Lûke 6:23 - Mbëtï Ndjapä: TÄFO MADƗ̈

²³ Âdə arə nə̈ lâme âsə̈ mbo tə̂ nyê, nyë wä la mômô. Nyë kü atə̂ lafô la mômô, bëte ngâ gbölö tchôtchô rə kä lakə̂ krʉ bëte nyê bhâ lafô. Bëte araâta andjê yüku a-earə̂ ndə̂ma Ndjapä alême käko-ë.

Lûke 6:23 Iomraidhean Croise

Matiyə̈ 5:12

Äwäpä tə̂ nyê kra-ê, nyê wa la mômô, bëte ngâ gbölö tchôtchô rə kä lakə̂ krʉ bëte nyê bhâ lafô! Ädə̈ käko ânyë azü mbô ngbongbo rə alême tə̂ a-earə̂ ndə̂ma Ndjapä ndə̂ andjë sə̂ dokʉ̈tchê tə̂ nyê.»

Lûke 1:41

Alîsabëte âsə̈ dje rə̂ ndə̂ Malê pô ndə̂ yê, bechë nə̈ jêtə̂ kə̂ tro lə̂ yê. Kpɨ̂ki Yingö sɨ̂ Alîsabëte,

Lûke 1:44

Bëte, ndə̂ mê âsə̈ dje rə̂ ndə̂ mo pô ndə̂ mê lâme, bechë nə̈ lə̂ mê sə̂ lakə̂ tro la mômô.

Lûke 6:35

Praâbalë awäpä nyë nyində̂ azü ndə̂ andjë kôsə̂ nyê, nyë mbö dâkâ, nyë mbö geda, kə̂ yuabô kû nə̈ yû-î pä a gi rə̂ sə̈ nyê ëngbânə̈-ê. Nyê gboadje ngâ gbölö tchôtchô rə ngbânə̈, kə̂ wadje tə̂ abechë ndə̂ Ndjapä ndə̂ tche sə̂ bhâ lafô. Bëte Ndjapä mbö dâkâ tə̂ azü ndə̂ andjë wûn-âbo sə̂kə̂ za ayîabâ wûn-î, la angbongbo azü.

Abadjângele 14:10

Pôlo tô rə̂ sə̈ tchë ngbôô päkëdə̂: «Alafô, kə̈ krʉ̂ pâ da zə̈!» Köchë nə̈ kû atə̂ lafô ânyë kə̈ jêtə̂ kə̂ nə.

Abadjângele 3:8

Tche kû atə̂ lafô, kə̈ krʉ̂ pâ da yê ânyë kə̈ jêtə̂ kə̂ nə. Tche lî la andjê atə̂lə̂ gbölö nda Ndjapä. Tche nə̂, kə̈ kû atə̂ lafô lakə̂ voga Ndjapä.

Abadjângele 5:41

Ndə̂ abadjângele nə̈ wûtu lə̂ nda kpûlû ndə̂ a-earə̂ kə̂ wa ngbanga nə̈, su andjê gbɛ̂ wâ la mômô, bëte Ndjapä wün andjê tə̂ adjîrə̂ azü bëte rə̂ ndə̂ andjë wûn yûkü bëte rə̈ Jezü.

Rômo 5:3

Âdə̂âbo kütû bëte rə lâme-a, azə̈ wä ndjë la mômô lə̂ arə nyonyo ndə̂ âgbo azə̂ bëte azə̈ wûnsə̂ nə̈ nə̂ pä nyonyo mbö rə̂ ânyë akrə rʉatə̂ su yê.

Bïchuû Körɛ̂nte 12:10

Bëte rə̂ kä ndə̂ më wâ la mômô sə̂nə̈ ndə̂ më wâbô wâ la gbôgbô, ndjë, sə̂nə̈ ndə̂ azü drô mê, âdəndjë lə̂ agbôgbô arə ndə̂ âpu mê katchôgbɛ̂, âdəndjë rə̂ ndə̂ azü mbo gbôgbô tə̂ mê bëte Krîsiti, ndjë la arə nyonyo. Bëte sə̂nə̈ ndə̂ më wâbô wâ la gbôgbô, dëkë sə̂nə̈ lâme kä ndə̂ më wâ la gbôgbô.

Kölôse 1:24

Arə̂mä, angaâtə më wä la mômô bëte rə̂ ndə̂ më sə̂ lakə̂ wun yûkü bëte nyê, bëte lə̂ köbosə̂ kə̂ wun yûkü nə̈ lâme, mê wün ndjë yûkü batə̂ rə̂ ndə̂ Krîsiti wûn ndjë rə̂ bëte Egilîze ndə̂ âwâtə̂ tə̂ yê.

Bïchuû Timotë 2:12

Âdə azə̂ âwun yûkü la tchë, azə̂ mboadje kümändëmä la tchë. Âdə azə̂ âvusə̂ yê, tchetchë ndjë gbɛ̂ tchê vuadje sə̂ azə̂.

