Lûke 7:21 - Mbëtï Ndjapä: TÄFO MADƗ̈

²¹ Sə̂nə̈ lâme, Jezü tchâ azü lə̂ atə̂kömbô tə̂ gbölösə̂nə̈, kə̈ tchâ azü ndə̂ andjë ngêwele, kə̈ grô angbongbo atchozö tə̂ azü, kə̈ mbô rə̂ pä a-earə̂ föla wûn tchô.

Lûke 7:21 Iomraidhean Croise

Matiyə̈ 4:23

Jezü nə̈ kulə̂ agö ndə̂ Galilë gbɛ̂. Tche nyïsə̂ rə sə̈ azü lə̂ anda kə̂ voga Ndjapä ndə̂ ajuîfu lə̂ gö nə̈. Tche mü Tchôtchô Pö ndə̂ Gbölö gö-gbïɛ̈ ndə̂ tchêlafô. Tche tchä a-earə̂ tə̂kömbô la azü ndə̂ ngâ tchâme-tə̂ andjê ndɨ̂.

Matiyə̈ 4:24

Rə̈ Jezü zâ tchə̂lə̂ gö ndə̂ Sirï gbɛ̂, ânyë azü ê pu tchë la a-earə̂ tə̂kömbô. Andjanə̈ ndə̂ andjë wâ la tə̂kömbô ngbî ngbî ânyë kə̂ sə ndə̂ andjê wâbô wâtə̂ tchôtchô nə̈, la andjanə̈ ndə̂ andjë wâ la angbongbo atchozö, la andjanə̈ ndə̂ kôkö yi andjê, ndjë la andjanə̈ ndə̂ ngâ tchâme-tə̂ andjê ndɨ̂. Jezü tchâ andjê gbɛ̂ lə̂ tə̂kömbô ndə̂ andjê.

Mâreke 3:10

Bëte, tə̂ pö ndə̂nə̈ ndə̂ tche tchâ a-earə̂ tə̂kömbô tə̂ gbölösə̂nə̈, käko a-earə̂ tə̂kömbô gbɛ̂ sə̂ lakə̂ gbrogbrotə̂ andjê ndə̂kə̂ grʉ tchë.

Mâreke 5:29

Posə̂nə̈, jï nə̈ krʉ̂-ê, ânyë tche wûntə̂ yê pä ânyë tchâ lə̂ tə̂kömbô ndə̂ anyê nə̂.

Mâreke 5:34

Jezü tô rə̂ sə̈ tchë päkëdə̂: «Ɛ̈wünrə ndə̂ mê, kə̂ za su zə̈ sə̈ mê tchâ mö nə̂. Amö gu la zɨtɨ su, kə̂ tcha lə̂ tə̂kömbô ndə̂ zə̈.»

Lûke 7:20

Ndə̂ andjë wûtu ndrotə̂ Jezü, andjë tô rə̂ sə̈ tchë päkëdə̂: «Jâan-Batîse wän ârâ ndə̂kə̂ yu mö päkëdə̂: ‹Mo də̈ Mesï ndə̂ tche wâ ndə̂kə̂ nə lâme? Âdəndjë rə̂ ndə̂ ârâ wä ndə̂kə̂ sə bëte ngâ akrə ngbî?›»

Aheborö 12:6

Bëte Gbölö Gbïɛ̈ bhï akrə ndə̂ tche nyîndə̂ yê, tche gbɨ̈tɨ tü akrə ndə̂ tche wûn tchë batə̂ modô ndə̂ yê.»