Lûke 5:17 - Mbëtï Ndjapä: TÄFO MADƗ̈

¹⁷ Tə̂ngâlo, Jezü sə̂ lakə̂ nyisə̂ rə. Afarizïɛ̈n la a-earə̂ kə̂ nyisə̂ ndïɛ̈ sə̂ ndrotə̂ yê. Andjë tö lə̂ ayɛ̈yɛ̈ gö gbɛ̂ ndə̂ âwâ bhâ Galilë, la Judë, la gö ndə̂ Jerûzalêmo ânyë kə̈ nə̂. Gbôgbô ndə̂ Gbölö Gbïɛ̈ kä la tchë ânyë tche tchâ a-earə̂ tə̂kömbô.

Lûke 5:17 Iomraidhean Croise

Matiyə̈ 11:5

A-earə̂ föla wün tchô, azü ndə̂ da andjê ndɨ̂, andjë nə̂ la köbo nə̈, a-earə̂ broma tchâ-ê, a-earə̂ bïtü djê pö, azü ndə̂ andjë tchû jô-ê, ânyë a mû Tchôtchô Pö sə̈ a-earə̂ yûkü nə̂.

Matiyə̈ 15:1

Afarizïɛ̈n la a-earə̂ kə̂ nyisə̂ ndïɛ̈ tô bhâ Jerûzalêmo kə̈ nə̂ ndə̂kə̂ wun Jezü, andjë yû tchë päkëdə̂:

Mâreke 1:45

Praâbalë köchë lâme gîtə̂ yê kpro kâkë, kə̈ sə̂ lakə̂ on la pö nə̈, kə̈ tô pö ndə̂nə̈ sə̈ azü gbɛ̂. Ädə̈ käko ânyë Jezü kä wâbo ndə̂kə̂ li lə̂ angâ agö lə̂ la azü-a, praâbalë tche ê atə̂lə̂ kpaɛ̈gâ. Azü nə̂ pu tchë kulə̂ atchô gbɛ̂.

Mâreke 16:18

Andjê kʉadje aɛ̈krʉ̂ la könô andjê, âdə andjê ândjo ngâ rə ndə̂ yö kə̂ won tchô wâ lə̂nə̈, âmboabô ngâ ngbongbo rə tə̂ andjê balë tee-a. Andjê toadje könô andjê pâ a-earə̂ tə̂kömbô ânyë andjê tchadje.»

Mâreke 3:22

Angâ a-earə̂ kə̂ nyisə̂ ndïɛ̈ ndə̂ andjë tô bhâ Jerûzalêmo, andjë tô rə̂ päkëdə̂: «Bëlëzëbûlu kä lə̂ yê, bëte rə̂ kä ndə̂ tche gro angbongbo atchozö lâme la gbôgbô ndə̂ makündji ndə̂ andjê.»

Mâreke 5:30

Posə̂nə̈, Jezü wûnsə̂ nə̈ pä ngâ gbôgbô wûtu lə̂ anyê nə̂. Tche djêtə̂ yê lə̂ kpûlû azü nə̈ ânyë kə̈ yû andjê päkëdə̂: «Tchabâ kä ndə̂ âgrʉ̂ lə̂ba ndə̂ mê?»

Mâreke 7:1

Afarizïɛ̈n la angâ a-earə̂ kə̂ nyisə̂ ndïɛ̈ ndə̂ andjë tô bhâ Jerûzalêmo ânyë kə̈ nə̂, andjë pâlatə̂ andjê ndrotə̂ Jezü.

Lûke 15:2

Afarizïɛ̈n la a-earə̂ kə̂ nyisə̂ ndïɛ̈ sə̂ lakə̂ jende tchë lakə̂ tô rə̂ päkëdə̂: «Köchë âtə mbö la sə̂ a-earə̂ ngbongbo rə, ânyë kə̈ sə̂ lakə̂ zɨ rə la andjê!»

