Lûke 5:30 - Mbëtï Ndjapä: TÄFO MADƗ̈

³⁰ Afarizïɛ̈n la a-earə̂ kə̂ nyisə̂ ndïɛ̈ sə̂ lakə̂ to tchə̂lə̂ pö nə̈, andjë tö rə̂ sə̈ adjisîpili ndə̂ Jezü päkëdə̂: «Bëte giamâ kä ndə̂ nyê zɨ rə, lakə̂ ndjo rə la a-earə̂ kə̂ pala makətche-lapöo la a-earə̂ ngbongbo rə?»

Lûke 5:30 Iomraidhean Croise

Matiyə̈ 5:46

Âdə nyë ânyi kütû ndə̂ azü ndə̂ andjë nyîndə̂ nyê, tchôtchô rə giamâ kä ndə̂ nyê gbo rə̂ tchânə̂ Ndjapä? A-earə̂ kə̂ pala makətche-lapöo mbö ndjë rə batə̂ rə̂ ndə̂ nyê mbo rə̂ lâme.

Matiyə̈ 9:11

Afarizïɛ̈n wûn rə̂ käko kə̈ tô rə̂ sə̈ adjisîpili ndə̂ Jezü päkëdə̂: «Bëte giamâ earə̂ kə̂ nyisə̂ rə sə̈ nyê zɨ rə la a-earə̂ kə̂ pala makətche-lapöo la a-earə̂ ngbongbo rə?»

Mâreke 2:16

Ndə̂ angâ afarizïɛ̈n ndə̂ andjë nyisə̂ ndïɛ̈ âsə̈ wun rə̂ ndə̂ andjë sə̂ lakə̂ zɨ rə la a-earə̂ ngbongbo rə la a-earə̂ kə̂ pala makətche-lapöo, andjë tô rə̂ sə̈ adjisîpili ndə̂ yê päkëdə̂: «Bëte giamâ kä ndə̂ tche zɨ rə la a-earə̂ kə̂ pala makətche-lapöo la a-earə̂ ngbongbo rə?»

Mâreke 7:3

Bëte afarizïɛ̈n la ajuîfu gbɛ̂ kä lakə̂ bata ndïɛ̈ ndə̂ araâta andjê. Dokʉ̈tchê ndə̂kə̂ pa andjë zɨ rə, andjë djütu könô andjê djîrə̂ ânyë.

Mâreke 9:16

Tche yû adjisîpili ndə̂ yê päkëdə̂: «Nyë gäma nyê la azü âtə pâ giamâ?»

Lûke 18:11

Farizïɛ̈n lâme krʉ̂ lafô ânyë kə̈ sə̂ lakə̂ to pö sə̈ Ndjapä bhâtə̂ su yê pä: ‹Ndjapä, më zä ayîabâ sə̈ mö, bëte më wâbo batə̂ adɨ̂ azü gbɛ̂-a, ndə̂ andjë wâtə̂ a-earə̂ ngbä, la a-earə̂ mbə̈lï, la azü ndə̂ andjë pu aɛ̈chë âdəndjë aköchë ndə̂ azü lâme-a. Më wâbo ndjë batə̂ earə̂ kə̂ pala makətche-lapöo lâme-a.

Lûke 19:7

Ndə̂ azü wûn rə̂ käko, andjë sə̂ lakə̂ jende Jezü lakə̂ to rə̂ päkëdə̂: «Köchë âtə ë ndə̂kə̂ lo bhândə̂ ngâ earə̂ ngbongbo rə!»

Lûke 5:17

Tə̂ngâlo, Jezü sə̂ lakə̂ nyisə̂ rə. Afarizïɛ̈n la a-earə̂ kə̂ nyisə̂ ndïɛ̈ sə̂ ndrotə̂ yê. Andjë tö lə̂ ayɛ̈yɛ̈ gö gbɛ̂ ndə̂ âwâ bhâ Galilë, la Judë, la gö ndə̂ Jerûzalêmo ânyë kə̈ nə̂. Gbôgbô ndə̂ Gbölö Gbïɛ̈ kä la tchë ânyë tche tchâ a-earə̂ tə̂kömbô.

Lûke 5:21

A-earə̂ kə̂ nyisə̂ ndïɛ̈ la afarizïɛ̈n jêtə̂ kə̂ to rə̂ bhâtə̂ su andjê päkëdə̂: «Köchë âtə də̈ tchabâ ânyë kə̈ drô Ndjapä âtə? Tchabâ âwâ ndə̂kə̂ ko pö lə̂ küma azü? Kütû Ndjapä balë!»

Lûke 7:34

Modô ndə̂ Akrə nə̈, kə̈ zɨ̂ rə, kə̈ ndjô rə, nyë tô rə̂ päkëdə̂: ‹Wunsa köchë âtə ndə̂ kua ndə̂ yê wâ kütû ndə̂kə̂ zɨ rə, lakə̂ ndjo vɛ̂n-ɛn, tche mbö agü la a-earə̂ kə̂ pala makətche-lapöo, la a-earə̂ ngbongbo rə!›

Lûke 7:39

Farizïɛ̈n ndə̂ tche ê Jezü lâme âsə̈ wun rə̂ käko, kə̈ tô rə̂ bhâtə̂ su yê päkëdə̂: «Âdə köchë âtə âwatə̂ lëge earə̂ ndə̂ma Ndjapä, dëkë tche wûnsə̂ pö pâ ɛ̈chë ndə̂ tche sə̂ lakə̂ grʉ tchë lâme nə̂. Ɛ̈chë lâme wätə̂ earə̂ ngbongbo rə.»

Abadjângele 23:9

Andjë gbɛ̂ sə̂ lakə̂ on, ânyë angâ a-earə̂ kə̂ nyisə̂ ndïɛ̈ ndə̂ andjë sə̂ dəndə̂ afarizïɛ̈n âlafô, kə̈ tô rə̂ la gbôgbô päkëdə̂: «Ârâ gbôâbo ngâ ngbongbo pö lə̂ küma köchë âtə balë-a. Ambêteko ngâ ânje âdəndjë ngâ yingö kä ndə̂ âtô pö lâme sə̈ tchë.»