Lûke 4:40 - Mbëtï Ndjapä: TÄFO MADƗ̈

⁴⁰ La zɨtɨ tchêndə̂gölo nə̈, azü gbɛ̂ ndə̂ andjë wâ la a-earə̂ tə̂kömbô ngbî ngbî bhândə̂ andjê, andjë nə̂ la a-earə̂ tə̂kömbô nə̈ sə̈ Jezü. Tche tô könô yê pâ andjê balë balë gbɛ̂, kə̈ tchâ andjê.

Lûke 4:40 Iomraidhean Croise

Matiyə̈ 11:5

A-earə̂ föla wün tchô, azü ndə̂ da andjê ndɨ̂, andjë nə̂ la köbo nə̈, a-earə̂ broma tchâ-ê, a-earə̂ bïtü djê pö, azü ndə̂ andjë tchû jô-ê, ânyë a mû Tchôtchô Pö sə̈ a-earə̂ yûkü nə̂.

Matiyə̈ 14:13

Ndə̂ Jezü djê pö lâme, tche âlafô la kütû yê kə̈ â lə̂ külû ndə̂kə̂ e bhâsə̂ ngâ tchô ndə̂ âwâtə̂ kpaɛ̈gâ. Kpûlû azü âsə̈ dje rə̂ pä tche rô nə̂ etə̂, andjë wûtu lə̂ agö ngbî ngbî ânyë kə̈ zâ tchêngbâ yê la da andjê.

Mâreke 3:10

Bëte, tə̂ pö ndə̂nə̈ ndə̂ tche tchâ a-earə̂ tə̂kömbô tə̂ gbölösə̂nə̈, käko a-earə̂ tə̂kömbô gbɛ̂ sə̂ lakə̂ gbrogbrotə̂ andjê ndə̂kə̂ grʉ tchë.

Mâreke 5:23

kə̈ dɨ̂ tchə̂lə̂ ma yê sə̈ tchë tə̂ gbölösə̂nə̈, kə̈ tô rə̂ päkëdə̂: «Ɛ̈wünrə ndə̂ mê ndô tə̂kə̂ tchu nə̂, amö nə kə̈ tô könô zə̈ pâ yê, tche tcha ânyë kə̂ sə la tʉ̈rʉ̂ la yê.»

Mâreke 6:5

Jezü wâbo ndə̂kə̂ mbo ngâ kpɨ̈ngbɨ̈ rə tchâme-a. Praâbalë tche tö kütû könô yê pâ angâ a-earə̂ tə̂kömbô ânyë andjë tchâ.

Abadjângele 19:12

Âmbô rə̂ pä azü kʉ̂ alə̂ba âdəndjë andöma lə̂ba ndə̂ andjë grʉ̂ kʉ̂tê Pôlo la rə̂, kə̈ kâ la rə̂ kə̈ mbô rə̂ tə̂ a-earə̂ tə̂kömbô, tə̂kömbô ndə̂ andjê kâ-ê, ndjë angbongbo atchozö wûtu lə̂ andjê-ê.

Abadjângele 5:15

Azü wütu la a-earə̂ tə̂kömbô ndroma köbo, a kʉ̈ andjê ëpâ kʉ̈ngrʉ âdəndjë pâ gbogbo ndə̂kə̂ pa Pîêre âsə̈ ro, tchâkrʉzrö yê ro pâ angânə̈ lə̂ gbâtə̂ andjê.