Lûke 6:14 - Mbëtï Ndjapä: TÄFO MADƗ̈

¹⁴ Chemön, ndə̂ a ê ndjë rə̂ tə̂ yê pä Pîêre la yîngâ yê Anderë la Jâke la Jâan la Fïlîpe la Bartelemï la

Lûke 6:14 Iomraidhean Croise

Matiyə̈ 10:2

Rə̈ abadjângele lə̂ könô gbɛ̂ tchêpâ nə̈ bïchuû lâme wä kâkë: Dokʉ̈ nə̈ də̈ Chemön, ndə̂ a ê rə̂ tə̂ yê pä Pîêre, la yîngâ yê Anderë; Jâke la yîngâ yê Jâan amodô ndə̂ Zebede;

Matiyə̈ 10:3

Fïlîpe la Bartelemï; Tomä la Matiyə̈ ndə̂ tche wâtə̂ earə̂ kə̂ pala makətche-lapöo; Jâke modô ndə̂ Alefë la Tadë;

Matiyə̈ 4:18

Ndə̂ Jezü âsə̈ nə tə̂ maga gbölö kpakpa ngû ndə̂ Galilë, tche wûn angâ ayîngâ bïchuû ndə̂ andjë wâtə̂ a-earə̂ kə̂ pu agiangû. Chemön ndə̂ a ê rə̂ tə̂ yê pä Pîêre, la yîngâ yê Anderë. Andjë kä lakə̂ yi gbânda ndə̂ andjê ndə̂kə̂ pu agiangû lə̂ gbölö ngû nə̈.

Matiyə̈ 4:21

Jezü ê atə̂ tchâtchu nə̈, kə̈ wûn angâ ayîngâ bïchuû: Jâke modô ndə̂ Zebede la yîngâ yê Jâan. Andjë la bha andjê sə̈ lə̂ külû lakə̂ sɨ sə̂ gbânda ndə̂ andjê. Jezü ê andjê.

Mâreke 1:19

Jezü ê atə̂ tchâtchu nə̈ kpîɛ̂kpîɛ̂ rə̂, kə̈ wûn Jâke modô ndə̂ Zebede la yîngâ yê Jâan ndə̂ andjë sə̂ lə̂ külû lakə̂ sɨ sə̂ gbânda ndə̂ andjê.

Mâreke 1:29

Ndə̂ andjê âsə̈ wutu lə̂ nda kə̂ voga Ndjapä ndə̂ ajuîfu nə̈, Jezü la Jâke la Jâan ê atə̂ tchâalê ndə̂ Chemön la Anderë.

Mâreke 14:33

Tche zâ Pîêre la Jâke la Jâan potə̂ yê. Wawa la nyonyo jêtə̂ kə̂ mbo tchë.

Mâreke 3:16

Azü lə̂ könô gbɛ̂ tchêpâ nə̈ bïchuû nə̈ də̈: Chemön ndə̂ Jezü ê rə̂ tə̂ yê pä Pîêre,

Mâreke 5:37

Tche kôsə̂ nə̈ pä azü gbɛ̂ za tchêngbâ yê, kütû Pîêre la Jâke la yîngâ yê Jâan.

Mâreke 9:2

La tchêngbâ lö mïndûu manə̈ balë, Jezü zâ Pîêre la Jâke la Jâan yîngâ yê, kə̈ gîtə̂ yê la andjê bhâchï lə̂ küma ngâ gbölö aga, ânyë andjë sə̂ la kütû andjê. Kʉ̂tê yê kâ wâ ngbî lə̂ la andjê.

Lûke 5:10

Araagü nə̈ ndə̂ andjë yî gbânda la andjê, Jâke la Jâan amodô ndə̂ Zebede wä ndjë gbɛ̂ la wawa. Jezü tô rə̂ sə̈ Chemön päkëdə̂: «Mboabô wa mbô-ê, ndə̂kə̂ to tə̂ tchô angêta, mo âwatə̂ earə̂ kə̂ pu azü.»

Lûke 5:8

Ndə̂ Chemön wûn rə̂ käko, tche gʉ̂te tchâtchâ Jezü, kə̈ tô rə̂ päkëdə̂: «Gbölö Gbïɛ̈, gitə̂ zə̈ tə̂ mê bhâchï, bëte më də̈ earə̂ ngbongbo rə.»

Lûke 6:13

Tchô krâ, tche ê adjisîpili ndə̂ yê, kə̈ dɨ̂ andjê lə̂ könô gbɛ̂ tchêpâ nə̈ bïchuû, kə̈ ê rə̂ tə̂ andjê pä abadjângele. Azü nə̈ də̈:

Lûke 6:15

Matiyə̈ la Tomä la Jâke modô ndə̂ Alefë la Chemön ndə̂ tche wâtə̂ ngâ zëlôte la

Jâan 1:45

Pânə̈ Fïlîpe gbô Nätänäyêle kə̈ tô rə̂ sə̈ tchë päkëdə̂: «Akrə ndə̂ Möyîze tô pö ndə̂ yê lə̂ Mbëtï-ndïɛ̈ alême, ânyë a-earə̂ ndə̂ma Ndjapä tô ndjë pö ndə̂ yê lâme, azə̈ gbô tchë nə̂. Rə̈ yê wü pä Jezü. Tche də̈ modô ndə̂ Jozêfu, akrə gö ndə̂ Näzärête.»

Jâan 14:8

Fïlîpe tô rə̂ sə̈ tchë päkëdə̂: «Gbölö Gbïɛ̈, amö nyisə̂ Bha sə̈ ârâ ânyë tə̂ ârâ kra.»

Jâan 6:5

Jezü kênga la yê kə̈ wûn ngâ gbölö kpûlû azü ndə̂ andjë nə pu tchë. Tche tô rə̂ sə̈ Fïlîpe päkëdə̂: «Azə̈ âyo mâpa bhâ tchêbâ ânyë azü âtə gbo kɨ̈zɨ̂ ndə̂kə̂ zɨ rə̂?»

Jâan 6:8

Ngâ djisîpili ndə̂ yê balë ndə̂ rə̈ yê wû pä Anderë ndə̂ tche wâtə̂ yîngâ Chemôn-Pîêre tô rə̂ sə̈ tchë päkëdə̂:

Abadjângele 1:13

Ndə̂ andjë wûtu bhâ Jerûzalêmo, andjë lî bhâlə̂ darə də lafô ndə̂ andjë gbo tchê tə̂ andjê tâ. Azü nə̈ də̈ Pîêre la Jâan la Jâke la Anderë la Fïlîpe la Tomä la Bartelemï la Matiyə̈ la Jâke modô ndə̂ Alefë la Chemön ndə̂ tche mbô kʉ̈ʉ̈ ndə̂kə̂ ji azü lə̂ ngbâa, ndjë la Jûde modô ndə̂ Jâke.

Abadjângele 12:2

Tche zâma ânyë a wôn Jâke yîngâ Jâan la besala.

Bïchuû Pîêre 1:1

Mëmê Chemôn-Pîêre, më wätə̂ earə̂ kua la badjângele ndə̂ Jezü Krîsiti. Më mbö mbëtï âtə sə̈ andjanə̈ ndə̂ andjë zâ su andjê sə̈ Ndjapä. Kə̂ za su andjê sə̈ Ndjapä nə̈ lâme, ngîrî nə̈ wä ndjë batə̂ andə̂ azə̈ nə̈, lə̂ köbosə̂ djîrə̂ rə ndə̂ Ndjapä ndə̂ azə̂ la Jezü Krîsiti Earə̂ kə̂ tcha azə̂.