Lûke 7:29 - Mbëtï Ndjapä: TÄFO MADƗ̈

²⁹ Azü gbɛ̂ djë Jâan, a-earə̂ kə̂ pala makətche-lapöo gbɛ̂ djê ndjë tchë. Andjë wünsə̂ nə̈ pä Ndjapä wä djîrə̂, ânyë Jâan zâ batɛ̂me ndə̂ ngû sə̈ andjê.

Lûke 7:29 Iomraidhean Croise

Matiyə̈ 5:46

Âdə nyë ânyi kütû ndə̂ azü ndə̂ andjë nyîndə̂ nyê, tchôtchô rə giamâ kä ndə̂ nyê gbo rə̂ tchânə̂ Ndjapä? A-earə̂ kə̂ pala makətche-lapöo mbö ndjë rə batə̂ rə̂ ndə̂ nyê mbo rə̂ lâme.

Lûke 20:6

Praâbalë âdə azə̂ âto rə̂ päkëdə̂: ‹Azü kä ndə̂ âwân Jâan,› azü gbɛ̂ nyeadje azə̂ la täme kə̂ won azə̂! Bëte andjë gämba rə̂ la su andjê gbɛ̂ pä Jâan wätə̂ earə̂ ndə̂ma Ndjapä.»

Lûke 3:12

Azü ndə̂ andjë pala makətche-lapöo nə̂ ndjë ndə̂kə̂ gbo batɛ̂me, andjë yû Jâan päkëdə̂: «Earə̂ kə̂ nyisə̂ rə, giamâ kä ndə̂ ârâ wâ ndə̂kə̂ mbo rə̂?»

Lûke 7:28

Jezü kä tô rə̂ päkëdə̂: «Më tö rə̂ sə̈ nyê päkëdə̂, lə̂ gbâtə̂ azü ndə̂ aɛ̈chë zɨ̂ andjê, ngâ akrə ndə̂ tche wâ gbölö kə̈ rô Jâan wâbo-a. Lə̂ rə lâme gbɛ̂, tchanə̈ ndə̂ tche wâtə̂ kpîɛ̂kpîɛ̂ nə̈ lə̂ Gbölö gö-gbïɛ̈ ndə̂ Ndjapä rö tchë.

Lûke 7:35

Praâbalë küma ndə̂ âwa lanə̈ wä djîrə̂ lə̂ la azü ndə̂ Ndjapä gbɛ̂.»

Abadjângele 18:25

Dëkë, a nyîsə̂ pö pâ köbo Gbölö Gbïɛ̈ sə̈ tchë dokʉ̈tchê nə̂. Tche sə̂ lakə̂ mu Tchôtchô Pö lakə̂ nyisə̂ arə pâ Jezü Krîsiti lə̂ köbo nə̈ la gbölö mômô. Praâbalë tche wün kütû sə̂ pö pâ batɛ̂me ndə̂ Jâan.

Abadjângele 19:3

Pôlo yû andjê päkëdə̂: «Batɛ̂me nə̈bâ kä ndə̂ nyë gbô rə̂?» Andjë tô rə̂ ndə̂nə̈ sə̈ tchë päkëdə̂: «Batɛ̂me ndə̂ Jâan.»

Rômo 10:3

Köbo ndə̂ Ndjapä nyîkrə rə̂ ndə̂kə̂ pa akrə za rə̂ ânyë kə̂ wa djîrə̂ lə̂ la yê, ajuîfu wûn-âbo sə̂nə̈-a. Andjë nyïkrə andə̂ andjê köbo nə̈, ânyë kə̈ kôsə̂ köbo ndə̂ Ndjapä nyîkrə rə̂ ndə̂kə̂ pa akrə za rə̂ ânyë kə̂ wa djîrə̂.

Apökälîbïchi 15:3

Andjë pä düwü ndə̂ Möyîze earə̂ kua ndə̂ Ndjapä, la düwü ndə̂ Ngbavö Ɛ̈bro-ngbaga päkëdə̂: «Gbölö Gbïɛ̈ Ndjapä ndə̂ mo wâ la gbôgbô gbɛ̂, arə könô zə̈ gë tə̂ gbölösə̂nə̈, kə̈ dâka gbɛ̂! Gbïɛ̈ ndə̂ azü tchêpâ cho gbɛ̂, köbo kə̂ mbo rə ndə̂ zə̈ wä djîrə̂ kə̈ wâtə̂ lëge nə̈!

Apökälîbïchi 16:5

Më kâ djê tchə̂lə̂ gɨ̈ ânje ndə̂ tche wâ la kümändëmä pâ angû päkëdə̂: «Momö ndə̂ mo wâ ngbî ânyë kə̈ dâka gbɛ̂, momö ndə̂ mo wâ angêta, momö ndə̂ mo wâ tâ alême, momö ndə̂ mo wâ djîrə̂, bëte mo wâ djîrə̂ ngbanga ndə̂ zə̈ nə̂.