Lûke 7:8 - Mbëtï Ndjapä: TÄFO MADƗ̈

⁸ Bëte mëmê la tə̂ mê, më wä tchâtchâ agbölö azü ndə̂ andjë wâ pâ mê, kə̈ wâ ndjë la aturûgu tchâtchâ mê. Më tö rə̂ sə̈ ngânə̈ päkëdə̂: ‹Amö e təbhâ›, tche e ndjë; âdə më âto rə̂ sə̈ ngânə̈ päkëdə̂: ‹Amö nə tchâtə›, tche nə ndjë. Më tö rə̂ sə̈ earə̂ kua ndə̂ mê päkëdə̂: ‹Amö mbo nə̈ âtə›, tche mbo ndjë rə̂.»

Lûke 7:8 Iomraidhean Croise

Lûke 7:7

Bëte rə̂ kä ndə̂ më wûn-âbô sə̂ tə̂ mê wûn djîrə̂ ndə̂kə̂ e atə̂ tchâtchu zə̈-ê. Äwäpä mo to kütû pö la ma zə̈, ânyë earə̂ kua ndə̂ mê tchadje.

Lûke 7:9

Ndə̂ Jezü djê pö lâme, tche gâmba gbölö akrə ndə̂ aturûgu nə̈. Jezü djêtə̂ yê, kə̈ tô rə̂ sə̈ kpûlû azü nə̈ ndə̂ andjë zâ tchêngbâ yê päkëdə̂: «Më tö rə̂ sə̈ nyê: Më gbôâbo ngâ akrə ndə̂ tche zâ su yê sə̈ mê kâkë-a, âdəndjë lə̂ azü ndə̂ Isarayële-a.»

Abadjângele 23:17

Pôlo ê ngâ kabïta ndə̂ aturûgu balë, kə̈ tô rə̂ sə̈ tchë päkëdə̂: «Amö ka la modô âtə sə̈ gbölö kömändâ, tche kä la ngâ pö ndə̂kə̂ to rə̂ sə̈ tchë.»

Abadjângele 23:23

Pânə̈, gbölö kömändâ ndə̂ aturûgu nə̈ ê akabïta ndə̂ aturûgu ndə̂ yê bïchuû, kə̈ tô rə̂ sə̈ andjê päkëdə̂: «Nyë nyïkrə aturûgu ngbangbo bïchuû, ndə̂kə̂ e atə̂ Sezarë. Andjê la aturûgu ndə̂ andjë kpe la ambâlâtâ tə̂ azü vötaâ la lə̂ könô gbɛ̂, la aturûgu ngbangbo bïchuû ndə̂ andjë mbo kʉ̈ʉ̈ la dɨ̈. Nyë nyïkrətə̂ nyê ndə̂kə̂ alafô lə̂ dalo mïndûu manə̈ voanə̈ ndə̂ tchə̂lə̂ bütchî âtə.

Abadjângele 23:26

«Mëmê Kölôde Lïsïâse, më mbö mbëtï âtə sə̈ goverenëre Fëlîkese, më pô ndə̂ zə̈ nə̂ gbïɛ̈.

Abadjângele 23:31

Aturûgu nə̈ mbô rə̂ gundə̂sə̂ pö ndə̂ a tô rə̂ sə̈ andjê. Andjë zâ Pôlo lə̂ bütchî kə̈ ê la tchë zoo kə̈ wûtu la tchë bhâ Äntïpätrîse.

Abadjângele 24:23

Tche zâma sə̈ makündji ndə̂ aturûgu ndə̂ tche bâta Pôlo, ndə̂kə̂ bata tchë bhâlə̂ nda kânga, praâbalë äwäpä tche gbotə̂ köbo sə̈ tchë ndə̂kə̂ mbo angâ arə ndə̂ su yê nyîndə̂ nə̈. Âdə angâ yê ânə ndə̂kə̂ za könô sə̈ tchë, âwâbo pä a kitə̂ köbo tə̂ andjê-a.

Abadjângele 25:26

Praâbalë më wûn-âbo sə̂ pö ndə̂ mê mbo rə̂ lə̂ mbëtï tə̂ pö ndə̂ yê ânyë kə̂ wan rə̂ sə̈ gbölö gbïɛ̈-a. Bëte rə̂ kä ndə̂ më nə̂ la tchë tchâtchu nyê, ndə̂kə̂ wun rə̂ djîrə̂, tchâtchu zə̈ gbïɛ̈ Agripä, ânyë la tchêngbâ kə̂ pu dju pö ndə̂ zə̈, mê gbo pö ndə̂ mê mbo rə̂ lə̂ mbëtï.

Kölôse 3:22

Angbâa, nyë djë ma a-earə̂ nyê bêche âtə lə̂ arə gbɛ̂. Nyë mböäbô kua nə̈ mbô gundə̂sə̂ la andjê âwûntî pä nyë nyïndə̂ kə̂ daka lə̂ la azü-î, praâbalë nyë mbö kua la su nyê balë, bëte nyë kpë wa Gbölö Gbïɛ̈.