Lûke 7:13 - Mbëtï Ndjapä: TÄFO MADƗ̈

¹³ Ndə̂ Gbölö Gbïɛ̈ wûn ɛ̈chë ndə̂ modô ndə̂ yê tchû lâme, tche wûn nyonyo yê, kə̈ tô rə̂ sə̈ tchë päkëdə̂: «Amö gbotə̂ kə̂ kɨ-ê!»

Lûke 7:13 Iomraidhean Croise

Mâreke 8:2

«Nyonyo kpûlû azü âtə mbö mê, bëte lə̂ alö vötaâ ndə̂ andjë sə̂ ndrotə̂ mê, andjë wâbo la ngâ rə ndə̂kə̂ zɨ rə̂-a.

Lûke 10:1

La tchêngbâ nə̈, Gbölö Gbïɛ̈ dɨ̂ angâ adjisîpili tə̂ azü vötaâ la lə̂ könô gbɛ̂ tchêpâ nə̈ bïchuû, kə̈ wân andjê bïbïchuû ndə̂kə̂ ro dokʉ̈tchê kulə̂ agö gbɛ̂, la atchô gbɛ̂ ndə̂ tchetchë la tə̂ yê, tche nyîndə̂ kə̂ e tâ.

Lûke 11:1

Tə̂ngâlo, Jezü sə̂ lakə̂ to pö sə̈ Ndjapä bhâsə̂ ngâ tchô. Ndə̂ tche tô pö sə̈ Ndjapä gbɛ̂ âsə̈ ka, ngâ djisîpili ndə̂ yê balë yû tchë päkëdə̂: «Gbölö Gbïɛ̈, amö nyisə̂ köbo ndə̂kə̂ to pö sə̈ Ndjapä sə̈ ârâ batə̂ Jâan-Batîse nyîsə̂ nə̈ sə̈ adjisîpili ndə̂ yê.»

Lûke 11:39

Gbölö gbïɛ̈ tô rə̂ sə̈ tchë päkëdə̂: «Nyënyê ndə̂ afarizïɛ̈n, nyë djûtu kütû kʉ̂tê kangûchi la kʉ̂tê kalângʉ, praâbalë tchə̂lə̂ su nyê sɨ̂sɨ̈ la gʉ kə̂ zɨ ngbä la ngbongbo su.

Lûke 12:42

Gbölö Gbïɛ̈ tô rə̂ ndə̂nə̈ sə̈ tche päkëdə̂: «Tchabâ kä ndə̂ âdə̂ djîrə̂ earə̂ kə̂ bata rə, ânyë kə̈ wûnsə̂ rə? Tche də̈ tchanə̈ ndə̂ gbölö akrə ndə̂ yê gbôtə̂ yê ndə̂kə̂ wun tchô pâ a-earə̂ kua ndə̂ yê, ânyë âdə lo nə̈ âta tâ, tche kʉ kɨ̈zɨ̂ ndə̂ andjê sə̈ andjê.

Lûke 13:15

Gbölö Gbïɛ̈ tô rə̂ ndə̂nə̈ sə̈ tchë päkëdə̂: «Nyënyê ndə̂ pö ma nyê wâ ngbî tə̂kə̂ mbo rə ndə̂ nyê âtə! Lə̂ lö sabäa, akrə balë balë lə̂ gbâtə̂ nyê zûâbo wû tə̂ bâgala ndə̂ yê âdəndjë kûndiɛ ndə̂ yê tə̂ ma rə ndə̂ tche zɨ rə lə̂nə̈, kə̂ e la tchë ndə̂kə̂ pa tche ndjo ngû?

Lûke 17:5

Abadjângele tô rə̂ sə̈ Gbölö Gbïɛ̈ päkëdə̂: «Amö mbo rə̂ ânyë kə̂ za su ârâ sə̈ Ndjapä ge.»

Lûke 17:6

Gbölö Gbïɛ̈ nə̈ tô rə̂ ndə̂nə̈ sə̈ andjê päkëdə̂: «Âdə kə̂ za su nyê sə̈ Ndjapä âge batə̂ ndjî mütârede, nyë âto rə̂ sə̈ da yö âtə päkëdə̂: ‹Amö alafô la chëchë zə̈ gbɛ̂, kə̂ e kə̂ chitə̂ zə̈ bhâlə̂ gbölö ngû ngbro›, da yö lâme âdjeadje nyê.»

