Lûke 5:24 - Mbëtï Ndjapä: TÄFO MADƗ̈

²⁴ Praâbalë më nyïndə̂ nə̈ pä nyë wunsə̂ nə̈ pä Modô ndə̂ Akrə kä la gbôgbô pâ cho âtə ndə̂kə̂ ko pö lə̂ küma azü.» Käko Jezü tô rə̂ sə̈ köchë ndə̂ tche ngêwele lâme päkëdə̂: «Më tö rə̂ sə̈ mö: Alafô, kə̈ zâ kʉ̈ngrʉ ndə̂ zə̈, kə̈ gûgü atə̂ndə̂ zə̈!»

Lûke 5:24 Iomraidhean Croise

Matiyə̈ 16:13

Jezü wûtu lə̂ agö ndə̂ Sezarë ndə̂ Fïlîpe. Tche yû adjisîpili ndə̂ yê päkëdə̂: «Azü tö rə̂ pä Modô ndə̂ Akrə də̈ tchabâ?»

Matiyə̈ 25:31

«Lo nə̈ ndə̂ Modô ndə̂ Akrə ka lə̂ gbôgbô ndə̂ yê la aânje ndə̂ yê gbɛ̂, tchê səadje ëpâ gbölö ngendë-gbïɛ̈ ndə̂ yê.

Matiyə̈ 26:64

Jezü tô rə̂ ndə̂nə̈ sə̈ tchë päkëdə̂: «Mo tô rə̂ la ma zə̈ nə̂. Praâbalë më tö rə̂ sə̈ nyê, ndə̂kə̂ to tə̂ tchô angêta, nyê wun-adje Modô ndə̂ Akrə ndə̂ tche sə̂ də ndôkö könô Ndjapä ndə̂ tche wâ la gbôgbô gbɛ̂, ânyë kə̂ kadje lə̂ ndrö ndə̂ tchêlafô.»

Matiyə̈ 28:18

Jezü gîtə̂ yê ndola andjê kə̈ tô rə̂ sə̈ andjê päkëdə̂: «Ndjapä zä gbôgbô sə̈ mê pâ tchêlafô la tchêbêche.

Matiyə̈ 4:24

Rə̈ Jezü zâ tchə̂lə̂ gö ndə̂ Sirï gbɛ̂, ânyë azü ê pu tchë la a-earə̂ tə̂kömbô. Andjanə̈ ndə̂ andjë wâ la tə̂kömbô ngbî ngbî ânyë kə̂ sə ndə̂ andjê wâbô wâtə̂ tchôtchô nə̈, la andjanə̈ ndə̂ andjë wâ la angbongbo atchozö, la andjanə̈ ndə̂ kôkö yi andjê, ndjë la andjanə̈ ndə̂ ngâ tchâme-tə̂ andjê ndɨ̂. Jezü tchâ andjê gbɛ̂ lə̂ tə̂kömbô ndə̂ andjê.

Matiyə̈ 9:6

Më nyïndə̂ nə̈ pä nyë wunsə̂ nə̈ pä Modô ndə̂ Akrə kä la gbôgbô pâ cho âtə ndə̂kə̂ ko pö lə̂ küma azü.» Jezü tô rə̂ sə̈ köchë ndə̂ tche ngêwele lâme päkëdə̂: «Amö alafô, kə̈ zâ kʉ̈ngrʉ ndə̂ zə̈, kə̈ gû atə̂ndə̂ zə̈!»

Lûke 5:13

Jezü yï könô yê, kə̈ grʉ̂ tchë, kə̈ tô rə̂ päkëdə̂: «Më nyîndə̂ nə̈ nə̂, tə̂ zə̈ däka-ê!» Djîrə̂, broma nə̈ gbôtə̂ köchë lâme-ê.

