Lûke 8:1 - Mbëtï Ndjapä: TÄFO MADƗ̈

¹ La tchêngbâ nə̈ Jezü ê kulə̂ agö la ayɛ̈yɛ̈ gö lakə̂ mu Tchôtchô Pö ndə̂ Gbölö gö-gbïɛ̈ ndə̂ Ndjapä. Adjisîpili ndə̂ yê lə̂ könô gbɛ̂ tchêpâ nə̈ bïchuû zâ tchêngbâ yê,

Lûke 8:1 Iomraidhean Croise

Matiyə̈ 11:1

Ndə̂ Jezü kâ pö ndə̂ yê, tche zâma sə̈ adjisîpili ndə̂ yê lə̂ könô gbɛ̂ tchêpâ nə̈ bïchuû, kə̈ âlafô kə̈ ê ndə̂kə̂ nyisə̂ rə sə̈ azü, lakə̂ mu Tchôtchô Pö lə̂ agö ndə̂ andjê.

Matiyə̈ 13:19

Azü ndə̂ andjë dje pö ndə̂ Gbölö gö-gbïɛ̈ ndə̂ tchêlafô ânyë kə̂ djeabô tchə̂lə̂ nə̈ djê, andjë wä batə̂ tchô ndroma köbo ndə̂ ndjî rəgʉ tu tâ. Ngbongbo akrə nə̂, ânyë kə̈ krʉ̂a rə ndə̂ a lû rə̂ lə̂ su azü nə̈.

Matiyə̈ 4:23

Jezü nə̈ kulə̂ agö ndə̂ Galilë gbɛ̂. Tche nyïsə̂ rə sə̈ azü lə̂ anda kə̂ voga Ndjapä ndə̂ ajuîfu lə̂ gö nə̈. Tche mü Tchôtchô Pö ndə̂ Gbölö gö-gbïɛ̈ ndə̂ tchêlafô. Tche tchä a-earə̂ tə̂kömbô la azü ndə̂ ngâ tchâme-tə̂ andjê ndɨ̂.

Matiyə̈ 9:35

Jezü nə̈ kulə̂ agbölö gö la ayɛ̈yɛ̈ gö. Tche nyïsə̂ rə sə̈ azü lə̂ anda kə̂ voga Ndjapä ndə̂ ajuîfu. Tche mü Tchôtchô Pö ndə̂ Gbölö gö-gbïɛ̈ sə̈ azü. Tche tchä azü ndə̂ andjë wâ la tə̂kömbô la azü ndə̂ andjë ngêwele.

Mâreke 1:39

Käko Jezü ê kulə̂ anda kə̂ voga Ndjapä ndə̂ ajuîfu ndə̂ âwâ lə̂ agö ndə̂ Galilë gbɛ̂, kə̈ mû Tchôtchô Pö ndə̂ Ndjapä, kə̈ grô angbongbo atchozö.

Lûke 1:80

Âdə andə̂ bechë nə̈, tche kʉ̂che lakə̂ ge lə̂ Yingö. Tche sə̈ kütû bhâlə̂ kpaɛ̈gâ zoo ëtə̂ lo nə̈ ndə̂ tche mâtə̂ yê kraâ lə̂ la azü ndə̂ Isarayële gbɛ̂.

Lûke 20:1

Tə̂ngâlo, Jezü sə̂ lakə̂ nyisə̂ rə sə̈ azü lə̂ gbölö nda Ndjapä lakə̂ mu Tchôtchô Pö ndə̂ Ndjapä. Agbölö a-earə̂ kə̂ wa ngela sə̈ Ndjapä la a-earə̂ kə̂ nyisə̂ ndïɛ̈ la akpôkpô azü wûtu.

Lûke 4:18

«Yingö ndə̂ Gbölö Gbïɛ̈ kä pâ mê, tche sü kâdâ lə̂ küma mê ndə̂kə̂ nə la Tchôtchô Pö sə̈ a-earə̂ yûkü. Tche wän mê ndə̂kə̂ to rə̂ sə̈ a-earə̂ kânga pä a jî andjê nə̂, ndə̂kə̂ za kə̂ wun tchô sə̈ a-earə̂ föla. Tche wän mê ndə̂kə̂ ji azü ndə̂ a yuku andjê,

Lûke 9:6

Adjisîpili nə̈ rô etə̂. Andjë rô lə̂ ayɛ̈yɛ̈ gö nə̈ gbɛ̂, lakə̂ mu Tchôtchô Pö sə̈ azü, lakə̂ tcha a-earə̂ tə̂kömbô kusə̂ tchô gbɛ̂.

Abadjângele 10:38

Nyë wûnsə̂ köbo ndə̂ Ndjapä zâ gbôgbô lə̂ köbosə̂ Kpɨ̂ki Yingö pâ Jezü akrə gö ndə̂ Näzärête nə̂. Jezü nə̈ lə̂ agö katchôgbɛ̂ lakə̂ mbo tchôtchô rə. Tche jï azü gbɛ̂ ndə̂ andjë sə̂ tchâtchâ gbôgbô ndə̂ Jâbolo, bëte Ndjapä kä la tchë.

Abadjângele 13:32

Ârâ ndjë gbɛ̂, ârâ mü Tchôtchô Pö lâme sə̈ nyê ndə̂ Ndjapä zâ bâlâ tə̂ pö ndə̂nə̈ sə̈ araâta azə̂.

Rômo 10:15

Atöko kä ânyë azü mu pö nə̈ ndə̂ a wân-âbô andjê wân? Mbëtï Ndjapä tö rə̂ päkëdə̂: «Äwätə̂ tchôtchô rə ndə̂kə̂ wun kə̂ nə ndə̂ a-earə̂ kə̂ mu Tchôtchô Pö.»