Lûke 7:6 - Mbëtï Ndjapä: TÄFO MADƗ̈

⁶ Käko Jezü gû la andjê. Ndə̂ Jezü wûtu ndola nda nə̈, gbölö akrə ndə̂ aturûgu lâme wân araagü nə̈ ndə̂kə̂ to rə̂ sə̈ Jezü päkëdə̂: «Gbölö Gbïɛ̈, wun-abô yûkü wûn-î, më kʉ̂âbo sə̂nə̈ pä mo li bhâ tchâalê ndə̂ mê-a.

Lûke 7:6 Iomraidhean Croise

Matiyə̈ 20:28

Ârə̂ kä ndə̂ Modô ndə̂ Akrə nə̂âbo ndə̂kə̂ pa azü mbo kua sə̈ tchë-a, praâbalë tche nə̈ ndə̂kə̂ mbo kua sə̈ azü lakə̂ zatə̂ yê sə̈ kuzü ndə̂kə̂ ji angbängbä azü lə̂ ngbongbo rə ndə̂ andjê.»

Matiyə̈ 3:11

Më zä kütû batɛ̂me ndə̂ ngû sə̈ nyê ndə̂kə̂ nyisə̂ nə̈ päkëdə̂ nyë gbôtə̂ abəndɨ kə̂ mbo rə ndə̂ nyê nə̂. Ngâ akrə ndə̂ tche wâ la gbôgbô kə̈ rô mê ânəadje la tchêngbâ mê. Më ndôâbo la sə̂ yê ndə̂kə̂ zu dakpo tə̂ da yê-a. Tchê zadje batɛ̂me ndə̂ Kpɨ̂ki Yingö la andə̂ wo sə̈ nyê.

Mâreke 5:24

Jezü la Jäyïrûse, andjë gû gutə̂. Ngâ gbölö kpûlû azü zâ tchêngbâ Jezü ânyë kə̈ sə̂ lakə̂ frofro tchë katchôgbɛ̂.

Lûke 5:8

Ndə̂ Chemön wûn rə̂ käko, tche gʉ̂te tchâtchâ Jezü, kə̈ tô rə̂ päkëdə̂: «Gbölö Gbïɛ̈, gitə̂ zə̈ tə̂ mê bhâchï, bëte më də̈ earə̂ ngbongbo rə.»

Lûke 7:4

Andjë nə̂ kə̈ gbô Jezü, kə̈ jêtə̂ kə̂ yu tchë la su andjê gbɛ̂, lakə̂ to rə̂ päkëdə̂: «Turûgu âtə kʉ̈sə̂ nə̈ pä mo mbo rə̂ la tchë.

Lûke 7:5

Bëte tche nyïndə̂ azü gö ndə̂ azə̂, tchetchë kä ndə̂ âmbô nda kə̂ voga Ndjapä ndə̂ azə̂.»

Lûke 7:7

Bëte rə̂ kä ndə̂ më wûn-âbô sə̂ tə̂ mê wûn djîrə̂ ndə̂kə̂ e atə̂ tchâtchu zə̈-ê. Äwäpä mo to kütû pö la ma zə̈, ânyë earə̂ kua ndə̂ mê tchadje.

Lûke 8:49

Ndə̂ gbô Jezü âsə̈ to pö lâme, ngâ akrə tô bhâ tchâalê ndə̂ Jäyïrûse, makündji ndə̂ nda kə̂ voga Ndjapä lâme, kə̈ nə̂ kə̈ tô rə̂ sə̈ Jäyïrûse päkëdə̂: «Ɛ̈wünrə ndə̂ zə̈ nə̈ tchû nə̂, amö ka bata küma earə̂ kə̂ nyisə̂ rə kâ-ê.»

Abadjângele 10:38

Nyë wûnsə̂ köbo ndə̂ Ndjapä zâ gbôgbô lə̂ köbosə̂ Kpɨ̂ki Yingö pâ Jezü akrə gö ndə̂ Näzärête nə̂. Jezü nə̈ lə̂ agö katchôgbɛ̂ lakə̂ mbo tchôtchô rə. Tche jï azü gbɛ̂ ndə̂ andjë sə̂ tchâtchâ gbôgbô ndə̂ Jâbolo, bëte Ndjapä kä la tchë.

Jâke 4:10

Äwäpä nyë mbotə̂ nyê kpîɛ̂kpîɛ̂ rə̂ tchâtchu Gbölö Gbïɛ̈, ânyë tchê kengadje nyê.

Jâke 4:6

Praâbalë Ndjapä kä mbô dâkâ tə̂ azü ârô masə̂nə̈, bëte rə̂ kä ndə̂ Mbëtï Ndjapä tô rə̂ päkëdə̂: «Ndjapä kösə̂ azü ndə̂ andjë nyisə̂ tə̂ andjê, praâbalë tche mbö tchôtchô su tə̂ azü ndə̂ andjë mbotə̂ andjê kpîɛ̂kpîɛ̂ rə̂.»