Lûke 6:13 - Mbëtï Ndjapä: TÄFO MADƗ̈

¹³ Tchô krâ, tche ê adjisîpili ndə̂ yê, kə̈ dɨ̂ andjê lə̂ könô gbɛ̂ tchêpâ nə̈ bïchuû, kə̈ ê rə̂ tə̂ andjê pä abadjângele. Azü nə̈ də̈:

Lûke 6:13 Iomraidhean Croise

Matiyə̈ 10:2

Rə̈ abadjângele lə̂ könô gbɛ̂ tchêpâ nə̈ bïchuû lâme wä kâkë: Dokʉ̈ nə̈ də̈ Chemön, ndə̂ a ê rə̂ tə̂ yê pä Pîêre, la yîngâ yê Anderë; Jâke la yîngâ yê Jâan amodô ndə̂ Zebede;

Matiyə̈ 19:28

Jezü tô rə̂ sə̈ andjê päkëdə̂: «Ɛn-ɛn, tə̂ lëge nə̈ më tö rə̂ sə̈ nyê: Lo nə̈ ndə̂ Modô ndə̂ Akrə ka ndə̂kə̂ sə pâ mbätä-gbïɛ̈ ndə̂ yê, nyënyê lə̂ könô gbɛ̂ tchêpâ nə̈ bïchuû ndə̂ nyë zâ tchêngbâ mê lâme, nyê səadje pâ ambätä-gbïɛ̈ lə̂ könô gbɛ̂ tchêpâ nə̈ bïchuû ndə̂kə̂ wa ngbanga pâ azü pâ mawo lə̂ könô gbɛ̂ tchêpâ nə̈ bïchuû ndə̂ Isarayële.

Matiyə̈ 9:36

Ndə̂ Jezü wûn kpûlû azü nə̈, nyonyo andjê mbô tchë bëte gbâdâ kâ tə̂ andjê nə̂ gbɛ̂, ânyë andjë mômo gbɛ̂ batə̂ aɛ̈bro-ngbaga ndə̂ earə̂ kə̂ bata andjê wâbô wâ tâ-ê.

Mâreke 6:30

Abadjângele pâlatə̂ andjê ndrotə̂ Jezü, kə̈ tô tchêngbâ pö gbɛ̂ ndə̂ arə ndə̂ andjë mbô rə̂ ndjë la arə ndə̂ andjë nyîsə̂ nə̈ sə̈ tchë.

Mâreke 6:7

Tche ê adjisîpili ndə̂ yê lə̂ könô gbɛ̂ tchêpâ nə̈ bïchuû kə̈ wân andjê bïbïchuû. Tche zâ gbôgbô sə̈ andjê ndə̂kə̂ gro angbongbo atchozö.

Lûke 11:49

Bëte rə̂ kä, lə̂ köbosə̂ nə̈ ndə̂ küma Ndjapä ndə̂ âwâ lanə̈, tche tô rə̂ päkëdə̂: ‹Mê wan-adje a-earə̂ ndə̂ma Ndjapä la abadjângele, andjê won-adje angânə̈ lə̂ gûtə̂ andjê, kə̂ mboadje angânə̈ la yûkü.›

Lûke 22:30

Nyê zɨadje rə, kə̂ ndjoadje rə la mê lə̂ Gbölö gö-gbïɛ̈ ndə̂ mê. Nyê səadje lə̂ angendë-gbïɛ̈ ndə̂kə̂ wa ngbanga pâ azü pâ amawo ndə̂ Isarayële lə̂ könô gbɛ̂ tchêpâ nə̈ bïchuû.»

Lûke 6:14

Chemön, ndə̂ a ê ndjë rə̂ tə̂ yê pä Pîêre la yîngâ yê Anderë la Jâke la Jâan la Fïlîpe la Bartelemï la

Jâan 4:33

Adjisîpili yûtə̂ andjê lə̂ gbâtə̂ andjê päkëdə̂: «Ngâ akrə nə̈ la kɨ̈zɨ̂ sə̈ tchë?»

