Lûke 8:12 - Mbëtï Ndjapä: TÄFO MADƗ̈

¹² Andjî rəgʉ ndə̂ âtû ndroma köbo də̈ azü ndə̂ andjë djê pö Ndjapä, praâbalë Jâbolo nə̂ kə̈ krʉ̂a pö nə̈ lə̂ su andjê, kə̈ kîtə̂ köbo tə̂ andjê ndə̂kə̂ pa andjë za su andjê sə̈ Ndjapä, ânyë kə̂ tcha lə̂ kuzü.

Lûke 8:12 Iomraidhean Croise

Matiyə̈ 13:19

Azü ndə̂ andjë dje pö ndə̂ Gbölö gö-gbïɛ̈ ndə̂ tchêlafô ânyë kə̂ djeabô tchə̂lə̂ nə̈ djê, andjë wä batə̂ tchô ndroma köbo ndə̂ ndjî rəgʉ tu tâ. Ngbongbo akrə nə̂, ânyë kə̈ krʉ̂a rə ndə̂ a lû rə̂ lə̂ su azü nə̈.

Matiyə̈ 13:4

Ndə̂ tche âsə̈ gɨ ndjî rəgʉ nə̈ lə̂ kɨ̈ndɨ̈ ndə̂ yê, angânə̈ nə̈ tû bêche ndroma köbo. Anyïɛ̈nə̈ nə̂ kə̈ dê rə̂ gbɛ̂.

Mâreke 4:15

Andjanə̈ ndə̂ andjë wâ batə̂ ndjî nə̈ ndə̂ âtû ndroma köbo, də̈ andjanə̈ ndə̂ a lû pö nə̈ lə̂ su andjê, praâbalë ndə̂ andjë djê pö nə̈, Satäa nə̂ kə̈ krʉ̂a pö nə̈ ndə̂ a lû rə̂ lə̂ su andjê.

Lûke 8:11

«Dju ndoka lâme wä kâkë: Ndjî rəgʉ nə̈ də̈ pö Ndjapä.

Lûke 8:13

Angânə̈ wä batə̂ cho ndə̂ âwâ la täme. Andjë djë pö Ndjapä nə̈, kə̈ gâmba rə̂ la mômô. Praâbalë pö Ndjapä nə̈ mbôâbo chëchë nə̈ bhâlə̂ su andjê-a. Andjë zä su andjê tâ kütû ndə̂ kpîɛ̂kpîɛ̂ lö, âdə ngâ gbôgbô rə âsə̈ gbo andjê, djîrə̂ andjë gbotə̂ köbo su andjê ndə̂ andjë zâ rə̂ sə̈ Ndjapä lâme-ê.

Lûke 8:5

«Ngâ köchë wütu, kə̈ ê ndə̂kə̂ gɨ ndjî rəgʉ ndə̂ yê. Ndə̂ tche âsə̈ gɨ rə̂ angâ andjî rəgʉ nə̈ tû bêche ndroma köbo, azü dâ rə̂ ânyë anyïɛ̈nə̈ nə̂ kə̈ dê rə̂.

Apökälîbïchi 12:9

A yî gbölö gia ndə̂ tche wâ batə̂ mbölëngä lâme atə̂ bêche. Tchetchë kä ndə̂ âwâtə̂ bəndɨ ɛ̈krʉ̂ ndə̂ a ê rə̂ tə̂ yê pä Jâbolo, Satäa earə̂ kə̂ bolo azü pâ cho gbɛ̂. A yî tchë atə̂ bêche, tchetchë la aânje ndə̂ yê.