Lûke 4:7 - Mbëtï Ndjapä: TÄFO MADƗ̈

⁷ Âdə mo âgʉte tchâtchâ mê, mê kʉadje arə lâme gbɛ̂ sə̈ mö.»

Lûke 4:7 Iomraidhean Croise

Matiyə̈ 2:11

Andjë lî bhâ tchâalê nə̈, kə̈ gbô bechë nə̈ la anyï nə̈ Malê. Andjë gʉ̂te lakə̂ voga bechë nə̈. La tchêngbâ nə̈ andjë jî ma kədjâ ndə̂ andjê kə̈ wûtu la atchôtchô arə batə̂ lôlo la dukâni la yömbö ndə̂ rə̈ nə̈ wû pä mîre, kə̈ kʉ̂ rə̂ sə̈ bechë nə̈.

Lûke 17:16

Tche tê tchâtchâ Jezü, kə̈ chî küma yê tə̂ cho lakə̂ za ayîabâ sə̈ tchë. Köchë lâme wätə̂ akrə gö ndə̂ Samarï.

Lûke 4:6

kə̈ tô rə̂ sə̈ tchë päkëdə̂: «Më âza gbôgbô sə̈ mö ndə̂kə̂ sə pâ agö ndə̂ tchêbêche âtə gbɛ̂ la arə ndə̂ âwâ pânə̈. A kʉ̂ arə lâme nə̂ gbɛ̂ sə̈ mê, më kä la gbôgbô ndə̂kə̂ kʉ rə̂ sə̈ akrə batə̂ su mê nyîndə̂ nə̈.

Lûke 4:8

Jezü tô rə̂ ndə̂nə̈ sə̈ tchë päkëdə̂: «Mbëtï Ndjapä tö rə̂ päkëdə̂: ‹Äwäpä mo voga Ndjapä Gbölö Gbïɛ̈ ndə̂ zə̈, kə̂ mbo kütû rə̂ la tchë.›»

Lûke 8:28

Ndə̂ tche wûn Jezü, tche sə̂ lakə̂ ta wârə̂, kə̈ tê tchâtchâ Jezü, kə̈ tô rə̂ ngbôô päkëdə̂: «Jezü, Modô ndə̂ Ndjapä ndə̂ mo sə̂ pâ arə gbɛ̂, giamâ kä ndə̂ mo wûn rə̂ tə̂ mê? Më zä da zə̈, amö djingɨliabô tchə̂lə̂ küma mê djîngɨli-î!»

Apökälîbïchi 22:8

Mëmê Jâan, më djê rə̂ ânyë kə̈ wûn arə lâme. Pânə̈ ndə̂ më djê rə̂ ânyë kə̈ wûn rə̂, më gʉ̂te ndə̂kə̂ voga ânje ndə̂ tche nyîsə̂ arə lâme sə̈ mê.

Apökälîbïchi 4:10

Akpôkpô azü tə̂ akrə gbɛ̂ tchêpâ nə̈ voanə̈ lâme sə̂ lakə̂ gʉte tchâtchâ tchanə̈ ndə̂ tche sə̂ lə̂ ngendë-gbïɛ̈ nə̈, andjë vöga tchanə̈ ndə̂ tche wâ la tʉ̈rʉ̂ la yê pïï etə̂. Andjë yï akurône ndə̂ andjê tchâtchâ ngendë-gbïɛ̈ nə̈ lakə̂ to rə̂ päkëdə̂:

Apökälîbïchi 5:8

Ndə̂ tche âsə̈ gbo mbëtï nə̈, arə voanə̈ ndə̂ âwâ la tʉ̈rʉ̂ la lâme la akpôkpô azü tə̂ akrə gbɛ̂ tchêpâ nə̈ voanə̈ lâme gʉ̂te tchâtchâ Ngbavö Ɛ̈bro-ngbaga nə̈. Akrə balë balë kä la kundi tchânə̂ yê la akangûchi ndə̂ a mbô rə̂ la lôlo ndə̂ kâdâ-yömbö sɨ̂sɨ̈ lə̂nə̈. Kâdâ-yömbö nə̈ də̈ kə̂ to pö sə̈ Ndjapä ndə̂ azü ndə̂ andjë wâ ngbî bëte Ndjapä.