Lûke 8:13 - Mbëtï Ndjapä: TÄFO MADƗ̈

¹³ Angânə̈ wä batə̂ cho ndə̂ âwâ la täme. Andjë djë pö Ndjapä nə̈, kə̈ gâmba rə̂ la mômô. Praâbalë pö Ndjapä nə̈ mbôâbo chëchë nə̈ bhâlə̂ su andjê-a. Andjë zä su andjê tâ kütû ndə̂ kpîɛ̂kpîɛ̂ lö, âdə ngâ gbôgbô rə âsə̈ gbo andjê, djîrə̂ andjë gbotə̂ köbo su andjê ndə̂ andjë zâ rə̂ sə̈ Ndjapä lâme-ê.

Lûke 8:13 Iomraidhean Croise

Mâreke 6:20

Bëte Hërôde kpë wa Jâan, kə̈ wûnsə̂ nə̈ nə̂ pä Jâan də̈ djîrə̂ akrə, kə̈ wâ ngbî bëte Ndjapä. Hërôde bâta tchë ndə̂kə̂ pa a mboabô ngbongbo rə mbô tə̂ yê-ê. Tche wä alême la gʉ ndə̂kə̂ dje Jâan, praâbalë âdə tche âdje tchë, kə̂ wun-abô sə̂ rə ndə̂ tche wâ ndə̂kə̂ mbo rə̂-a. Lə̂ arə lâme gbɛ̂, tche nyïndə̂ kə̂ dje tchë.

Lûke 8:12

Andjî rəgʉ ndə̂ âtû ndroma köbo də̈ azü ndə̂ andjë djê pö Ndjapä, praâbalë Jâbolo nə̂ kə̈ krʉ̂a pö nə̈ lə̂ su andjê, kə̈ kîtə̂ köbo tə̂ andjê ndə̂kə̂ pa andjë za su andjê sə̈ Ndjapä, ânyë kə̂ tcha lə̂ kuzü.

Lûke 8:14

Ndjî rəgʉ ndə̂ âtû lə̂ chi lâme wä batə̂ azü ndə̂ andjë djê pö Ndjapä nə̈, ânyë kə̂ dɨ su andjê, lakə̂ gbo rə ndə̂ andjê, ndjë la ngɨ̈ ndə̂ tchêbêche gʉ̂â andjê tâ, ânyë lêlê andjê gbôâbô köbo gbô ndə̂kə̂ negbe-ê.

Jâan 15:2

Amatö yö gbɛ̂ ndə̂ âwâ ëtə̂ mê, ânyë kə̈ lêâbô lê-ê, tche âku rə̂ fiî. Praâbalë amatö yö gbɛ̂ ndə̂ âlê, tche âsro atäpânə̈ ndə̂ âwûtu tə̂ kʉ̂tê nə̈ ndə̂kə̂ pa äka lê tə̂ gbölösə̂nə̈.

Jâan 15:6

Âdə ngâ akrə ndə̂ tche wâbô wâ balë la mê, a âyi tchë fiî batə̂ matö nə̈ ndə̂ a kû rə̂ ânyë âhrô. Agbâkü matö nə̈ ndə̂ âhrô lâme, a âpala rə̂, kə̂ yi rə̂ bhâlə̂ wo ânyë âju.

Jâan 5:35

Jâan wä alême batə̂ lâmba ndə̂ âtcho, ânyë ngbänga nə̈ za tchô, käko nyë gämba rə̂ ndə̂kə̂ vu ngɨ̈ kpîɛ̂kpîɛ̂ rə̂ ndə̂sə̂ ngbänga nə̈.

