Lûke 7:7 - Mbëtï Ndjapä: TÄFO MADƗ̈

⁷ Bëte rə̂ kä ndə̂ më wûn-âbô sə̂ tə̂ mê wûn djîrə̂ ndə̂kə̂ e atə̂ tchâtchu zə̈-ê. Äwäpä mo to kütû pö la ma zə̈, ânyë earə̂ kua ndə̂ mê tchadje.

Lûke 7:7 Iomraidhean Croise

Mâreke 1:27

Tchə̂lə̂ küma azü nə̈ gbɛ̂ djîngɨli, andjë sə̂ lakə̂ yutə̂ andjê lə̂ gbâtə̂ andjê päkëdə̂: «Rə âtə wä atöko? Ngâ täfo kə̂ nyisə̂ rə la gbôgbô ndə̂ Ndjapä! Köchë âtə tö pö la gbôgbô sə̈ angbongbo atchozö, andjë djê tchë-o!»

Lûke 4:36

Tchə̂lə̂ küma azü gbɛ̂ djîngɨli, andjë sə̂ lakə̂ yutə̂ andjê päkëdə̂: «Pö âtə nyïndə̂ kə̂ to rə̂ atöko? Köchë âtə tö pö la gbôgbô sə̈ angbongbo atchozö andjë wûtu nyê-o!»

Lûke 5:13

Jezü yï könô yê, kə̈ grʉ̂ tchë, kə̈ tô rə̂ päkëdə̂: «Më nyîndə̂ nə̈ nə̂, tə̂ zə̈ däka-ê!» Djîrə̂, broma nə̈ gbôtə̂ köchë lâme-ê.

Lûke 7:6

Käko Jezü gû la andjê. Ndə̂ Jezü wûtu ndola nda nə̈, gbölö akrə ndə̂ aturûgu lâme wân araagü nə̈ ndə̂kə̂ to rə̂ sə̈ Jezü päkëdə̂: «Gbölö Gbïɛ̈, wun-abô yûkü wûn-î, më kʉ̂âbo sə̂nə̈ pä mo li bhâ tchâalê ndə̂ mê-a.

Lûke 7:8

Bëte mëmê la tə̂ mê, më wä tchâtchâ agbölö azü ndə̂ andjë wâ pâ mê, kə̈ wâ ndjë la aturûgu tchâtchâ mê. Më tö rə̂ sə̈ ngânə̈ päkëdə̂: ‹Amö e təbhâ›, tche e ndjë; âdə më âto rə̂ sə̈ ngânə̈ päkëdə̂: ‹Amö nə tchâtə›, tche nə ndjë. Më tö rə̂ sə̈ earə̂ kua ndə̂ mê päkëdə̂: ‹Amö mbo nə̈ âtə›, tche mbo ndjë rə̂.»