Lûke 5:18

Angâ azü zâ ngâ köchë ndə̂ tche ngêwele pâ kʉ̈ngrʉ, kə̈ nə̂ la tchë. Andjë nyïndə̂ kə̂ li la tchë ndə̂kə̂ za tchë kpô tchâtchu Jezü,

Lûke 5:23

Ndə̂kə̂ to rə̂ päkëdə̂: ‹A kô pö lə̂ küma zə̈ nə̂›, la ndə̂kə̂ to rə̂ päkëdə̂: ‹Alafô kə̈ nə̂›, anə̈bâ kä ndə̂ âwâtə̂ mömö nə̈?

Lûke 7:14

La tchêngbâ nə̈ Jezü nə̂ kə̈ grʉ̂ kʉ̈ngrʉ kuzü nə̈, a-earə̂ kə̂ za kʉ̈ngrʉ kuzü nə̈ krʉ̂ la rə̂. Jezü tô rə̂ päkëdə̂: «Bechë-ɛ̈köchë, më yükû nə̈ la gbôgbô sə̈ mö päkëdə̂: Alafô-ê!»

Lûke 8:54

Jezü zâ könô bechë lâme, kə̈ tô rə̂ ngbôô päkëdə̂: «Bechë, amö alafô-ê!»

Jâan 11:43

Pânə̈ Jezü ôn ngbôô päkëdə̂: «Lazäre, wûtu-ê!»

Jâan 17:2

Mo zä gbôgbô sə̈ tchë pâ azü tchêbêche gbɛ̂, ndə̂kə̂ pa tche za tchîsûwu ndə̂ logbɛ̂ logbɛ̂ sə̈ azü ndə̂ mo kʉ̂ andjê sə̈ tchë.

Jâan 3:13

Ngâ akrə balë kêngabô atə̂ lafô nə̂-a, kütû Modô ndə̂ Akrə kä ndə̂ âtô bhâ lafô ânyë kə̈ jrê atə̂ bêche.

Jâan 5:27

Tche zä gbôgbô sə̈ Modô nə̈ ndə̂kə̂ wa ngbanga bëte tche wätə̂ Modô ndə̂ Akrə.

Abadjângele 14:10

Pôlo tô rə̂ sə̈ tchë ngbôô päkëdə̂: «Alafô, kə̈ krʉ̂ pâ da zə̈!» Köchë nə̈ kû atə̂ lafô ânyë kə̈ jêtə̂ kə̂ nə.

Abadjângele 5:31

Ndjapä kênga tchë də ndôkö könô yê ndə̂kə̂ pa tche watə̂ Makündji la Earə̂ kə̂ tcha azü, kə̈ zâ köbo sə̈ azü ndə̂ Isarayële ndə̂kə̂ pa andjë gbotə̂ bəndɨ kə̂ mbo rə ndə̂ andjê, ânyë Ndjapä koadje pö lə̂ küma andjê.

Abadjângele 9:34

Pîêre tô rə̂ sə̈ tchë päkëdə̂: «Enë, Jezü Krîsiti tchâ mö nə̂! Alafô, kə̈ zâ kʉ̈ngrʉ ndə̂ zə̈!» Kpro kâkë, tche âlafô-ê.

Abadjângele 9:40

Pîêre grô azü nə̈ gbɛ̂ atə̂ sûwu, tche gʉ̂te ëbêche, kə̈ tô pö sə̈ Ndjapä. Pânə̈ tche djêtə̂ yê pu kuzü nə̈ kə̈ tô rə̂ päkëdə̂: «Tabïta, alafô-ê!» Ɛ̈chë nə̈ vrô la yê. Ndə̂ tche âsə̈ wun Pîêre, tche âlafô kə̈ sə̂ la dju yê.

Apökälîbïchi 1:13

Lê gûtə̂ ada-lâmba lâme, më wûn ngâ akrə ndə̂ tche kʉ̂tə̂ yê la modô ndə̂ akrə. Tche yü ngâ ngrɨ̈ngrɨ̈ lə̂ba ëtə̂ yê, ânyë kə̈ î tchə̂lə̂ krʉ yê la wû tchêpâ lə̂ba ndə̂ a mbô rə̂ la lôlo.