Lûke 7:30 - Mbëtï Ndjapä: TÄFO MADƗ̈

³⁰ Praâbalë afarizïɛ̈n la a-earə̂ kə̂ nyisə̂ ndïɛ̈ kôsə̂ rə ndə̂ Ndjapä nyîndə̂ kə̂ mbo rə̂ tə̂ andjê, kə̈ kôsə̂ kə̂ gbo batɛ̂me ndə̂ Jâan.»

Lûke 7:30 Iomraidhean Croise

Matiyə̈ 22:35

Ngâ earə̂ kə̂ nyisə̂ ndïɛ̈ balë lə̂ gbâtə̂ andjê vû Jezü, tche yû tchë päkëdə̂:

Lûke 13:34

«Jerûzalêmo, Jerûzalêmo, momö ndə̂ mo wôn a-earə̂ ndə̂ma Ndjapä. Azü ndə̂ Ndjapä wân andjê sə̈ mö, mo nyê andjê la täme andjë tchû-î! Sûsunə̈ atöko kä ndə̂ më nyîndə̂ kə̂ pala abechë ndə̂ zə̈ ëtchâtchâ mê batə̂ anyï ngötö pala aɛ̈ nə̈ tchâtchâ mbrö yê, praâbalë mo nyîâbo ndə̂nə̈-a.

Lûke 20:6

Praâbalë âdə azə̂ âto rə̂ päkëdə̂: ‹Azü kä ndə̂ âwân Jâan,› azü gbɛ̂ nyeadje azə̂ la täme kə̂ won azə̂! Bëte andjë gämba rə̂ la su andjê gbɛ̂ pä Jâan wätə̂ earə̂ ndə̂ma Ndjapä.»

Lûke 7:31

Jezü kä tô rə̂ päkëdə̂: «Azü ndə̂ tchô angêta wä batə̂ giamâ? Andjë kʉ̈ tchabâ?

Abadjângele 20:27

Tə̂ lëge nə̈, arə ndə̂ Ndjapä nyikrə rə̂ dokʉ̈tchê, më nyîsə̂ nə̈ nə̂ gbɛ̂ sə̈ nyê, kə̈ vûâbo sə̂ ngâ rə balë-a.

Rômo 10:21

Praâbalë pâ pö ndə̂ azü gö ndə̂ Isarayële, Ndjapä tö rə̂ päkëdə̂: «Logbɛ̂, më yï könô mê sə̈ azü gö ndə̂kə̂ pa andjë nə, praâbalë azü nə̈ wätə̂ a-earə̂ kə̂ kosə̂ pö, kə̈ wâ ndjë tə̂ azü ndə̂ küma andjê kpô.»

Bïchuû Körɛ̂nte 6:1

Ndə̂ azə̈ sə̂ lakə̂ mbo kua la Ndjapä, ârâ yükû nə̈ sə̈ nyê ndə̂kə̂ gboabô gbôtə̂ tchôtchô su ndə̂ Ndjapä mbô rə̂ tə̂ azə̂ ämbänə̈-ê.

Gälâte 2:21

Më nyîâbo ndə̂nə̈ pä tchôtchô su ndə̂ Ndjapä wa ämbänə̈-a. Bëte âdə ngâ akrə âwa djîrə̂ lə̂ la Ndjapä lə̂ köbosə̂ ndïɛ̈, dëkë Krîsiti tchü ämbämbänə̈.

Ëfêze 1:11

Ndə̂ azə̈ wâ ndjë balë la Krîsiti, azə̈ gbö andə̂ azə̂ nə̈ arə ndə̂ tche nyîkrə rə̂ dokʉ̈tchê lə̂ köbosə̂ nə̈ ndə̂ tche dɨ̂ azə̂ ndə̂kə̂ gbo rə̂. Tche mbö arə nə̈ gbɛ̂ batə̂ rə̂ ndə̂ su yê nyîndə̂ nə̈.