Lûke 5:26 - Mbëtï Ndjapä: TÄFO MADƗ̈

²⁶ Tchə̂lə̂ küma azü nə̈ gbɛ̂ djîngɨli, wawa mbô andjê, andjë sə̂ lakə̂ voga Ndjapä, kə̈ tô rə̂ päkëdə̂: «Ârâ wün ngâ kpɨ̈ngbɨ̈ rə ndə̂ ârôpâ küma azü angêta!»

Lûke 5:26 Iomraidhean Croise

Matiyə̈ 12:23

Tchə̂lə̂ küma kpûlû azü nə̈ gbɛ̂ djîngɨli ânyë andjë tô rə̂ päkëdə̂: «Âdə̂âbo Modô ndə̂ Davîdi kä âtə?»

Matiyə̈ 28:8

Aɛ̈chë nə̈ âlafô gasa tə̂ ma cho kuzü nə̈, andjë wa la wawa ndjë la gbölö mômô ânyë kə̈ kpê la rö kə̈ tô pö ndə̂nə̈ sə̈ adjisîpili ndə̂ yê.

Matiyə̈ 9:8

Ndə̂ kpûlû azü nə̈ wûn rə̂ käko, wawa mbô andjê. Andjë vôga Ndjapä bëte rə̂ ndə̂ tche zâ gbôgbô käko sə̈ azü ndə̂kə̂ mbo arə.

Mâreke 2:12

Po tchâme, köchë nə̈ âlafô lə̂ la azü gbɛ̂, kə̈ zâ kʉ̈ngrʉ ndə̂ yê ânyë kə̈ gû gutə̂. Tchə̂lə̂ küma azü nə̈ gbɛ̂ djîngɨli, andjë vôga Ndjapä lakə̂ to rə̂ päkëdə̂: «Azə̈ wûn-âbo ngâ rə kâkë lo balë-a.»

Lûke 1:65

Käko wawa mbô azü ndə̂ andjë lô ndola tchë gbɛ̂. Lə̂ agö gbɛ̂ ndə̂ Judë ndə̂ âwâtə̂ aga, azü nə̈ gbɛ̂ sə̂ lakə̂ to pö ndə̂ agbölö arə ndə̂ âmbô lâme.

Lûke 5:8

Ndə̂ Chemön wûn rə̂ käko, tche gʉ̂te tchâtchâ Jezü, kə̈ tô rə̂ päkëdə̂: «Gbölö Gbïɛ̈, gitə̂ zə̈ tə̂ mê bhâchï, bëte më də̈ earə̂ ngbongbo rə.»

Lûke 7:16

Wawa mbô azü gbɛ̂. Andjë vôga Ndjapä lakə̂ to rə̂ päkëdə̂: «Ngâ gbölö earə̂ ndə̂ma Ndjapä nə̂ lə̂ gbâtə̂ azə̂ nə̂!» Andjë tö ndjë rə̂ päkëdə̂: «Ndjapä nə̂ ndə̂kə̂ wun azü ndə̂ yê nə̂!»

Lûke 8:37

Käko azü gbɛ̂ ndə̂ andjë sə̂ lə̂ agö lâme tô rə̂ sə̈ Jezü pä tche wutu lə̂ gö ndə̂ anyê, bëte wawa mbö andjê tə̂ gbölösə̂nə̈. Jezü â lə̂ külû ndə̂kə̂ dotə̂ yê.

Abadjângele 4:21

A-earə̂ kə̂ wa ngbanga nə̈ kä hrâli andjê tə̂ gbölösə̂nə̈, pânə̈, andjë jî andjê. Andjë gbôâbo ngâ pö ndə̂ âmbô rə̂ pä andjë wa ngbanga lə̂ küma andjê tə̂ pö ndə̂nə̈-a, bëte azü gbɛ̂ sə̈ lakə̂ voga Ndjapä bëte rə ndə̂ âwûtu lâme.

Gälâte 1:24

Käko azü nə̈ vôga Ndjapä lə̂ köbosə̂ mê.