Abadjângele 1:13

Ndə̂ andjë wûtu bhâ Jerûzalêmo, andjë lî bhâlə̂ darə də lafô ndə̂ andjë gbo tchê tə̂ andjê tâ. Azü nə̈ də̈ Pîêre la Jâan la Jâke la Anderë la Fïlîpe la Tomä la Bartelemï la Matiyə̈ la Jâke modô ndə̂ Alefë la Chemön ndə̂ tche mbô kʉ̈ʉ̈ ndə̂kə̂ ji azü lə̂ ngbâa, ndjë la Jûde modô ndə̂ Jâke.

Ëfêze 2:20

Nyë wä batə̂ nda ndə̂ a mbô rə̂, ndə̂ da nda nə̈ də̂ abadjângele la a-earə̂ ndə̂ma Ndjapä. Jezü Krîsiti la tə̂ yê kä ndə̂ âwâtə̂ gbôgbô täme ndə̂ da nda nə̈.

Ëfêze 4:11

Arə ndə̂ Yingö ndə̂ Krîsiti kʉ̂ rə̂ wä kâkë: Tche kʉ̈ rə̂ sə̈ angânə̈ ndə̂kə̂ watə̂ abadjângele, âdəndjë a-earə̂ ndə̂ma Ndjapä, âdəndjë a-earə̂ kə̂ mu Tchôtchô Pö, âdəndjë a-earə̂ kə̂ sə tə̂ küma Egilîze, âdəndjë a-earə̂ kə̂ nyisə̂ rə.

Aheborö 3:1

Arə̂mâ ndə̂ mê, nyë wätə̂ azü ndə̂ Ndjapä ê nyê ndə̂kə̂ watə̂ azü ndə̂ yê, käko äwäpä nyë lusə̂ Jezü, tchanə̈ ndə̂ Ndjapä wân tchë ndə̂kə̂ watə̂ gbölö earə̂ kə̂ wa ngela ndə̂ su azə̂ ndə̂ azə̈ zâ rə̂ sə̈ tchë, ânyë kə̂ mu pö ndə̂nə̈.

Bïchuû Pîêre 3:2

Më nyïndə̂ nə̈ pä apö ndə̂ a-earə̂ ndə̂ma Ndjapä ndə̂ andjë dâka gbɛ̂ tô rə̂ sə̈ nyê dokʉ̈tchê alême, sə̂nə̈ te lə̂ nyê. Ndjë akümändëmä ndə̂ abadjângele nyîsə̂ nə̈ sə̈ nyê alême pâ pö ndə̂ Gbölö Gbïɛ̈ Earə̂ kə̂ tcha azə̂ lâme, më nyïndə̂ nə̈ pä sə̂nə̈ te lə̂ nyê.

Apökälîbïchi 12:1

Ngâ gbölö nyîsɨ̂ rə wütu bhâ lafô, ngâ ɛ̈chë yü lo batə̂ lə̂ba, nyîpï kä tchâtchâ da yê, kə̈ yû kurône ëtə̂ küma yê ndə̂ akêkêrə̂ lə̂ könô gbɛ̂ tchêpâ nə̈ bïchuû wâ tâ.

Apökälîbïchi 18:20

Tchêlafô, amö wa la mômô bëte kə̂ ndɨ ndə̂ yê! Nyënyê ndjë gbɛ̂ nyë wä la mômô azü ndə̂ Ndjapä, la abadjângele la a-earə̂ ndə̂ma Ndjapä! Bëte Ndjapä wâ ngbanga pâ yê nə̂, bëte ngbongbo rə ndə̂ tche mbô rə̂ tə̂ nyê!

Apökälîbïchi 21:14

Gbadja gö nə̈ krʉ̈ pâ ada täme lə̂ könô gbɛ̂ tchêpâ nə̈ bïchuû ndə̂ a mbô arə̈ abadjângele lə̂ könô gbɛ̂ tchêpâ nə̈ bïchuû ndə̂ Ngbavö Ɛ̈bro-ngbaga ëpânə̈.