Lûke 18:6

Gbölö Gbïɛ̈ kä tö rə̂ sə̈ andjê päkëdə̂: «Nyë djë pö ndə̂ ngbongbo earə̂ kə̂ wa ngbanga lâme tô rə̂!

Lûke 19:8

Praâbalë Zachë krʉ̂ lafô tchâtchu Gbölö Gbïɛ̈ kə̈ tô rə̂ sə̈ tchë päkëdə̂: «Amö djë mê Gbölö Gbïɛ̈, më âkʉ ngâ tchâkalâ arə ndə̂ mê gbɛ̂ sə̈ a-earə̂ yûkü. Âdə më âbolo ngâ akrə ânyë kə̈ kʉ̂ makətche ndə̂ yê, më âgi rə̂ ëngbânə̈ sə̈ tchë sûsunə̈ voanə̈.»

Lûke 22:61

Gbölö Gbïɛ̈ djêtə̂ yê kə̈ wûn tchə̂lə̂ la Pîêre. Käko su Pîêre tê pâ pö ndə̂ Gbölö Gbïɛ̈ tô rə̂ alême sə̈ tchë päkëdə̂: «Mô vuadje sə̂ mê sûsunə̈ vötaâ dokʉ̈tchê ndə̂kə̂ pa kö ngötö kɨ̈ angêta.»

Lûke 24:3

Andjë lî bhâlə̂ nə̈, praâbalë kə̈ gbôâbo krʉkrʉ Gbölö Gbïɛ̈ Jezü-a.

Lûke 24:34

Andjë tô rə̂ sə̈ adjisîpili bïchuû ndə̂ Ëmäyûse lâme päkëdə̂: «Gbölö Gbïɛ̈ jô nə̂ tə̂ lëge nə̈. Chemön wûn tchë nə̂.»

Lûke 7:12

Ndə̂ Jezü nə̂ ndola manda ndə̂kə̂ li atə̂lə̂ gö nə̈, a zâ ngâ kuzü, kə̈ ê la rə̂ ndə̂kə̂ chi rə̂. Ngâ kêlä modô ndə̂ ngâ ɛ̈chë lə̂ ndavrö alême kä ndə̂ âtchû. Kpûlû azü gö nə̈ zâ tchêngbâ kuzü nə̈.

Lûke 7:14

La tchêngbâ nə̈ Jezü nə̂ kə̈ grʉ̂ kʉ̈ngrʉ kuzü nə̈, a-earə̂ kə̂ za kʉ̈ngrʉ kuzü nə̈ krʉ̂ la rə̂. Jezü tô rə̂ päkëdə̂: «Bechë-ɛ̈köchë, më yükû nə̈ la gbôgbô sə̈ mö päkëdə̂: Alafô-ê!»

Lûke 7:19

kə̈ wân andjê sə̈ Gbölö Gbïɛ̈ ndə̂kə̂ yu tchë päkëdə̂: «Mo də̈ Mesï ndə̂ a tô pö ndə̂ yê pä tche ânə lâme? Âdəndjë rə̂ pä ârâ wä ndə̂kə̂ sə bëte ngâ akrə ngbî?»

Lûke 8:52

Azü gbɛ̂ kä lakə̂ kɨ, lakə̂ dɨ tchə̂lə̂ ma andjê bëte bechë lâme. Käko Jezü tô rə̂ sə̈ andjê päkëdə̂: «Nyë kɨ̈äbô kɨ̂-î, tche tchûâbo tchü-a, tche lôlö.»

Jâan 11:2

Malê də̈ ɛ̈chë ndə̂ tche sû yömbö alême pâ da Gbölö Gbïɛ̈, ânyë kə̈ trô rə̂ la su küma yê lâme, tchetchë kä ndə̂ gʉ̈me nə̈ Lazäre wâ la tə̂kömbô.

