Lûke 5:10 - Mbëtï Ndjapä: TÄFO MADƗ̈

¹⁰ Araagü nə̈ ndə̂ andjë yî gbânda la andjê, Jâke la Jâan amodô ndə̂ Zebede wä ndjë gbɛ̂ la wawa. Jezü tô rə̂ sə̈ Chemön päkëdə̂: «Mboabô wa mbô-ê, ndə̂kə̂ to tə̂ tchô angêta, mo âwatə̂ earə̂ kə̂ pu azü.»

Lûke 5:10 Iomraidhean Croise

Matiyə̈ 13:47

«Gbölö gö-gbïɛ̈ ndə̂ tchêlafô wä ndjë batə̂ ngâ gbânda ndə̂ a yî rə̂ lə̂ gbölö ngû ânyë âkʉ̂ agiangû tə̂ manə̈ balë balë gbɛ̂.

Matiyə̈ 14:27

Kpro la tchêngbâ nə̈, Jezü tô rə̂ sə̈ andjê päkëdə̂: «Su nyê zɨ̈ tɨ-ë, mëmê kä! Wawa mböäbô nyê mbô-ê.»

Matiyə̈ 20:20

Käko anyï abechë ndə̂ Zebede nə̂ ndola Jezü la amodô ndə̂ yê. Tche gʉ̂te tchâtchâ Jezü ndə̂kə̂ yu tchë tə̂ ngâ rə.

Matiyə̈ 4:19

Jezü tô rə̂ sə̈ andjê päkëdə̂: «Nyë nə̈ ngbâ mê, mê mboadje rə̂ ânyë nyê watə̂ a-earə̂ kə̂ pu azü.»

Matiyə̈ 4:21

Jezü ê atə̂ tchâtchu nə̈, kə̈ wûn angâ ayîngâ bïchuû: Jâke modô ndə̂ Zebede la yîngâ yê Jâan. Andjë la bha andjê sə̈ lə̂ külû lakə̂ sɨ sə̂ gbânda ndə̂ andjê. Jezü ê andjê.

Mâreke 1:17

Jezü tô rə̂ sə̈ andjê päkëdə̂: «Nyë nə̈ ngbâ mê, mê mboadje rə̂ pä nyë watə̂ a-earə̂ kə̂ pu azü.»

Lûke 5:7

Andjë hrâ angâ andjê ndə̂ andjë sə̂ lə̂ ngâ külû nə̈ lâme pä andjë nə pu anyê. Andjë nə̂, kə̈ kʉ̂ agiangû zoo tchə̂lə̂ külû nə̈ bïchuû gbɛ̂ sɨ̂-î, kə̈ sə̂ lakə̂ mîndî mïndi.

Lûke 5:9

Tchâme, wawa mbô Chemön la azü gbɛ̂ ndə̂ andjë sə̂ ndrotə̂ yê, bëte agiangû ndə̂ andjë gbô andjê tə̂ gbölösə̂nə̈ lâme.

Lûke 6:14

Chemön, ndə̂ a ê ndjë rə̂ tə̂ yê pä Pîêre la yîngâ yê Anderë la Jâke la Jâan la Fïlîpe la Bartelemï la

Jâan 21:2

Chemôn-Pîêre, la Tomä ndə̂ a ê rə̂ tə̂ yê pä mîɛ̈, la Nätänäyêle, akrə gö ndə̂ Kanä bhâ Galilë, la abechë ndə̂ Zebede la angâ adjisîpili bïchuû ndə̂ Jezü, andjë sə̂ nyɛ̂ɛ̂ sə̂nə̈ balë.

Abadjângele 2:4

Kpɨ̂ki Yingö sɨ̂ andjê gbɛ̂, ânyë andjë jêtə̂ kə̂ to pö la angâ ama gö ngbî ngbî batə̂ rə̂ ndə̂ Yingö nə̈ zâ rə̂ sə̈ andjê ndə̂kə̂ to rə̂.

Bïchuû Körɛ̂nte 8:23

Tîte də̈ agü mê la ngâ mê ndə̂ ârâ mbo kua la tchë bëte nyê. Âdə andə̂ arə̂mâ lâme, andjë də̈ azü ndə̂ a-Egilîze wân andjê. Andjë mbö kua bëte voga ndə̂ Krîsiti.

Bïchuû Timotë 2:26

Käko küma andjê ka lanə̈, ânyë andjë wutu lə̂ gbânda ndə̂ Jâbolo ndə̂ âkʉ̂ andjê la ngbâa lâme, ânyë andjë mbô rə ndə̂ su yê nyîndə̂ nə̈ lâme.