̂ Akrə âtroadje nyê.

Lûke 8:13

Angânə̈ wä batə̂ cho ndə̂ âwâ la täme. Andjë djë pö Ndjapä nə̈, kə̈ gâmba rə̂ la mômô. Praâbalë pö Ndjapä nə̈ mbôâbo chëchë nə̈ bhâlə̂ su andjê-a. Andjë zä su andjê tâ kütû ndə̂ kpîɛ̂kpîɛ̂ lö, âdə ngâ gbôgbô rə âsə̈ gbo andjê, djîrə̂ andjë gbotə̂ köbo su andjê ndə̂ andjë zâ rə̂ sə̈ Ndjapä lâme-ê.

Lûke 8:15

Ndjî rəgʉ ndə̂ âtû lə̂ tchôtchô cho wä batə̂ azü ndə̂ andjë djê pö Ndjapä nə̈, ânyë kə̈ bâta rə̂ bhâlə̂ su andjê ndə̂ âwâ djîrə̂ ânyë kə̈ dâka. Andjë kpökpo tə̂ andjê lə̂ angbongbo rə gbɛ̂, ânyë kə̈ lê la köbo nə̈.»

Lûke 8:7

Angânə̈ tû lə̂ achi, kə̈ kpô la achi nə̈ hroa balë, chi nə̈ vû pâ rəgʉ nə̈-ê.

Jâan 15:6

Âdə ngâ akrə ndə̂ tche wâbô wâ balë la mê, a âyi tchë fiî batə̂ matö nə̈ ndə̂ a kû rə̂ ânyë âhrô. Agbâkü matö nə̈ ndə̂ âhrô lâme, a âpala rə̂, kə̂ yi rə̂ bhâlə̂ wo ânyë âju.

Dokʉ̈ Timotë 6:17

Andə̂ a-earə̂ kə̂ gbo arə tchêbêche âtə, amö zama sə̈ andjê pä andjë bhiabô gogo andjê bhî, kə̂ zabô su andjê zâ pâ kə̂ gbo rə ndə̂ tchêbêche, ndə̂ âchiabô chî lâme-ê. Praâbalë äwäpä andjë za su andjê pâ Ndjapä, tchetchë ndə̂ tche kʉ arə gbɛ̂ sə̈ azə̂ tə̂ gbölösə̂nə̈, ndə̂kə̂ pa su azə̂ wa la mômô lə̂ köbosə̂ nə̈.

Bïchuû Timotë 4:10

Bëte Dëmâse gbôtə̂ mê nə̂ bëte gʉ arə tchêbêche ndə̂ tchô angêta. Tche rô nə̂ atə̂ Tësälönîke, Keresän rô atə̂ Gälâte, ânyë Tîte rô atə̂ Dalemasï.

Aheborö 6:1

Käko äwäpä azə̈ dje tchêngbâ azə̂ tə̂ adokʉ̈ apö ndə̂ azə̈ mânda rə̂ alême pâ Krîsiti, kə̂ manda pö ndə̂ âwâ bëte anênegbe azü. Azə̈ kä kâbô kâ pâ dokʉ̈ kə̂ nyisə̂ rə ndə̂ âtô pö ndə̂kə̂ gbotə̂ bəndɨ kə̂ mbo rə ndə̂ âe la azə̂ pu kuzü, la pö ndə̂kə̂ za su sə̈ Ndjapä,