Lûke 6:21 - Mbëtï Ndjapä: TÄFO MADƗ̈

²¹ Nyë kä la mômô, nyënyê ndə̂ gʉ nyu nyê angêta, bëte tchə̂lə̂ nyê sɨadje! Nyë kä la mômô, nyënyê ndə̂ nyê kɨ angêta, bëte nyê moadje tə̂ nyê.

Lûke 6:21 Iomraidhean Croise

Matiyə̈ 5:4

Nyë wä la mômô, nyënyê ndə̂ nyê kɨ angêta, bëte Ndjapä âtroadje ngûla nyê!

Matiyə̈ 5:6

Nyë wä la mômô, nyënyê ndə̂ gʉ kə̂ mbo djîrə̂ rə nyu nyê batə̂ gʉ ngû la kɨ̈zɨ̂, bëte Ndjapä âkʉadje rə sə̈ nyê gundə̂sə̂ rə ndə̂ su nyê nyîndə̂ nə̈!

Lûke 1:53

Tche kʉ̈ rə tə̂ gbölösə̂nə̈ sə̈ azü ndə̂ andjë wâ la gʉ, kə̈ grô a-earə̂ kə̂ gbo rə la wünwün könô andjê.

Lûke 6:20

Käko Jezü kênga la yê, kə̈ wûn adjisîpili ndə̂ yê kə̈ tô rə̂ päkëdə̂: «Nyë kä la mômô, nyënyê ndə̂ nyë wâtə̂ a-earə̂ yûkü, bëte nyë wätə̂ azü ndə̂ Gbölö gö-gbïɛ̈ ndə̂ Ndjapä!

Lûke 6:22

Nyë kä la mômô, âdə azü âkosə̂ nyê, kə̂ gro nyê, kə̂ dro nyê, kə̂ to ngbongbo pö la rə̈ nyê bëte Modô ndə̂ Akrə!

Lûke 6:25

Nyonyo kä tə̂ nyê, nyënyê ndə̂ tchə̂lə̂ nyê sɨ̂ angêta, bëte gʉ ânyuadje nyê! Nyonyo kä tə̂ nyê, nyënyê ndə̂ nyê motə̂ nyê angêta, bëte nyê wadje la nyonyo, kə̂ kɨadje.

Jâan 11:35

Jezü kɨ̂.

Jâan 4:10

Jezü tô rə̂ ndə̂nə̈ sə̈ tchë päkëdə̂: «Âdə mo âwunsə̂ rə ndə̂ Ndjapä za rə̂ sə̈ azü, ânyë kə̈ wûnsə̂ akrə ndə̂ tche yûkû ngû tchânə̂ zə̈ ndə̂kə̂ ndjo rə̂ âtə, dëkë momö kä ndə̂ âyukû ngû nə̈, ânyë tche za ngû ndə̂ âza tchîsûwu sə̈ mö.»

Jâan 6:35

Jezü tô rə̂ sə̈ andjê päkëdə̂: «Mëmê kä ndə̂ âwâtə̂ mâpa ndə̂ âza tchîsûwu sə̈ azü nə̈; akrə ndə̂ tche nə̂ pu mê, gʉ kɨ̈zɨ̂ nyuabô tchë balë tee-a, akrə ndə̂ tche zâ su yê sə̈ mê, gʉ ngû nyuabô tchë balë tee-a.

Dokʉ̈ Körɛ̂nte 4:11

Ndə̂ azə̈ kä sə̂ âtə, gʉ kä lakə̂ nyu ârâ, tchə̂lə̂ gɨ ârâ hrô nə̂, lə̂ba wâbo tə̂ ârâ-a, a mbö ngbongbo rə tə̂ ârâ, ârâ wâbo la ngâ tchô ndə̂kə̂ sə kpiî ëtâ-a.

Bïchuû Körɛ̂nte 11:27

Më mbö agbölö kua, kə̈ wâ la kôngö la tchêngbâ nə̈, lö zâbo la mê-a, gʉ kɨ̈zɨ̂ la ngû nyü mê, tə̂ angâ alö më lö la gʉ, zɨ mbo mê, lə̂ba wâbo tə̂ mê-a.

Bïchuû Körɛ̂nte 12:10

Bëte rə̂ kä ndə̂ më wâ la mômô sə̂nə̈ ndə̂ më wâbô wâ la gbôgbô, ndjë, sə̂nə̈ ndə̂ azü drô mê, âdəndjë lə̂ agbôgbô arə ndə̂ âpu mê katchôgbɛ̂, âdəndjë rə̂ ndə̂ azü mbo gbôgbô tə̂ mê bëte Krîsiti, ndjë la arə nyonyo. Bëte sə̂nə̈ ndə̂ më wâbô wâ la gbôgbô, dëkë sə̂nə̈ lâme kä ndə̂ më wâ la gbôgbô.

Bïchuû Körɛ̂nte 6:10

Azü zä nyonyo tə̂ su ârâ, praâbalë ârâ wä la mômô logbɛ̂, azü wün ârâ batə̂ a-earə̂ yûkü dëkë ârâ mbö rə̂ pä angâ azü watə̂ a-earə̂ rə, azü wün ârâ batə̂ ambämbä azü, dëkë ârâ kä la rə gbɛ̂.

Jâke 1:12

Mômô kä tə̂ akrə ndə̂ tche rʉ̂âtə̂ su yê lə̂ arə gbôgbô, bëte âdə tche ârʉatə̂ su yê lə̂ arə gbôgbô nə̈ lâme nə̂, kə̂ gboadje kurône ndə̂ tchîsûwu, ndə̂ Ndjapä zâ bâlâ nə̈ sə̈ azü ndə̂ andjë nyîndə̂ yê.

Apökälîbïchi 21:3

Më djê ngâ ôn ngbôô ndə̂ âtô dəsə̂ ngendë-gbïɛ̈ nə̈ päkëdə̂: «Angaâtə nda ndə̂ Ndjapä kä lə̂ gbâtə̂ azü! Tchê səadje lə̂ gbâtə̂ andjê, ânyë andjê wadje tə̂ azü gö ndə̂ yê. Ndjapä la tə̂ yê səadje ndrotə̂ andjê, kə̂ wadje tə̂ Ndjapä ndə̂ andjê.

Apökälîbïchi 7:16

Gʉ âkä nyu bata andjê tee-a, tchə̂lə̂ gɨ̈ andjê kä hro bata tee-a, âdəndjë kə̂ ta ndə̂ lo la tchâkʉ̈wô kä cho bata andjê tee-a.