Lûke 7:47 - Mbëtï Ndjapä: TÄFO MADƗ̈

⁴⁷ Ârə̂ kä ndə̂ më tô rə̂ sə̈ mö päkëdə̂: A kô angbängbä apö lə̂ küma yê nə̂ bëte rə̂ ndə̂ tche nyîndə̂ mê tə̂ gbölösə̂nə̈. Bëte âdə a âko pö lə̂ küma akrə kpîɛ̂kpîɛ̂ rə̂, tche ânyində̂ azü kpîɛ̂kpîɛ̂ rə̂.»

Lûke 7:47 Iomraidhean Croise

Matiyə̈ 10:37

Akrə ndə̂ tche nyîndə̂ bha nə̈ âdəndjë anyï nə̈ ârô mê, tche wâbo ndə̂kə̂ watə̂ djisîpili ndə̂ mê-a. Akrə ndə̂ tche nyîndə̂ modô ndə̂ yê âdəndjë ɛ̈wünrə ndə̂ yê ârô mê, tche wâbo ndə̂kə̂ watə̂ djisîpili ndə̂ mê-a.

Lûke 7:39

Farizïɛ̈n ndə̂ tche ê Jezü lâme âsə̈ wun rə̂ käko, kə̈ tô rə̂ bhâtə̂ su yê päkëdə̂: «Âdə köchë âtə âwatə̂ lëge earə̂ ndə̂ma Ndjapä, dëkë tche wûnsə̂ pö pâ ɛ̈chë ndə̂ tche sə̂ lakə̂ grʉ tchë lâme nə̂. Ɛ̈chë lâme wätə̂ earə̂ ngbongbo rə.»

Lûke 7:46

Mo sûâbo kâdâ pâ küma mê-a, praâbalë tchetchë ndə̂ ye nə̈, tche sû yömbö tə̂ kʉ̂tê da mê.

Lûke 7:48

Jezü tô rə̂ sə̈ ɛ̈chë nə̈ päkëdə̂: «A kô pö lə̂ küma zə̈ nə̂.»

Abadjângele 5:31

Ndjapä kênga tchë də ndôkö könô yê ndə̂kə̂ pa tche watə̂ Makündji la Earə̂ kə̂ tcha azü, kə̈ zâ köbo sə̈ azü ndə̂ Isarayële ndə̂kə̂ pa andjë gbotə̂ bəndɨ kə̂ mbo rə ndə̂ andjê, ânyë Ndjapä koadje pö lə̂ küma andjê.

Rômo 5:20

Ndïɛ̈ nə̈ ndə̂kə̂ mbo rə̂ pä ngbongbo rə ndə̂ azü ro masə̂nə̈. Praâbalë sə̂ tchô ndə̂ ngbongbo rə ro masə̂nə̈, tchôtchô su ndə̂ Ndjapä rö masə̂nə̈ tə̂ gbölösə̂nə̈.

Bïchuû Körɛ̂nte 5:14

Krîsiti nyïndə̂ azə̈ ârô masə̂nə̈, azəzə̂ ndə̂ azə̈ wûnsə̂ nə̈ pä akrə balë kä ndə̂ âtchû bëte azü gbɛ̂, käko azü gbɛ̂ âtchu ndjë balë la tchë.

Gälâte 5:6

Bëte âdə ngâ akrə âwa balë la Jezü Krîsiti, ânyë a wâ tchë la gasa, âdəndjë rə̂ ndə̂ a wâbô tchë wâ la gasa, tchôtchô rə nə̈ də̂âbo rə̂ lâme-a! Tchôtchô rə nə̈ wä ndə̂kə̂ pa akrə za su yê sə̈ Krîsiti. Kə̂ za su sə̈ Krîsiti nə̈ lâme kä ndə̂ âmbo rə̂ pä azü nyində̂ angâ andjê.

Ëfêze 6:24

Äfü pä tchôtchô su ndə̂ Ndjapä wa pâ azü gbɛ̂ ndə̂ andjë nyîndə̂ Gbölö Gbïɛ̈ ndə̂ azə̂ Jezü Krîsiti lakə̂ nyində̂ yê ndə̂ âwâ pïï etə̂.

Fïlîpe 1:9

Më tö pö sə̈ Ndjapä bëte nyê kâkë: Äwäpä kə̂ nyində̂ angâ nyê lə̂ gbâtə̂ nyê e kütû ë atə̂ tchâtchu nə̈, käko tchə̂lə̂ la nyê kra ndə̂kə̂ wunsə̂ rə djîrə̂,

Dokʉ̈ Timotë 1:14

Tə̂ lëge nə̈, tchôtchô su ndə̂ Gbölö Gbïɛ̈ ndə̂ azə̂ röpâ nə̈ bëte mê, ndjë lakə̂ nyində̂ ngâ, lakə̂ za su sə̈ Ndjapä ndə̂ tche kʉ̂ rə̂ sə̈ mê lə̂ köbosə̂ nə̈ ndə̂ më wâ balë la Jezü Krîsiti.

Dokʉ̈ Jâan 1:7

Praâbalë âdə azə̂ ânə lə̂ ngbänga, batə̂ rə̂ ndə̂ Ndjapä la tə̂ yê wâ lə̂ ngbänga, dëkë azə̈ wâ nə̂ balë la angâ azə̂, ânyë jï Jezü Modô ndə̂ yê djutu angbongbo rə ndə̂ azə̂ gbɛ̂.

Dokʉ̈ Jâan 3:18

Abechë ndə̂ mê, nyë nyïäbô nyîndə̂ angâ nyê kütû la wünwün pö-ê, âdəndjë mbämbä pö lə̂ ma nyê-ê, praâbalë nyë nyïndə̂ angâ nyê lakə̂ mbo kua nə̈, ndjë lə̂ köbosə̂ lëge pö.

Dokʉ̈ Jâan 4:19

Andə̂ azə̈ nə̈, azə̈ nyïndə̂ azü bëte Ndjapä nyïndə̂ azə̂ tə̂ dokʉ̈ nə̈.

Dokʉ̈ Jâan 5:3

Bëte kə̂ nyində̂ Ndjapä wä ndə̂kə̂ pa azə̈ mbo rə gundə̂sə̂ andïɛ̈ ndə̂ yê. Andïɛ̈ ndə̂ yê nə̈ lâme lûâbo-a.