Lûke 5:32 - Mbëtï Ndjapä: TÄFO MADƗ̈

³² Më nə̂âbo ndə̂kə̂ e adjîrə̂ azü-a, praâbalë më nə̈ bëte a-earə̂ ngbongbo rə, ndə̂kə̂ pa andjë gbotə̂ bəndɨ kə̂ mbo rə ndə̂ andjê.»

Lûke 5:32 Iomraidhean Croise

Matiyə̈ 18:10

«La nyê gbö-ê! Nyë wün-äbô ngâ yɛ̈yɛ̈ bechë wûn lə̂ gûtə̂ ayɛ̈yɛ̈ abechë âtə batə̂ mbämbä akrə-ê. Më tö rə̂ sə̈ nyê, aânje ndə̂ ayɛ̈yɛ̈ abechë âtə kä bhâ tchâtchu Bha mê bhâ lafô. [

Matiyə̈ 9:13

Nyë gûgü kə̂ pu dju apö ndə̂ Ndjapä tô rə̂ âtə: ‹Më nyïndə̂ nə̈ pä azü wun nyonyo angâ andjê, praâbalë më kösə̂ ngela ndə̂ agia!› Më nə̂âbo ndə̂kə̂ e adjîrə̂ azü-a, praâbalë më nə̈ bëte a-earə̂ ngbongbo rə.»

Mâreke 15:10

Bëte Pïlâte wûnsə̂ nə̈ nə̂ pä agbölö a-earə̂ kə̂ wa ngela sə̈ Ndjapä gbötə̂ Jezü ëtchânə̂ yê lə̂ köbosə̂ gbölö su.

Mâreke 15:7

Dëkë, ngâ köchë alême kä tâ ndə̂ rə̈ yê wû pä Bäräbâse, a yï tchë bhâlə̂ nda kânga la angâ yê ndə̂ andjë âlafô la gbölö pö ânyë kə̈ wôn ngâ akrə lə̂nə̈.

Mâreke 2:17

Jezü djê andjê kə̈ tô rə̂ sə̈ andjê päkëdə̂: «Âdə̂âbo azü ndə̂ tə̂ andjê wâ la sə̂nə̈ kä ndə̂ âe ndə̂kə̂ wun dokotöro-a, praâbalë kütû a-earə̂ tə̂kömbô kä ndə̂ âe ndə̂kə̂ wun tchë. Më nə̂âbo ndə̂kə̂ e adjîrə̂ azü-a, praâbalë më nə̈ ndə̂kə̂ e a-earə̂ ngbongbo rə.»

Lûke 15:10

Käko ndjë, më tö rə̂ sə̈ nyê, mômô kä lə̂ gbâtə̂ aânje ndə̂ Ndjapä bëte ngâ earə̂ ngbongbo rə balë ndə̂ tche gbôtə̂ bəndɨ kə̂ mbo rə ndə̂ yê.»

Lûke 15:7

«Käko ndjë, më tö rə̂ sə̈ nyë: Ngâ gbölö mômô wadje bhâ lafô, bëte earə̂ ngbongbo rə balë ndə̂ tche gbotə̂ bəndɨ kə̂ mbo rə ndə̂ yê. Mômô lâme rö andə̂ adjîrə̂ azü tə̂ azü voanə̈ la lə̂ könô gbɛ̂ tchêpâ nə̈ mïndûu manə̈ vöanə̈ (99) ndə̂ andjë wäbô wâ la gʉ ndə̂kə̂ gbotə̂ bəndɨ köbo andjê.»

Lûke 19:10

Bëte Modô ndə̂ Akrə nə̈ ndə̂kə̂ pu lakə̂ tcha azü ndə̂ andjë yû.»

Lûke 24:47

Äwäpä a mu pö la rə̈ yê katchôgbɛ̂, ätö bhâ Jerûzalêmo ndjoa ëtə̂ azü tchêbêche gbɛ̂, ndə̂kə̂ pa andjë gbotə̂ bəndɨ kə̂ mbo rə ndə̂ andjê, ânyë Ndjapä ko pö lə̂ küma andjê.

