Lûke 6:22 - Mbëtï Ndjapä: TÄFO MADƗ̈

²² Nyë kä la mômô, âdə azü âkosə̂ nyê, kə̂ gro nyê, kə̂ dro nyê, kə̂ to ngbongbo pö la rə̈ nyê bëte Modô ndə̂ Akrə!

Lûke 6:22 Iomraidhean Croise

Matiyə̈ 10:18

A â-eadje la nyê ku tchâtchu akömändâ la agbïɛ̈ bëte mê, ndə̂kə̂ pa nyë to pö ndə̂ rə ndə̂ nyë wûnsə̂ nə̈ pâ mê sə̈ andjê, ndjë la azü ndə̂ andjë wâbô wâtə̂ ajuîfu-î.

Matiyə̈ 10:22

Azü gbɛ̂ koadje sə̂ nyê bëte rə̈ mê. Praâbalë akrə ndə̂ tche rʉ̂âtə̂ su yê ndjoa ëtə̂ manə̈ tchê tchadje lə̂ kuzü.

Matiyə̈ 10:39

Akrə ndə̂ tche nyîndə̂ kə̂ tcha tchîsûwu ndə̂ yê la tə̂ yê, âyuadje tə̂ yê. Akrə ndə̂ tchîsûwu ndə̂ yê yû bëte mê, tchê gboadje rə̂.»

Lûke 20:15

Andjë wûtu la tchë lə̂ kɨ̈ndɨ̈ vînye nə̈ bhâchï kə̈ wôn tchë-ê.» Jezü yû andjê päkëdə̂: «Earə̂ kɨ̈ndɨ̈ nə̈ âmbo tə̂ andjê atöko?

Lûke 21:17

Azü gbɛ̂ âkoadje sə̂ nyê bëte mê.

Lûke 6:21

Nyë kä la mômô, nyënyê ndə̂ gʉ nyu nyê angêta, bëte tchə̂lə̂ nyê sɨadje! Nyë kä la mômô, nyënyê ndə̂ nyê kɨ angêta, bëte nyê moadje tə̂ nyê.

Jâan 12:42

Dëkë, lə̂ gûtə̂ amakündji ndə̂ ajuîfu, angbängbä angânə̈ zä su andjê sə̈ Jezü, praâbalë andjë nyîâbo sə̂nə̈ kraâ lə̂ la azü-a, bëte andjë mbö wawa afarizïɛ̈n ndə̂kə̂ pa andjë groabô andjê grô lə̂ anda kə̂ voga Ndjapä-ê.

Jâan 16:2

Bëte andjê groadje nyê lə̂ anda kə̂ voga Ndjapä. Pânə̈ lo nə̈ wutuadje ndə̂ andjanə̈ ndə̂ andjë won nyê toadje rə̂ bhâtə̂ su andjê pä, kua ndə̂ Ndjapä kä ndə̂ anyë mbô rə̂ lâme.

Jâan 17:14

Më zä pö ndə̂ zə̈ sə̈ andjê ânyë azü tchêbêche kôsə̂ andjê, bëte andjë wâbo tə̂ azü tchêbêche âtə-a, batə̂ rə̂ ndə̂ mëmê ndjë gbɛ̂ më wâbô wâtə̂ akrə tchêbêche âtə-ê.

Jâan 7:7

Azü tchêbêche âtə wâbo ndə̂kə̂ kosə̂ nyê-a, andə̂ me nə̈, andjë kösə̂ mê, bëte më tö pö pâ andjê pä, akua ndə̂ andjë mbo rə̂ wätə̂ ngbongbo nə̈.

Jâan 9:34

Andjë tô rə̂ ndə̂nə̈ sə̈ tchë päkëdə̂: «Momö, a zɨ̈ mö la ndundu tə̂ zə̈ gbɛ̂ lə̂ ngbongbo rə, ânyë momö kä ndə̂ ânyisə̂ rə sə̈ ârâ?» Tchâme, andjë grô tchë atə̂ sûwu.

Abadjângele 22:22

Azü nə̈ djê Pôlo zoo ësə̂nə̈ ndə̂ tche sə̂ lakə̂ to pö lâme. Praâbalë la tchêngbâ nə̈, andjë jêtə̂ kə̂ ta wârə̂ päkëdə̂: «Äwäpä a gi akrə käko pâ cho chï! Tche kʉ̂âbo sə̂kə̂ kä sə la tʉ̈rʉ̂ la yê-a!»

Abadjângele 24:5

Ârâ wün rə̂ pä köchë âtə wätə̂ ngbongbo akrə tə̂ gbölösə̂nə̈; tche sə̈ lakə̂ yi gbölö pö lə̂ gbâtə̂ ajuîfu pâ cho gbɛ̂. Tche də̈ makündji ndə̂ ngâ ngbongbo kpûlû ndə̂ rə̈ nə̈ wû pä Nazareyɛ̈n.

Abadjângele 9:16

Mê nyiadje sə̂nə̈ sə̈ tchë la tə̂ mê, yûkü ndə̂ tche wun-adje rə̂ bëte rə̈ mê.»

Jâke 1:12

Mômô kä tə̂ akrə ndə̂ tche rʉ̂âtə̂ su yê lə̂ arə gbôgbô, bëte âdə tche ârʉatə̂ su yê lə̂ arə gbôgbô nə̈ lâme nə̂, kə̂ gboadje kurône ndə̂ tchîsûwu, ndə̂ Ndjapä zâ bâlâ nə̈ sə̈ azü ndə̂ andjë nyîndə̂ yê.

Dokʉ̈ Pîêre 3:14

Âdə nyë âwun ndjë yûkü tə̂ pö ndə̂ djîrə̂ rə ndə̂ nyë mbô rə̂, nyë kä la mômô. Nyë mböämbô wa ngâ akrə balë mbô-ê, tchə̂lə̂ küma nyê djïngɨliabô djîngɨli-î.