Lûke 6:8 - Mbëtï Ndjapä: TÄFO MADƗ̈

⁸ Praâbalë Jezü wûnsə̂ pö ndə̂ âwâ bhâtə̂ su andjê gbɛ̂. Tche tô rə̂ sə̈ köchë ndə̂ könô yê ngêwele lâme päkëdə̂: «Alafô kə̈ krʉ̂ tchâtə tchâtchu azü gbɛ̂.» Köchë lâme âlafô kə̈ krʉ̂.

Lûke 6:8 Iomraidhean Croise

Matiyə̈ 9:4

Jezü wûnsə̂ pö bhâlə̂ su andjê, kə̈ tô rə̂ sə̈ andjê päkëdə̂: «Nyë rɨ̈ tchə̂lə̂ nyê tə̂ ngbongbo nə̈ käko bëte giamâ?

Mâreke 3:3

Käko Jezü tô rə̂ sə̈ köchë ndə̂ könô yê ngêwele lâme päkëdə̂: «Alafô tchâtə, kə̈ krʉ̂ lə̂ gûtə̂ azü gbɛ̂.»

Lûke 13:12

Ndə̂ Jezü wûn tchë, tche ê tchë, kə̈ tô rə̂ sə̈ tchë päkëdə̂: «Ɛ̈chë, më tchâ mö lə̂ tə̂kömbô ndə̂ zə̈ nə̂.»

Lûke 5:22

Jezü wûnsə̂ pö bhâtə̂ su andjê, kə̈ tô rə̂ sə̈ andjê päkëdə̂: «Nyë rɨ̈ tchə̂lə̂ nyê käko bëte giamâ?

Lûke 6:9

Pânə̈ Jezü tô rə̂ sə̈ andjê päkëdə̂: «Më yü nyê: Ndïɛ̈ ndə̂ azə̂ tö rə̂ atöko? Äwä ndə̂kə̂ mbo tchôtchô rə? Ndə̂kə̂ mbo ngbongbo rə lə̂ lö sabäa? Ndə̂kə̂ tcha akrə? Ndə̂kə̂ won akrə?»

Jâan 2:25

A wâbo ndə̂kə̂ nyisə̂ pö pâ ngâ akrə balë sə̈ Jezü-a, bëte tchetchë la tə̂ yê, tche wünsə̂ rə ndə̂ âwâ bhâlə̂ su azü.

Jâan 21:17

Jezü kâ tô rə̂ sə̈ tchë tə̂ vötaâ nə̈ päkëdə̂: «Chemön, modô ndə̂ Jâan, mo nyîndə̂ mê nə̂?» Pîêre wâ la nyonyo bëte rə̂ ndə̂ Jezü kâ tô rə̂ sə̈ tchë tə̂ vötaâ nə̈ päkëdə̂: «Mo nyîndə̂ mê nə̂?» Tche tô rə̂ sə̈ Jezü päkëdə̂: «Gbölö Gbïɛ̈, mo wünsə̂ rə gbɛ̂, mo wûnsə̂ nə̈ nə̂ pä më nyïndə̂ zə̈!» Jezü tô rə̂ sə̈ tchë päkëdə̂: «Amö bata aɛ̈bro-ngbaga ndə̂ mê.

Jâan 9:4

Ârə̂ âsə̈ wa la tchêdalo, äwäpä azə̈ mbo kua ndə̂ tchanə̈ ndə̂ tche wân mê. Tchə̂lə̂ bütchî ndô nə̂, ânyë ngâ akrə balë wâbo ndə̂kə̂ mbo kua-a.

Abadjângele 20:24

Praâbalë më wün tchîsûwu ndə̂ mê batə̂ ngâ mbämbä rə lə̂ la mê. Rə ndə̂ mê pu köbo nə̈ wä ndə̂kə̂ pa më ka kua ndə̂ mê, kə̂ mbo rə gbɛ̂ ndə̂ Gbölö Gbïɛ̈ Jezü zâ rə̂ sə̈ mê ndə̂kə̂ mbo rə̂. Äwä ndə̂kə̂ mu Tchôtchô Pö ndə̂ ânə̂ lə̂ köbosə̂ tchôtchô su Ndjapä sə̈ azü.

Abadjângele 26:26

Gbïɛ̈ Agripä wünsə̂ apö pâ arə lâme gbɛ̂. Bëte rə̂ kä ndə̂ mê toabô pö nə̈ sə̈ tchë la wa tee-a, bëte rə nə̈ wûtuabô alême lə̂ küwû nə̈-a.

Fïlîpe 1:28

Nyë gböäbô gbôtə̂ köbo pä a-earə̂ kə̂ kosə̂ nyê za wa lə̂ nyê ämbänə̈-ê, ârə̂ kä âkə̂ nyisə̂ kə̂ te ndə̂ andjê, ânyë nyë kä lə̂ köbo ndə̂kə̂ tcha lə̂ kuzü, rə nə̈ lâme tö bhândə̂ Ndjapä.

Aheborö 4:13

Ngâ rə balë ndə̂ Ndjapä mbô rə̂ ndə̂ âwâ wü tchâtchu yê wâbo-a. Lə̂ la Ndjapä arə gbɛ̂ wä kpändëwä, tche wün tchô pâ arə gbɛ̂, azəzə̂ kä ndə̂ âtosə̂ tchêngbâ arə ndə̂ azə̈ mbô rə̂ sə̈ tchë.

Dokʉ̈ Pîêre 4:1

Batə̂ rə̂ ndə̂ Krîsiti wûn yûkü lə̂ tə̂ yê ndə̂ akrə, käko nyënyê ndjë, äwäpä nyë za rə̂ lə̂ küma nyê pä nyê wun-adje ndjë yûkü, bëte tchanə̈ ndə̂ tche wûn yûkü lə̂ tə̂ yê ndə̂ akrə lâme, tche gbôtə̂ ngbongbo rə nə̂.

Apökälîbïchi 2:23

Pâ arə lâme gbɛ̂ më âkä won abechë ndə̂ yê. Käko a-Egilîze gbɛ̂ wun-adje sə̂nə̈ pä më də̈ akrə ndə̂ mê wunsə̂ apö ndə̂ âwâ lə̂ su akrə, la gʉ tə̂ su azü. Mê kʉadje rə sə̈ akrə balë balë lə̂ gûtə̂ nyê gundə̂sə̂ arə ndə̂ tche mbô rə̂.