Lûke 7:41 - Mbëtï Ndjapä: TÄFO MADƗ̈

⁴¹ Jezü tô rə̂ päkëdə̂: «Ngâ akrə kä tâ ndə̂ geda ndə̂ yê wâ lə̂ küma azü bïchuû. Ngânə̈ wä la geda ndə̂ mîɛ̈-makətche ngbangbo mïndûu ndə̂kə̂ gi rə̂ sə̈ earə̂ nə̈. Ngânə̈ wâ la rə̂ mîɛ̈-makətche tə̂ azü bïchuû la lə̂ könô gbɛ̂.

Lûke 7:41 Iomraidhean Croise

Matiyə̈ 18:28

Earə̂ kua nə̈ wûtu kə̈ tâkpa la ngâ yê earə̂ kua ndə̂ geda ndə̂ yê wâ lə̂ küma yê mîɛ̈-makətche ngbangbo balë. Tche tchû angrô yê kproô, kə̈ zâ tchə̂lə̂ nə̈ ndɛ̈ɛ̈ lakə̂ tô rə̂ pä: ‹Amö gi geda ndə̂ mê sə̈ mê.›

Matiyə̈ 6:12

amö ko pö lə̂ küma ârâ, batə̂ rə̂ ndə̂ ârâ ko ndjë pö lə̂ küma azü ndə̂ andjë mbo ngbongbo rə tə̂ ârâ.

Mâreke 6:37

Praâbalë Jezü tô rə̂ sə̈ andjê päkëdə̂: «Nyënyê la tə̂ nyê, nyë kʉ̈ kɨ̈zɨ̂ sə̈ andjê.» Andjë tô rə̂ sə̈ tchë päkëdə̂: «Mo nyïndə̂ nə̈ pä ârâ e kə̂ yo mâpa ngbâ mîɛ̈-makətche ngbangbo bïchuû kə̂ kʉ rə̂ sə̈ andjê ânyë andjë zɨ rə̂?»

Lûke 11:4

Amö ko pö lə̂ küma ârâ, batə̂ rə̂ ndə̂ ârâ ko ndjë pö lə̂ küma azü ndə̂ andjë mbo ngbongbo rə tə̂ ârâ. Amö gboabô gbôtə̂ ârâ ndə̂kə̂ pa ârâ te lə̂ arə ndə̂ âbolo azü-î.›»

Lûke 12:48

Earə̂ kua ndə̂ tche wûn-âbo sə̂ rə wûn ndə̂ gbölö akrə ndə̂ yê nyîndə̂ nə̈, ânyë kə̈ mbô rə ndə̂ âwâ ndə̂kə̂ pa a bhi tchë, a âbhi tchë kpîɛ̂kpîɛ̂ rə̂. Akrə ndə̂ a kʉ̂ rə sə̈ tchë tə̂ gbölösə̂nə̈, a âyu ndjë tchë tə̂ gbölösə̂nə̈. Akrə ndə̂ a gbôtə̂ rə tchânə̂ yê tə̂ gbölösə̂nə̈, a âyu ndjë kû nə̈ tə̂ gbölösə̂nə̈.»

Lûke 13:4

Ânyë azü lə̂ könô gbɛ̂ tchêpâ nə̈ mïndûu manə̈ vötaâ bhâ Jerûzalêmo ndə̂ gbölö nda ndə̂ Silowë ndə̂ âgû atə̂ lafô tû pâ andjê kə̈ wôn andjê lâme, nyë wüntî pä andjë mbö ngbongbo rə kə̈ rô azü ndə̂ Jerûzalêmo gbɛ̂?

Lûke 7:40

Jezü tô rə̂ sə̈ farizïɛ̈n nə̈ päkëdə̂: «Chemön, më kä la ngâ pö ndə̂kə̂ to rə̂ sə̈ mö.» Chemön tô rə̂ ndə̂nə̈ sə̈ tchë päkëdə̂: «Earə̂ kə̂ nyisə̂ rə, amö to pö nə̈.»

Lûke 7:47

Ârə̂ kä ndə̂ më tô rə̂ sə̈ mö päkëdə̂: A kô angbängbä apö lə̂ küma yê nə̂ bëte rə̂ ndə̂ tche nyîndə̂ mê tə̂ gbölösə̂nə̈. Bëte âdə a âko pö lə̂ küma akrə kpîɛ̂kpîɛ̂ rə̂, tche ânyində̂ azü kpîɛ̂kpîɛ̂ rə̂.»

Rômo 3:23

Azü gbɛ̂ mbô ngbongbo rə nə̂, andjë wâbo ndə̂kə̂ wun golowäre ndə̂ Ndjapä-a.

Rômo 5:20

Ndïɛ̈ nə̈ ndə̂kə̂ mbo rə̂ pä ngbongbo rə ndə̂ azü ro masə̂nə̈. Praâbalë sə̂ tchô ndə̂ ngbongbo rə ro masə̂nə̈, tchôtchô su ndə̂ Ndjapä rö masə̂nə̈ tə̂ gbölösə̂nə̈.