Lûke 5:20 - Mbëtï Ndjapä: TÄFO MADƗ̈

²⁰ Ndə̂ Jezü wûn rə̂ ndə̂ andjë zâ su andjê gbɛ̂ sə̈ tchë, tche tô rə̂ sə̈ köchë ndə̂ tche ngêwele lâme päkëdə̂: «Köchë, a kô pö lə̂ küma zə̈ nə̂.»

Lûke 5:20 Iomraidhean Croise

Matiyə̈ 9:2

Angâ azü zâ ngâ akrə ndə̂ da yê ngêwele ânyë tche lô pâ kʉ̈ngrʉ, kə̈ nə̂ la tchë sə̈ Jezü. Ndə̂ Jezü wûn rə̂ ndə̂ andjë zâ su andjê gbɛ̂ sə̈ tchë, kə̈ tô rə̂ sə̈ köchë ndə̂ da yê ngêwele lâme päkëdə̂: «Bechë ndə̂ mê, tə̂ zə̈ krä-ê! A kô pö lə̂ küma zə̈ nə̂!»

Matiyə̈ 9:5

Ndə̂kə̂ to rə̂ päkëdə̂: ‹A kô pö lə̂ küma zə̈ nə̂›, la anə̈ ndə̂kə̂ to rə̂ päkëdə̂: ‹Alafô kə̈ nə̂›, anə̈bâ kä ndə̂ âwâtə̂ mömö nə̈?

Mâreke 2:5

Jezü wûn rə̂ ndə̂ andjë zâ su andjê gbɛ̂ sə̈ tchë, kə̈ tô rə̂ sə̈ akrə ndə̂ tche ngêwele lâme päkëdə̂: «Bechë ndə̂ mê, a kô pö lə̂ küma zə̈ nə̂.»

Lûke 7:48

Jezü tô rə̂ sə̈ ɛ̈chë nə̈ päkëdə̂: «A kô pö lə̂ küma zə̈ nə̂.»

Jâan 2:25

A wâbo ndə̂kə̂ nyisə̂ pö pâ ngâ akrə balë sə̈ Jezü-a, bëte tchetchë la tə̂ yê, tche wünsə̂ rə ndə̂ âwâ bhâlə̂ su azü.

Jâan 5:14

La tchêngbâ nə̈ Jezü gbô tchë bhâlə̂ gbölö nda Ndjapä kə̈ tô rə̂ sə̈ tchë päkëdə̂: «Wunsaâ, tə̂ zə̈ dâka nə̂, amö ka mbôâbô ngbongbo rə mbô-ê, ânyë ngâ ngbongbo rə kä gboabô mö gbô kə̂ ro anə̈ dokʉ̈tchê lâme-ê.»

Abadjângele 11:23

Ndə̂ tche wûtu bhâye, tche wûn rə̂ ndə̂ Ndjapä mbô tchôtchô su tə̂ azü nə̈. Tche wâ la mômô, ânyë kə̈ zâ wängö sə̈ andjê ndə̂kə̂ pa andjë za su andjê gbɛ̂ lakə̂ sə kpô ngbâ Gbölö Gbïɛ̈ logbɛ̂.

Abadjângele 14:9

Tə̂ngâlo, tche djê Pôlo ndə̂ tche mu pö. Pôlo chêko tchə̂lə̂ la köchë nə̈ kə̈ wûn rə̂ pä tche zä su yê sə̈ Jezü ndə̂kə̂ pa tche tcha.

Bïchuû Körɛ̂nte 2:10

Âdə nyê âko pö lə̂ küma ngâ akrə, mëmê ndjë gbɛ̂ më âko pö lə̂ küma yê. Âdə mê âko pö lə̂ küma akrə ndə̂ më gbô köbo ndə̂kə̂ mbo rə̂, më kö pö nə̈ lâme bëte nyê tchâtchu Krîsiti.

Kölôse 3:13

Nyë rʉ̈ätə̂ su nyê la angâ nyê lə̂ gbâtə̂ nyê. Âdə ngâ akrə âwa la pö la ngâ yê, nyë kö pö lə̂ küma angâ nyê lə̂ gbâtə̂ nyê, batə̂ rə̂ ndə̂ Krîsiti kô pö lə̂ küma nyê, nyënyê ndjë gbɛ̂, nyë mbö tâ käko-ë!

Jâke 2:18

Praâbalë ngâ akrə toadje rə̂ päkëdə̂: «Mo zâ su zə̈ sə̈ Krîsiti nə̂, mëmê ndjë gbɛ̂, më kä lakə̂ mbo kua nə̈». Mê toadje rə̂ ndə̂nə̈ päkëdə̂: «Amö nyisə̂ kə̂ za su zə̈ sə̈ Krîsiti ndə̂ âwâbô wâ la kua nə̈ lâme sə̈ mê, ânyë mëmê ndə̂ me nə̈, mê ânyisə̂ kua ndə̂ mê lə̂ köbosə̂ su mê ndə̂ më zâ rə̂ sə̈ Krîsiti lâme.»