Lûke 7:2 - Mbëtï Ndjapä: TÄFO MADƗ̈

² Bhâye, ngâ gbölö akrə ndə̂ aturûgu ndə̂ Rômo kä la ngâ earə̂ kua ndə̂ yê ndə̂ tche nyîndə̂ yê tə̂ gbölösə̂nə̈. Earə̂ kua lâme kä la tə̂kömbô, kə̈ wâ tchêtchêtchê ndə̂kə̂ tchu.

Lûke 7:2 Iomraidhean Croise

Matiyə̈ 27:54

Kabïta ndə̂ aturûgu ndə̂ Rômo la aturûgu ndə̂ andjë sə̂ lakə̂ bata Jezü la tchë wûn cho ndə̂ âtrô, ndjë la arə ndə̂ âmbô lâme, wawa mbô andjê tə̂ gbölösə̂nə̈ ânyë andjë tô rə̂ päkëdə̂: «Tə̂ lëge nə̈ Akrə âtə wä alêe tə̂ Modô ndə̂ Ndjapä!»

Lûke 23:47

Gbölö akrə ndə̂ aturûgu ndə̂ Rômo wûn arə ndə̂ âmbô lâme, tche vôga Ndjapä kə̈ tô rə̂ päkëdə̂: «Ndə̂kə̂ wun rə̂ djîrə̂, köchë âtə wätə̂ djîrə̂ akrə.»

Lûke 7:1

Ndə̂ Jezü tô pö ndə̂ yê gbɛ̂ sə̈ kpûlû azü âkâ, tche ê atə̂ Käpërënäyûmo.

Lûke 7:3

Gbölö akrə ndə̂ aturûgu lâme âsə̈ dje pö ndə̂ Jezü, kə̈ wân angâ akpôkpô azü ndə̂ ajuîfu ndə̂kə̂ to rə̂ sə̈ Jezü pä tche nə kə̈ tchâ earə̂ kua nə̈.

Lûke 8:42

Bëte kêlä ɛ̈wünrə ndə̂ yê ndə̂ tche wâ la ngû ndola lə̂ könô gbɛ̂ tchêpâ nə̈ bïchuû kä ësə̂ kə̂ tchu. Ndə̂ Jezü âsə̈ ro atə̂ndə̂ köchë lâme, angbängbä azü sə̂ lakə̂ frofro tchë.

Abadjângele 10:1

Ngâ köchë alême kä tâ bhâlə̂ gö ndə̂ Sezarë, ndə̂ rə̈ yê wû pä Körönɛ̈ye. Tche wätə̂ kabïta ndə̂ aturûgu ngbangbo balë ndə̂ âwâ lə̂ gbölö kpûlû ndə̂ aturûgu ndə̂ rə̈ nə̈ wû pä «Kpûlû aturûgu ndə̂ Italï.»

Abadjângele 10:7

La tchêngbâ nə̈ ânje ndə̂ tche tô pö lâme rô etə̂. Körönɛ̈ye ê a-earə̂ kua ndə̂ yê bïchuû la ngâ turûgu balë ndə̂ tche sə̂ tchâtchâ yê ndə̂nə̈ gû. Turûgu lâme kpë wa Ndjapä.

Abadjângele 22:26

Ndə̂ kabïta ndə̂ aturûgu lâme âsə̈ dje pö lâme käko, tche ê kə̈ wûn gbölö kömändâ ndə̂ aturûgu kə̈ yû tchë päkëdə̂: «Giamâ kä ndə̂ âwâ pä mo mbo rə̂? Köchë lâme də̈ akrə pâ cho ndə̂ Rômo.»

Abadjângele 23:17

Pôlo ê ngâ kabïta ndə̂ aturûgu balë, kə̈ tô rə̂ sə̈ tchë päkëdə̂: «Amö ka la modô âtə sə̈ gbölö kömändâ, tche kä la ngâ pö ndə̂kə̂ to rə̂ sə̈ tchë.»

Abadjângele 27:1

Ndə̂ a zâma ndə̂kə̂ pa ârâ za batöo ndə̂kə̂ e atə̂ Italï, a zâ Pôlo la angâ a-earə̂ kânga kə̈ gbôtə̂ andjê tchânə̂ ngâ kabïta ndə̂ aturûgu ndə̂ rə̈ yê wû pä Jülïwûse, kabïta ndə̂ kpûlû ndə̂ aturûgu ndə̂ a ê rə̂ tâ päkëdə̂: «Kpûlû ndə̂ aturûgu ndə̂ gbölö gbïɛ̈.»

Abadjângele 27:3

Lö balë pânə̈, ârâ wûtu bhâ Sidön. Jülïwûse ndə̂ tche sə̂ lakə̂ mbo dâkâ tə̂ Pôlo, gbôtə̂ yê ndə̂kə̂ pa tche e kə̂ wun araagü nə̈, Ambêteko tche gbo ngâ rə tchânə̂ andjê.

Abadjângele 27:43

Praâbalë Kabïta ndə̂ aturûgu nə̈ ndə̂ tche nyîndə̂ kə̂ tcha Pôlo, kôsə̂ nə̈ sə̈ andjê la rə nə̈ ndə̂ andjë nyîndə̂ kə̂ mbo rə̂ lâme. Tche zâma sə̈ andjanə̈ ndə̂ andjë wûnsə̂ kə̂ sa ngû, ndə̂kə̂ te lə̂ ngû dokʉ̈tchê ânyë kə̂ zu atə̂ kalâ.

Kölôse 3:22

Angbâa, nyë djë ma a-earə̂ nyê bêche âtə lə̂ arə gbɛ̂. Nyë mböäbô kua nə̈ mbô gundə̂sə̂ la andjê âwûntî pä nyë nyïndə̂ kə̂ daka lə̂ la azü-î, praâbalë nyë mbö kua la su nyê balë, bëte nyë kpë wa Gbölö Gbïɛ̈.