Lûke 6:41 - Mbëtï Ndjapä: TÄFO MADƗ̈

⁴¹ Bëte giamâ kä ndə̂ mo wun kütû bë ndə̂ âwâ lə̂ la ngâ zə̈ ânyë kə̈ wûn-âbô gbölö yö ndə̂ âwâ lə̂ la zə̈ wûn-î?

Lûke 6:41 Iomraidhean Croise

Matiyə̈ 7:1

«Nyë wäbô ngbanga wâ lə̂ küma angâ nyê-ê, ânyë Ndjapä wabô ndjë ngbanga wâ lə̂ küma nyê-ê.

Mâreke 8:7

Andjë wä ndjë la angâ akanyïɛ̈ giangû. Jezü ê tchôtchô pö pâ agiangû nə̈ ânyë kə̈ tô rə̂ sə̈ adjisîpili ndə̂ yê ndə̂kə̂ krʉ ndjë tchə̂lə̂ nə̈ tə̂ azü nə̈.

Lûke 6:40

Djisîpili rôâbo earə̂ kə̂ nyisə̂ rə sə̈ tchë-a. Praâbalë âdə tche âwunsə̂ rə nə̈ nə̂, kə̂ wa batə̂ akrə ndə̂ tche nyîsə̂ rə nə̈ sə̈ tchë.

Lûke 6:42

Atöko kä ndə̂ mo tô rə̂ sə̈ ngâ zə̈ päkëdə̂: ‹Ngâ mê, sə gii më tchôâkra bë ndə̂ âwâ lə̂ la zə̈ âtə›, ânyë momö ndə̂ zə nə̈, mo wûn-âbô gbölö yö ndə̂ âwâ lə̂ andə̂ zə nə̈ wûn-î? Momö ndə̂ pö ma zə̈ wâ ngbî tə̂kə̂ mbo rə ndə̂ zə̈ âtə, äwäpä mo tchoakra gbölö yö lə̂ la zə̈ dokʉ̈tchê, kə̂ wun tchô ngrôô, ânyë kə̂ tchoakra bë lə̂ la ngâ zə̈.»

Jâan 8:7

Ndə̂ gbô andjê ndə̂po lakə̂ yu Jezü, tche kênga tə̂ yê, kə̈ tô rə̂ sə̈ andjê päkëdə̂: «Akrə lə̂ gûtə̂ nyê ndə̂ tche mbôâbô ngâ ngbongbo rə mbô balë, äwäpä tche dokʉ̈tchê tə̂kə̂ nye tchë la täme nə̈.»

Rômo 2:1

Bëte rə̂ kä ndə̂, momö ndə̂ mo wa ngbanga lə̂ küma angâ zə̈ âtə, mo âdəndjë tchabâ gbɛ̂, mo wâbo la ngâ pö balë ndə̂kə̂ to rə̂-a. Mo âsə̈ wa ngbanga lə̂ küma angâ zə̈ ânyë kə̂ mbo ndjë rə batə̂ andjê dëkë mo kä lakə̂ wa ngbanga lə̂ küma zə̈ la tə̂ zə̈.

Jâke 1:24

Pânə̈ ndə̂ tche wûn tchâtchu yê nə̈ käko, kə̂ ro etə̂, sə̂ tchâtchu yê ndə̂ tche wûn rə̂ lâme yu lə̂ la yê-ê.