Dokʉ̈ Körɛ̂nte 13:2

Âdə mê âwa la gbôgbô ndə̂ Kpɨ̂ki Yingö ndə̂kə̂ to ndə̂ma Ndjapä, âdə mê âwunsə̂ dju arə ndə̂ âwâ lə̂ küwû nə̈, âdə mê âwunsə̂ rə gbɛ̂, âdə kə̂ za su mê sə̈ Krîsiti âwa gbölö ndə̂kə̂ to rə̂ sə̈ aga pä tche gitə̂ yê lə̂ kpâlâ yê chï, ânyë âgîtə̂ yê chï, ânyë kə̂ nyində̂ ngâ wâbô wâ lə̂ mê-ê, më wâbo tə̂ ngâ rə-a.

Dokʉ̈ Körɛ̂nte 15:2

Âdə nyê âbata Tchôtchô Pö nə̈ batə̂ rə̂ ndə̂ më mû rə̂ sə̈ nyê, nyê tchadje lə̂ kuzü lə̂ köbosə̂ nə̈; ârə̂ âdəabô də̂ käko, dëkë kə̂ za su nyê sə̈ Ndjapä wä ämbänə̈.

Gälâte 3:1

Nyënyê azü gö ndə̂ Gälâte, küma nyê wâbo lanə̈-a! Giamâ kä âmbô nyê ânyë köbo nyê yû kâkë? Bëte kpôlə̂ la nyê kä ndə̂ a nyîsə̂ pö kraâ pâ Jezü Krîsiti ndə̂ a wôn tchë pâ yö ndə̂ gba!

Gälâte 3:4

Arə gbɛ̂ ndə̂ âgbô nyê lə̂ köbosə̂ Yingö alême, ägbö nyê ämbänə̈? Më wûn-âbo andə̂ me nə̈ pä äwä ämbänə̈-a!

Ëfêze 3:17

Kə̂ mbo rə̂ ndə̂kə̂ pa Krîsiti sə lə̂ su nyê lə̂ köbosə̂ kə̂ za su nyê sə̈ Ndjapä. Äwäpä nyë chichi tə̂ nyê, kə̂ kpokpo tə̂ nyê lə̂kə̂ nyində̂ ngâ nə̈ lâme.

Kölôse 1:23

Praâbalë äwäpä su nyë ndə̂ nyë zâ rə̂ sə̈ Ndjapä ndəpo la gbôgbô ânyë kə̂ kpokpo tə̂ yê. Nyë ëäbô ê ngrɨ̈ tə̂ rə ndə̂ su nyê wâ pânə̈ ndə̂ nyë krʉ̂ bëte rə̂ lâme sə̂nə̈ ndə̂ nyë djê Tchôtchô Pö lâme, ndə̂ a mû rə̂ sə̈ azü pâ cho gbɛ̂, ndə̂ mëmê Pôlo, më mbôtə̂ mê tə̂ earə̂ kua ndə̂kə̂ mu Tchôtchô Pö nə̈.

Kölôse 2:7

Äwäpä nyë krʉ la gbôgbô pâ Krîsiti batə̂ chëchë da yö ndə̂ âlî cho, ânyë kə̈ wâ ndjë batə̂ nda ndə̂ âkrʉ̂ la gbôgbô pâ da yê. Nyë kpökpo tə̂ nyê lə̂ köbosə̂ kə̂ za su nyê sə̈ Krîsiti batə̂ rə̂ ndə̂ a nyîsə̂ nə̈ sə̈ nyê, nyë zä ayîabâ tə̂ gbölösə̂nə̈ sə̈ Ndjapä.

Dokʉ̈ Tësälönîke 3:5

Bëte rə̂ kä ndə̂ më kä wâbo ndə̂kə̂ rʉatə̂ su mê ndə̂kə̂ krʉ zoo, ânyë kə̈ wân Timotë ndə̂kə̂ pa tche e kə̂ dje pö pâ su nyê ndə̂ nyë zâ rə̂ sə̈ Krîsiti lâme-a. Wawa mbö mê ndə̂kə̂ pa Jâbolo vuabô nyê vû-ê ânyë kua ndə̂ ârâ mbô rə̂ wabô wâ ämbänə̈-ê.