Lûke 5:31

Jezü tô rə̂ ndə̂nə̈ sə̈ andjê päkëdə̂: «Âdə̂âbo azü ndə̂ tə̂ andjê wâ la sə̂nə̈ kä ndə̂ âe ndə̂kə̂ wun dokotöro-a, praâbalë kütû a-earə̂ tə̂kömbô kä ndə̂ âe ndə̂kə̂ wun tchë.

Lûke 5:33

Afarizïɛ̈n tô rə̂ sə̈ Jezü päkëdə̂: «Adjisîpili ndə̂ Jâan-Batîse kösə̂ kɨ̈zɨ̂ lakə̂ to pö sə̈ Ndjapä logbɛ̂, adjisîpili ndə̂ ârâ ndjë gbɛ̂. Praâbalë andjandə̂ zə nə̈ kä lakə̂ zɨ rə, lakə̂ ndjo rə.»

Abadjângele 17:30

Praâbalë sə̂nə̈ ndə̂ akrə wûn-âbô sə̂ rə wûn-î, Ndjapä zâbo su yê pânə̈-a. Angaâtə, tche ë azü gbɛ̂ kupâ cho gbɛ̂ ndə̂kə̂ gbotə̂ bəndɨ kə̂ mbo rə ndə̂ andjê.

Abadjângele 2:38

Pîêre tô rə̂ ndə̂nə̈ sə̈ andjê päkëdə̂: «Nyë gbötə̂ bəndɨ kə̂ mbo rə ndə̂ nyê, äwäpä akrə balë balë lə̂ gûtə̂ nyê gbo batɛ̂me la rə̈ Jezü Krîsiti, ânyë Ndjapä ko pö lə̂ küma yê, käko nyê gboadje arə ndə̂ Kpɨ̂ki Yingö.

Abadjângele 20:21

Më ë ajuîfu la agerêke ndə̂kə̂ pa andjë gbotə̂ bəndɨ kə̂ mbo rə ndə̂ andjê, kə̂ ka pu Ndjapä ânyë kə̂ za su andjê gbɛ̂ sə̈ Gbölö Gbïɛ̈ ndə̂ azə̂ Jezü.

Abadjângele 3:19

Käko nyë gbötə̂ bəndɨ kə̂ mbo rə ndə̂ nyê, kə̂ ka pu Ndjapä, ânyë tche ko pö lə̂ küma nyê.

Abadjângele 3:26

Tə̂ pö ndə̂ nyê kä ndə̂ Ndjapä nyîsə̂ earə̂ kua ndə̂ yê dokʉ̈tchê ânyë kə̈ wân tchë ndə̂kə̂ e tchôtchô pö pâ nyê, ndə̂kə̂ mbo rə̂ pä akrə balë balë gbotə̂ bəndɨ kə̂ mbo rə ndə̂ yê.»

Abadjângele 5:31

Ndjapä kênga tchë də ndôkö könô yê ndə̂kə̂ pa tche watə̂ Makündji la Earə̂ kə̂ tcha azü, kə̈ zâ köbo sə̈ azü ndə̂ Isarayële ndə̂kə̂ pa andjë gbotə̂ bəndɨ kə̂ mbo rə ndə̂ andjê, ânyë Ndjapä koadje pö lə̂ küma andjê.

Bïchuû Pîêre 3:9

Rə ndə̂ Gbölö Gbïɛ̈ zâ bâlâ tə̂ pö ndə̂nə̈, tche chîabo ndə̂kə̂ mbo rə̂-a, batə̂ angânə̈ to tchê rə̂. Tche rʉ̈ätə̂ su yê la nyê bëte tche nyîâbo ndə̂nə̈ pä angânə̈ lə̂ gbâtə̂ nyê tchu-a, praâbalë tche nyïndə̂ nə̈ pä azü gbɛ̂ gbotə̂ bəndɨ kə̂ mbo rə ndə̂ andjê.