Lûke 6:12 - Mbëtï Ndjapä: TÄFO MADƗ̈

¹² Tə̂ngâlo, Jezü kênga atə̂lə̂ küma aga ndə̂kə̂ to pö sə̈ Ndjapä, kə̈ tô pö sə̈ Ndjapä lə̂ bütchî nə̈ tɨkpɨî.

Lûke 6:12 Iomraidhean Croise

Matiyə̈ 5:1

Ndə̂ Jezü wûn kpûlû azü nə̈, tche kênga atə̂lə̂ küma aga kə̈ sə̂ ëbêche. Adjisîpili ndə̂ yê pâlatə̂ andjê kə̈ sə̂ ëndrotə̂ yê.

Matiyə̈ 6:6

Praâbalë momö ndə̂ zə nə̈, âdə mo ânyində̂ kə̂ to pö sə̈ Ndjapä, amö li bhâlə̂ darə ndə̂ zə̈, kə̂ tchu manda nə̈ ëtâ, ânyë kə̂ to pö sə̈ Bha zə̈ ndə̂ tche wâ sə̂ tchô ndə̂ âwâ lə̂ küwû nə̈. Bha zə̈ ndə̂ tche wun rə gbɛ̂ ndə̂ mô mbo rə̂ lə̂ küwû nə̈, tchê zadje rə sə̈ mö.

Mâreke 1:35

Po mbatchâ, ndə̂ gbô tchô ndə̂po lakə̂ bu, Jezü âlafô kə̈ wûtu tchâalê nə̈, kə̈ ê bhâlə̂ kpaɛ̈gâ, ânyë kə̈ sə̂ lakə̂ to pö sə̈ Ndjapä bhâye.

Mâreke 3:13

Pânə̈ Jezü kênga atə̂lə̂ küma aga, tche ê azü ndə̂ su yê nyîndə̂ nə̈, ânyë andjë nə̂ pu tchë.

Mâreke 6:46

Pânə̈ ndə̂ tche grô andjê, tche ê atə̂lə̂ küma aga ndə̂kə̂ to pö sə̈ Ndjapä.

Lûke 5:16

Praâbalë Jezü gbôtə̂ andjê kə̈ ê atə̂sə̂ ngâ tchô ndə̂ azü sə̂âbô sə̂ tâ-ê ndə̂kə̂ to pö sə̈ Ndjapä.

Lûke 6:11

Praâbalë su andjê kʉ̂ andjê tə̂ gbölösə̂nə̈, andjë sə̂ lakə̂ to rə̂ lə̂ gbâtə̂ andjê, pö ndə̂ rə ndə̂ andjë nyîndə̂ kə̂ mbo rə̂ tə̂ Jezü.

Lûke 6:17

Jezü jrê la andjê tə̂ aga nə̈, kə̈ krʉ̂ sə̂ ngâ kpakpa tchô, sə̂nə̈ ndə̂ angbängbä adjisîpili ndə̂ yê sə̂ tâ. Kpûlû azü ndə̂ andjë tô bhâlə̂ agö ndə̂ Judë gbɛ̂ la Jerûzalêmo la azü tə̂ maga ngû ndə̂ Tîre la Sidön ndə̂ andjë nə̂, andjë sə̂ ndjë tchâme.

Lûke 9:18

Tə̂ngâlo ndə̂ Jezü sə̂ bhâchï lakə̂ to pö sə̈ Ndjapä la kütû yê, adjisîpili ndə̂ yê pâlatə̂ andjê ndrotə̂ yê. Tche yû andjê päkëdə̂: «Azü gbɛ̂ tö rə̂ pä më də̈ tchabâ?»

Lûke 9:28

Ârə̂ âsə̈ wa ndola lö mïndûu manə̈ vötaâ pânə̈ ndə̂ Jezü tô pö käko, tche zâ Pîêre la Jâan la Jâke potə̂ yê, kə̈ kênga atə̂lə̂ küma aga ndə̂kə̂ to pö sə̈ Ndjapä.

Lûke 9:29

Ndə̂ tche âsə̈ to pö sə̈ Ndjapä, tchâtchu yê dôtə̂ yê kə̈ wâ ngbî, lə̂ba ndə̂ yê kä grô kpɨ̂ki.

Jâan 6:3

Jezü â atə̂lə̂ küma ngâ aga, kə̈ sə̂ tchâme la adjisîpili ndə̂ yê.

Kölôse 4:2

Nyë tö pö sə̈ Ndjapä logbɛ̂. La nyê gbö lə̂ köbosə̂ kə̂ to pö sə̈ Ndjapä lakə̂ za ayîabâ sə̈ tchë.

Aheborö 5:7

Ndə̂ Jezü sə̂ alême bêche âtə, tche tö pö lakə̂ dɨ tchə̂lə̂ ma, la gbölö ôn la ngûla sə̈ Ndjapä ndə̂ tche wâ ndə̂kə̂ tcha azü lə̂ kuzü. Ndjapä djë tchë lə̂ köbo kə̂ mbotə̂ yê kpîɛ̂kpîɛ̂ rə̂.