Dokʉ̈ Timotë 1:19

Lə̂ köbosə̂ su zə̈ ndə̂ mo zâ rə̂ sə̈ Ndjapä lâme, la tchôtchô kə̂ rɨ tchə̂lə̂, angâ azü kösə̂ kə̂ dje atchôtchô apö ndə̂ andjë rɨ tchə̂lə̂ su andjê pânə̈ lâme, ânyë su andjê ndə̂ andjë zâ rə̂ sə̈ Ndjapä lâme, köbo nə̈ yû-î.

Aheborö 10:39

Azə̈ də̂âbo azü ndə̂ andjë dôtə̂ andjê atə̂ ngbânə̈ ânyë köbo yu tə̂ andjê-a. Praâbalë azə̈ də̈ azü ndə̂ azə̈ zâ su azə̂ sə̈ Jezü ndə̂kə̂ tcha lə̂ kuzü.

Jâke 2:26

Käko äwä ndjë batə̂ rə̂ ndə̂ akrə âwabô wâ la yi lə̂ yê, dëkë tche tchû nə̂. Käko ndjë, kə̂ za su sə̈ Ndjapä ndə̂ âwâbô wâ la akua ndə̂ yê tâ, dëkë kə̂ za su nə̈ lâme tchû nə̂.

Bïchuû Pîêre 2:20

Bëte âdə azü ndə̂ andjë wûtu lə̂ angbongbo rə ndə̂ tchêbêche lə̂ köbosə̂ nə̈ ndə̂ andjë wûnsə̂ Jezü Krîsiti Gbölö Gbïɛ̈ la Earə̂ kə̂ tcha azə̂, ânyë andjë kä kâ atə̂lə̂ angbongbo arə nə̈ lâme ânyë ârôpâ andjê, kə̂ sə ndə̂ andjê la tchêngbâ nə̈ âka wa ngbo kə̂ ro anə̈ dokʉ̈tchê.

Bïchuû Pîêre 2:22

Rə ndə̂ âgbô andjê wä gundə̂sə̂ ndoka ndə̂ âtô lëge pö päkëdə̂: «Ɛ̈vrô dötə̂ yê ndə̂ kɨ̈zɨ̂ ndə̂ tche ndjâ rə̂» âdəndjë: «Koso ndə̂ a djûtu tchë anganga-ë, tche kä rôtə̂ yê lə̂ kpata.»

Dokʉ̈ Jâan 2:19

Azü nə̈ lâme gbô lə̂ gûtə̂ azə̂ nə̂, praâbalë andjë wâbo alême tə̂ andjandə̂ azə̈ nə̈-a. Âdə andjê âwa alême tə̂ andjandə̂ azə̂, dëkë andjê ândəpo alême lə̂ gûtə̂ azə̂. Praâbalë ndə̂ andjë gbô lə̂ gûtə̂ azə̂ lâme, änyïsə̂ nə̈ pä tə̂ lëge nə̈ ngâ akrə balë lə̂ gûtə̂ andjê wâbo alêe tə̂ tchandə̂ azə̈ nə̈-a.

Jûde 1:12

Andjendjê kä ndə̂ âwâ batə̂ kâkpö lə̂ kɨ̈zɨ̂ ndə̂ nyê ngbotâ nyɛ̂ɛ̂ balë, ânyë kə̂ zɨ rə̂ lə̂ gbâtə̂ nyê. Andjë zɨ̂âbo rə lakə̂ ndjo rə la ganô-a. Andjë wün kütû gʉ tchə̂lə̂ andjê. Andjë wä batə̂ ndrö ndə̂ yi rô la rə̂ ânyë nyïvrö nyîâbô nyî. Andjë wä batə̂ angâ ayö ndə̂ lo kə̂ le ndə̂nə̈ âta nə̂, âlêâbo balë-a, âdə a âsu da nə̈ âtchu tratralë.