Lûke 5:1 - Mbëtï Ndjapä: TÄFO MADƗ̈

¹ Tə̂ngâlo, Jezü krʉ̂ tə̂ maga gbölö kpakpa ngû ndə̂ Jënëzärête. Akpûlû azü nə̂ kə̈ tâkpa ndrotə̂ yê lakə̂ gbrogbrotə̂ andjê ndə̂kə̂ dje pö Ndjapä.

Lûke 5:1 Iomraidhean Croise

Matiyə̈ 11:12

Ätö tə̂ losə̂ Jâan-Batîse, a nyïsə̂ Tchôtchô Pö ndə̂ Gbölö gö-gbïɛ̈ ndə̂ tchêlafô sə̈ azü, ânyë azü kä lakə̂ mbo gbôgbô gbɛ̂ ndə̂kə̂ li atə̂lə̂ nə̈.

Matiyə̈ 14:34

Pânə̈ andjë zû dəkalâ gbölö kpakpa ngû nə̈ kə̈ wûtu bhâlə̂ agö ndə̂ Jënëzärête.

Mâreke 3:9

Käko Jezü tô rə̂ sə̈ adjisîpili ndə̂ yê ndə̂kə̂ pa andjë nyikrə ngâ külû bëte tchë, ânyë azü nə̈ frofroabô tchë frôfro-ê.

Mâreke 4:1

Jezü kä sə̂ lakə̂ nyisə̂ rə tə̂ maga gbölö kpakpa ngû ndə̂ Galilë. Gbölö kpûlû azü pâlatə̂ andjê ndrotə̂ yê, käko tche â, kə̈ sə̂ lə̂ külû ndə̂ âwâ la ngû, kpûlû azü nə̈ sə̂ andə̂ andjë nə̈ ëbêche tchâtchu gbölö kpakpa ngû ndə̂ Galilë.

Mâreke 5:24

Jezü la Jäyïrûse, andjë gû gutə̂. Ngâ gbölö kpûlû azü zâ tchêngbâ Jezü ânyë kə̈ sə̂ lakə̂ frofro tchë katchôgbɛ̂.

Mâreke 6:53

Pânə̈ ndə̂ andjë zû dəkalâ gbölö ngû nə̈, andjë wûtu lə̂ agö ndə̂ Jënëzärête.

Lûke 12:1

Lo nə̈ lâme, angbängbä azü pâlatə̂ andjê sâke sâke, ânyë âmbô rə̂ pä andjë sə̂ lakə̂ dɨkpu tə̂ andjê lə̂ gbâtə̂ andjê. Jezü tô rə̂ sə̈ adjisîpili ndə̂ yê dokʉ̈tchê päkëdə̂: «Äwäpä la nyê gbo tə̂ djëvö ndə̂ afarizïɛ̈n, ndə̂ ânyîndə̂ kə̈ to rə̂ pä azü ndə̂ pö ma andjê wâ ngbî tə̂kə̂ mbo rə̂ ndə̂ andjê.

Lûke 5:2

Tche wûn külû bïchuû tə̂ maga ngû nə̈. A-earə̂ kə̂ pu agiangû nə̈ jrê lə̂nə̈, kə̈ sə̂ lakə̂ djutu gbânda ndə̂ andjê.

Lûke 8:22

Tə̂ngâlo, Jezü la adjisîpili ndə̂ yê â lə̂ ngâ külû. Tche tô rə̂ sə̈ andjê päkëdə̂: «Azə̈ zûzü atə̂ kalâ gbölö kpakpa ngû», andjë rô etə̂.

Lûke 8:23

Ndə̂ andjë âsə̈ ro la ngû nə̈, Jezü tê gbô kə̈ lô-ê. Posə̂nə̈ ngâ gbölö yi sə̂ lakə̂ mbo la gbölö ngû nə̈. Külû nə̈ sə̂ lakə̂ sɨ̂sɨ̈ la ngû ndə̂ âtu atə̂lə̂ nə̈, ânyë andjë wâ lə̂ ngbongbo rə ndə̂ kuzü.

Lûke 8:33

Käko angbongbo atchozö nə̈ wûtu lə̂ köchë lâme kə̈ lî lə̂ akoso nə̈. Akoso nə̈ tô la rö bhâlə̂ küma aga lâme, kə̈ tû gbɛ̂ atə̂lə̂ gbölö kpakpa ngû, ngû nə̈ rô la andjê.

Lûke 8:45

Jezü yûkû nə̈ päkëdə̂: «Tchabâ kä âkə̈ grʉ̂ mê?» Azü gbɛ̂ tô rə̂ päkëdə̂, âdə̂âbo anyê kä me-a. Pîêre tô rə̂ päkëdə̂: «Earə̂ kə̂ nyisə̂ rə, angbängbä azü kä ndə̂ âtâkpa ndə̂ zə̈ ânyë kə̂ frofro mö katchôgbɛ̂ âtə!»

Jâan 1:40

Ngânə̈ balë lə̂ gûtə̂ aköchë bïchuû ndə̂ andjë djê pö ndə̂ Jâan ânyë kə̈ zâ tchêngbâ Jezü, rə̈ yê wü pä Anderë yîngâ Chemôn-Pîêre.

Jâan 6:1

La tchêngbâ nə̈ Jezü zû dəkalâ gbölö kpakpa ngû ndə̂ Galilë ndə̂ ngâ rə̈ nə̈ wû pä Tïbërïyâde.

Aheborö 13:7

Äwäpä sə̂ adokʉ̈ azü tə̂ aküma Egilîze ndə̂ andjë nyîsə̂ pö Ndjapä sə̈ nyê te lə̂ nyê. Nyë rɨ̈ su nyê tə̂ köbo ndə̂ andjë sə̂ la rə̂ ânyë kə̈ tchû, nyë mbö rə batə̂ andjê, tə̂ pö ndə̂ su andjê ndə̂ andjë zâ rə̂ sə̈ Ndjapä.