Jâan 11:3

Anyînə̂ nə̈ wân tchô sə̈ Jezü kə̈ tô rə̂ päkëdə̂: «Gbölö Gbïɛ̈, agü zə̈ kä la tə̂kömbô.»

Jâan 20:13

Andjë yû tchë päkëdə̂: «Ɛ̈chë, mo kɨ̈ bëte giamâ?» Tche tô rə̂ päkëdə̂: «Bëte azü zä Gbölö Gbïɛ̈ ndə̂ mê, kə̈ rô la tchë. Më wûn-âbo sə̂ tchô ndə̂ andjë zâ tchë tâ-a!»

Jâan 20:15

Jezü yû tchë päkëdə̂: «Ɛ̈chë, mo kɨ̈ bëte giamâ? Tchabâ kä ndə̂ mo pu tchë?» Malê wûntî pä earə̂ kə̂ wun tchô pâ kɨ̈ndɨ̈ nə̈ lâme kä, ânyë kə̈ tô rə̂ sə̈ tchë päkëdə̂: «Gbölö akrə, âdə momö kä ndə̂ âzâ tchë ânyë kə̈ rô la tchë, amö nyisə̂ tchô ndə̂ mo zâ tchë tâ sə̈ mê, ndə̂kə̂ pa më e ndə̂kə̂ za tchë.»

Jâan 4:1

Afarizïɛ̈n djê rə̂ pä Jezü wä la adjisîpili tə̂ gbölösə̂nə̈, kə̈ sə̂ lakə̂ za batɛ̂me ndə̂ ngû sə̈ azü ârô Jâan. Tə̂ lëge nə̈, Jezü la tə̂ yê zâbo batɛ̂me ndə̂ ngû sə̈ azü-a, kütû adjisîpili ndə̂ yê kä ndə̂ âza batɛ̂me ndə̂ ngû sə̈ azü. Ndə̂ Jezü djê pö ndə̂ a dɨ rə̂ la rə̈ yê, tche âlafô bhâ Judë kə̈ dôtə̂ yê atə̂ Galilë.

Jâan 6:23

Praâbalë angâ azü nə̂ la angâ akülû, andjë tö bhâ Tïbërïyâde kə̈ wûtu ndola sə̂ tchô ndə̂ andjë zɨ̂ mâpa tâ alême, pânə̈ ndə̂ Gbölö Gbïɛ̈ zâ ayîabâ sə̈ Ndjapä lâme.

Dokʉ̈ Körɛ̂nte 7:30

Azü ndə̂ andjë kɨ, äwäpä andjë sə âwûntî pä andjë kɨ̂âbo-a. Azü ndə̂ andjë wâ la mômô, äwäpä andjë sə âwûntî pä andjë wâbo la mômô-a. Azü ndə̂ andjë yo rə, äwäpä andjë sə âwûntî pä andjë wâbo la rə-a.

Dokʉ̈ Tësälönîke 4:13

Arə̂mä, ârâ nyïndə̂ nə̈ pä nyë wunsə̂ lëge pö pâ azü ndə̂ andjë tchû, ânyë kə̂ səabô sə̂ la nyonyo batə̂ andə̂ azü ndə̂ andjë zâbô su andjê zâ pâ ngâ rə balë lâme-ê.

Aheborö 2:17

Bëte rə̂ kä, äwäpä tche wa batə̂ angâ yê lə̂ arə gbɛ̂, ndə̂kə̂ watə̂ gbölö earə̂ kə̂ wa ngela ndə̂ dâkâ sɨ̂sɨ̈ lə̂ yê ânyë kə̂ mbo kua Ndjapä djîrə̂, ndə̂kə̂ pa tche djutu ngbongbo rə ndə̂ azü gö.

Aheborö 4:15

Azə̈ kä la gbölö earə̂ kə̂ wa ngela ndə̂ tche wâ ndə̂kə̂ wun nyonyo azə̂ sə̂nə̈ ndə̂ angâ arə rôpâ azə̂. Arə ndə̂ âvu azü gbɛ̂ gbö ndjë tchë batə̂ rə̂ ndə̂ âvu azü, praâbalë tche mbôâbo ngbongbo rə-a.