Lûke 7:22 - Mbëtï Ndjapä: TÄFO MADƗ̈

²² Pânə̈ Jezü tô rə̂ sə̈ azü ndə̂ Jâan wân andjê lâme päkëdə̂: «Nyë kâkä kə̂ to tchêngbâ apö ndə̂ rə ndə̂ nyë wûn rə̂, la rə ndə̂ nyë djê rə̂ sə̈ Jâan. A-earə̂ föla wün tchô, azü ndə̂ da andjê ndɨ̂, andjë nə̂ la köbo nə̈, a-earə̂ broma tchâ-ê, a-earə̂ bïtü djê pö, azü ndə̂ andjë tchû jô-ê, a mû Tchôtchô Pö sə̈ a-earə̂ yûkü nə̂.

Lûke 7:22 Iomraidhean Croise

Matiyə̈ 11:5

A-earə̂ föla wün tchô, azü ndə̂ da andjê ndɨ̂, andjë nə̂ la köbo nə̈, a-earə̂ broma tchâ-ê, a-earə̂ bïtü djê pö, azü ndə̂ andjë tchû jô-ê, ânyë a mû Tchôtchô Pö sə̈ a-earə̂ yûkü nə̂.

Matiyə̈ 21:14

A-earə̂ föla la azü ndə̂ da andjê ndɨ̂, nə̂ ndola Jezü bhâlə̂ gbölö nda Ndjapä ânyë tche tchâ andjê.

Lûke 4:18

«Yingö ndə̂ Gbölö Gbïɛ̈ kä pâ mê, tche sü kâdâ lə̂ küma mê ndə̂kə̂ nə la Tchôtchô Pö sə̈ a-earə̂ yûkü. Tche wän mê ndə̂kə̂ to rə̂ sə̈ a-earə̂ kânga pä a jî andjê nə̂, ndə̂kə̂ za kə̂ wun tchô sə̈ a-earə̂ föla. Tche wän mê ndə̂kə̂ ji azü ndə̂ a yuku andjê,

Lûke 7:21

Sə̂nə̈ lâme, Jezü tchâ azü lə̂ atə̂kömbô tə̂ gbölösə̂nə̈, kə̈ tchâ azü ndə̂ andjë ngêwele, kə̈ grô angbongbo atchozö tə̂ azü, kə̈ mbô rə̂ pä a-earə̂ föla wûn tchô.

Lûke 7:23

Mômô kä tə̂ akrə ndə̂ tche gbôâbo gbôtə̂ kə̂ za su yê sə̈ mê!»

Jâan 1:46

Nätänäyêle yû Fïlîpe päkëdə̂: «Lə̂ gö ndə̂ Näzärête ngâ tchôtchô rə âwutu?» Fïlîpe tô rə̂ sə̈ tchë päkëdə̂: «Amö nə kə̈ wûn rə̂ la lala zə̈.»

Abadjângele 26:18

Më wän mö ndə̂kə̂ vro la andjê, ndə̂kə̂ kʉ andjê lə̂ bübü tchô, kə̂ wutu la andjê lə̂ ngbänga. Mo âji andjê tchâtchâ gbôgbô ndə̂ Satäa ndə̂kə̂ e la andjê sə̈ Ndjapä. Âdə andjê âza su andjê gbɛ̂ sə̈ mê, a koadje pö lə̂ küma andjê ânyë andjë gbo tchô lə̂ gûtə̂ azü ndə̂ andjë wâ ngbî bëte Ndjapä.›»

Abadjângele 8:7

Tə̂ lëge nə̈, angbongbo atchozö wütu lə̂ angbängbä azü lakə̂ ta wârə̂ lə̂ ma andjê. Kpûlû azü ndə̂ ngâ tchâme-tə̂ andjê ndɨ̂ la andjanə̈ ndə̂ da andjê ndɨ̂, tə̂ andjê dâka-ê.

Jâke 2:5

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë djë pö âtə: Ndjapä də̂âbo tchë ndə̂ tche dɨ̂ azü ndə̂ andjë wâtə̂ a-earə̂ yûkü lə̂ la azü tchêbêche âtə, ndə̂kə̂ mbo andjê tə̂ a-earə̂ rə lə̂ köbosə̂ kə̂ za su andjê sə̈ Ndjapä, ânyë andjë watə̂ azü ndə̂ Gbölö gö-gbïɛ̈ ndə̂ Ndjapä, ndə̂ tche zâ bâlâ ndə̂nə̈ sə̈ azü ndə̂ andjë nyîndə̂ yê lâme?