Aheborö 11:26

Möyîze nyïndə̂ nə̈ pä azü talusə̂ anyê batə̂ Krîsiti ndə̂ a âtaluadje sə̂ yê, äwä batə̂ ngâ gbölö tchôtchô rə kə̈ rô atchôtchô arə ndə̂ Ejîpiti, bëte gbô su yê kä pâ atchôtchô arə ndə̂ tchê gboadje rə̂ ngbâ rə ndə̂ tche mbô rə̂.

Aheborö 11:6

Dëkë, âdə akrə âwabô wâ ndə̂kə̂ za su yê sə̈ Ndjapä, tche wâbo ndə̂kə̂ daka lə̂ la Ndjapä-a, bëte akrə ndə̂ tche gîtə̂ yê pu Ndjapä, äwäpä tche wunsə̂ nə̈ pä Ndjapä kä tâ, tche kʉ̈ tchôtchô arə sə̈ azü ndə̂ andjë pu tchë.

Jâke 1:2

Arə̂mâ ndə̂ mê, äwäpä su nyê wa la mômô lə̂ arə gbôgbô gbɛ̂ ndə̂ âgbo nyê.

Dokʉ̈ Pîêre 4:13

Praâbalë âdə nyë âsə̈ wun yûkü batə̂ rə̂ ndə̂ Krîsiti wûn yûkü, nyë sə̈ la mômô. Käko ânyë lo nə̈ ndə̂ tche âsə̈ ma gbôgbô ndə̂ gbölö ndə̂ yê tə̂ azü, nyënyê ndjë gbɛ̂ nyë âsɨ̂sɨ̈ la gbölö mômô.

Apökälîbïchi 2:17

«Akrə ndə̂ tche wâ la tü, äwäpä tche dje pö ndə̂ Yingö tô rə̂ sə̈ a-Egilîze! «Akrə ndə̂ tche rô lə̂ arə gbɛ̂ la gbôgbô, mê zadje mâne ndə̂ gbô rə̂ wâ lə̂ küwû nə̈ la grôgrô täme sə̈ tchë. A mbö ngâ täfo rə̈ ëpâ täme nə̈ lâme, ndə̂ ngâ akrə ndə̂ tche wûnsə̂ nə̈ sə̂âbo-a, praâbalë kütû akrə ndə̂ tche gbo rə̂ kä ndə̂ âwunsə̂ nə̈.»

Apökälîbïchi 2:26

«Akrə ndə̂ tche rô lə̂ arə gbɛ̂ la gbôgbô, ânyë kə̈ bâta ndjë akua ndə̂ mê ndjoa ëtə̂ manə̈, mê zadje kümändëmä sə̈ tchë ndə̂kə̂ sə pâ azü ndə̂ angâ agö ngbî.

Apökälîbïchi 2:7

«Akrə ndə̂ tche wâ la tü, äwäpä tche dje pö ndə̂ Yingö tô rə̂ sə̈ a-Egilîze! «Akrə ndə̂ tche rô lə̂ arə gbɛ̂ la gbôgbô, mê kʉadje alêlê yö ndə̂ âza tchîsûwu sə̈ akrə sə̈ tchë, ndə̂kə̂ pa tche zɨ rə̂. Alêlê yö nə̈ lâme wä bhâlə̂ paradï ndə̂ Ndjapä.»

Apökälîbïchi 21:7

Akrə ndə̂ tche rô la gbôgbô ndjoa ëtə̂ manə̈, tchê gboadje ngâ rə tchânə̂ mê, mê wadje tə̂ Ndjapä ndə̂ yê ânyë tchê wadje tə̂ bechë ndə̂ mê.

Apökälîbïchi 3:12

«Akrə ndə̂ tche rô lə̂ arə gbɛ̂ la gbôgbô, mê mboadje rə̂ pä tche wa batə̂ gbölö täme ndə̂ âtɨngɨ küma gbölö nda Ndjapä ndə̂ Ndjapä ndə̂ mê. Tchê kä wutuabô balë tee-a. Mê mboadje rə̈ Ndjapä ndə̂ mê pâ yê, la rə̈ gö ndə̂ Ndjapä ndə̂ mê. Gö nə̈ lâme də̈ täfo Jerûzalêmo, ndə̂ âtô bhâ lafô, ndrotə̂ Ndjapä ndə̂ mê, ânyë kə̈ jrê atə̂ bêche. Mê mboadje ndjë rə̈ täfo rə̈ mê pâ yê.

Apökälîbïchi 3:5

«Käko akrə ndə̂ tche rô lə̂ arə gbɛ̂ la gbôgbô, tche yuadje agrôgrô lə̂ba. Ânyë mê jiabô rə̈ yê lə̂ mbëtï ndə̂ tchîsûwu tee-a, ndjë, më âto tchôtchô pö ndə̂ yê kraâ tchâtchu Bha mê la aânje ndə̂ yê.