Lûke 2:46

Lə̂ vötaâ lö nə̈, andjë gbô tchë lə̂ gbölö nda Ndjapä, dëkë tche sə̂ nə̂ lə̂ gûtə̂ agbölö a-earə̂ kə̂ nyisə̂ ndïɛ̈. Tche kä lakə̂ dje andjê lakə̂ yu andjê la pö.

Lûke 5:21

A-earə̂ kə̂ nyisə̂ ndïɛ̈ la afarizïɛ̈n jêtə̂ kə̂ to rə̂ bhâtə̂ su andjê päkëdə̂: «Köchë âtə də̈ tchabâ ânyë kə̈ drô Ndjapä âtə? Tchabâ âwâ ndə̂kə̂ ko pö lə̂ küma azü? Kütû Ndjapä balë!»

Lûke 5:30

Afarizïɛ̈n la a-earə̂ kə̂ nyisə̂ ndïɛ̈ sə̂ lakə̂ to tchə̂lə̂ pö nə̈, andjë tö rə̂ sə̈ adjisîpili ndə̂ Jezü päkëdə̂: «Bëte giamâ kä ndə̂ nyê zɨ rə, lakə̂ ndjo rə la a-earə̂ kə̂ pala makətche-lapöo la a-earə̂ ngbongbo rə?»

Lûke 6:19

Azü gbɛ̂ pü köbo ndə̂kə̂ grʉ tchë, bëte ngâ gbôgbô wütu lə̂ yê, kə̈ tchâ andjê gbɛ̂.

Lûke 7:30

Praâbalë afarizïɛ̈n la a-earə̂ kə̂ nyisə̂ ndïɛ̈ kôsə̂ rə ndə̂ Ndjapä nyîndə̂ kə̂ mbo rə̂ tə̂ andjê, kə̈ kôsə̂ kə̂ gbo batɛ̂me ndə̂ Jâan.»

Lûke 8:46

Praâbalë Jezü tô rə̂ ndə̂nə̈ päkëdə̂: «Ngâ akrə grʉ̂ mê nə̂, bëte më wûnsə̂ nə̈ nə̂ pä ngâ gbôgbô wûtu lə̂ mê nə̂.»

Jâan 3:10

Jezü tô rə̂ sə̈ tchë päkëdə̂: «Mo də̈ earə̂ kə̂ nyisə̂ rə sə̈ azü ndə̂ Isarayële, mo wûn-âbo sə̂ arə lâme?

Jâan 3:21

Praâbalë akrə ndə̂ tche mbô rə lə̂ köbosə̂ lëge pö, tche nə̈ pu ngbänga, ânyë akua ndə̂ yê ndə̂ tche mbô rə̂ lâme, azü wun rə̂ kraâ, bëte äwä gundə̂sə̂ kə̂ dje ma Ndjapä.»

Abadjângele 19:11

Lə̂ köbosə̂ Pôlo, Ndjapä mbö akpɨ̈ngbɨ̈ rə ndə̂ ârôpâ küma azü.

Abadjângele 4:30

To könô zə̈ pâ ârâ ndə̂kə̂ pa ârâ tcha a-earə̂ tə̂kömbo, kə̂ mbo akpɨ̈ngbɨ̈ rə la arə ndə̂ âropâ küma azü la rə̈ Jezü, earə̂ kua ndə̂ zə̈ ndə̂ tche wâ ngbî bëte mö.»

Abadjângele 5:34

Praâbalë ngâ köchë âlafô lə̂ gûtə̂ a-earə̂ kə̂ wa ngbanga nə̈, tche də̈ farizïɛ̈n ndə̂ rə̈ yê wû pä Gamaliyɛ̈le. Tche də̈ earə̂ kə̂ nyisə̂ ndïɛ̈ ndə̂ azü kpê wa yê tə̂ gbölösə̂nə̈. Tche âlafô kə̈ yûkû nə̈ pä a wutu la abadjângele nə̈ ësûwu ânyë.