Lûke 7:34 - Mbëtï Ndjapä: TÄFO MADƗ̈

³⁴ Modô ndə̂ Akrə nə̈, kə̈ zɨ̂ rə, kə̈ ndjô rə, nyë tô rə̂ päkëdə̂: ‹Wunsa köchë âtə ndə̂ kua ndə̂ yê wâ kütû ndə̂kə̂ zɨ rə, lakə̂ ndjo vɛ̂n-ɛn, tche mbö agü la a-earə̂ kə̂ pala makətche-lapöo, la a-earə̂ ngbongbo rə!›

Lûke 7:34 Iomraidhean Croise

Matiyə̈ 11:19

Modô ndə̂ Akrə nə̈, kə̈ zɨ̂ rə, kə̈ ndjô rə, azü tô rə̂ päkëdə̂: ‹Wunsa köchë âtə ndə̂ kua ndə̂ yê wâ kütû ndə̂kə̂ zɨ rə gbɛ̂, lakə̂ ndjo vɛ̂n-ɛn, tche mbö agü la a-earə̂ kə̂ pala makətche-lapöo, la a-earə̂ ngbongbo rə!› Praâbalë küma akrə ndə̂ âwa lanə̈, ndə̂ âtô bhândə̂ Ndjapä nyïsə̂ nə̈ pä kə̂ mbo kua ndə̂ yê wä djîrə̂.»

Matiyə̈ 5:46

Âdə nyë ânyi kütû ndə̂ azü ndə̂ andjë nyîndə̂ nyê, tchôtchô rə giamâ kä ndə̂ nyê gbo rə̂ tchânə̂ Ndjapä? A-earə̂ kə̂ pala makətche-lapöo mbö ndjë rə batə̂ rə̂ ndə̂ nyê mbo rə̂ lâme.

Matiyə̈ 9:11

Afarizïɛ̈n wûn rə̂ käko kə̈ tô rə̂ sə̈ adjisîpili ndə̂ Jezü päkëdə̂: «Bëte giamâ earə̂ kə̂ nyisə̂ rə sə̈ nyê zɨ rə la a-earə̂ kə̂ pala makətche-lapöo la a-earə̂ ngbongbo rə?»

Lûke 11:37

Ndə̂ Jezü tô pö nə̈ gbɛ̂ âkâ, ngâ farizïɛ̈n ê tchë ndə̂kə̂ zɨ kɨ̈zɨ̂ bhândə̂ yê. Jezü lî kə̂ sə̂ ma kɨ̈zɨ̂ lakə̂ zɨ rə̂.

Lûke 14:1

Lə̂ ngâ lö sabäa, Jezü ê bhândə̂ ngâ makündji ndə̂ afarizïɛ̈n ndə̂kə̂ zɨ kɨ̈zɨ̂. Azü ndə̂ andjë sə̂ bhâye sə̂ lakə̂ cheko Jezü gbôô.

Lûke 15:2

Afarizïɛ̈n la a-earə̂ kə̂ nyisə̂ ndïɛ̈ sə̂ lakə̂ jende tchë lakə̂ tô rə̂ päkëdə̂: «Köchë âtə mbö la sə̂ a-earə̂ ngbongbo rə, ânyë kə̈ sə̂ lakə̂ zɨ rə la andjê!»

Lûke 19:7

Ndə̂ azü wûn rə̂ käko, andjë sə̂ lakə̂ jende Jezü lakə̂ to rə̂ päkëdə̂: «Köchë âtə ë ndə̂kə̂ lo bhândə̂ ngâ earə̂ ngbongbo rə!»

Lûke 5:29

Pânə̈ Levï mbô ngâ gbölö kpülü bhâ tchâalê ndə̂ yê sə̈ Jezü. Angbängbä a-earə̂ kə̂ pala makətche-lapöo la angâ azü ngbî kä ndjë lakə̂ zɨ rə la andjê.

Lûke 7:33

Bëte Jâan-Batîse nə̈, tche zɨ̂âbo mâpa-a, kə̈ ndjôâbo vɛ̂n-ɛn, nyë tô rə̂ päkëdə̂, tche kä la ngbongbo tchozö lə̂ yê!

Lûke 7:35

Praâbalë küma ndə̂ âwa lanə̈ wä djîrə̂ lə̂ la azü ndə̂ Ndjapä gbɛ̂.»

Lûke 7:36

Ngâ farizïɛ̈n ë Jezü ndə̂ kɨ̈zɨ̂ bhândə̂ yê. Jezü ê bhândə̂ köchë lâme kə̈ sə̂ mä kɨ̈zɨ̂.

Jâan 12:2

A mbô kɨ̈zɨ̂ bëte Jezü bhâye. Mârete kä ndə̂ âtô tchə̂lə̂ kɨ̈zɨ̂ nə̈ ânyë Lazäre sə̂ lə̂ gûtə̂ azü ndə̂ andjë sə̂ lakə̂ zɨ kɨ̈zɨ̂ la Jezü.

Jâan 2:2

Andjë ê ndjë Jezü la adjisîpili ndə̂ yê ndə̂ kpülü ndə̂kə̂ totə̂ nə̈.