Lûke 4:34 - Mbëtï Ndjapä: TÄFO MADƗ̈

³⁴ «Êe! Giamâ mo nyîndə̂ nə̈ tə̂ ârâ, Jezü akrə gö ndə̂ Näzärête, mo nə̈ ndə̂kə̂ won ârâ wön? Më wûnsə̂ zə̈ nə̂ gbɛ̂: Mo wä ngbî kə̈ dâka gbɛ̂, ndə̂ Ndjapä wân mö!»

Lûke 4:34 Iomraidhean Croise

Matiyə̈ 8:29

Andjë tâ wârə̂ kə̈ tô rə̂ päkëdə̂: «Modô ndə̂ Ndjapä! Giamâ mo wûn rə̂ tə̂ ârâ? Mo nə̈ ndə̂kə̂ djingɨli tchə̂lə̂ küma ârâ dokʉ̈tchê ndə̂kə̂ pa lö nə̈ wutu?»

Mâreke 1:24

«Giamâ mo nyîndə̂ nə̈ tə̂ ârâ, Jezü akrə gö ndə̂ Näzärête, mo nə̈ ndə̂kə̂ won ârâ wön? Më wûnsə̂ zə̈ nə̂ gbɛ̂: Mo wä ngbî kə̈ dâka gbɛ̂, ndə̂ Ndjapä wân mö.»

Mâreke 1:34

Jezü tchâ a-earə̂ tə̂kömbô ngbî ngbî lâme tə̂ gbölösə̂nə̈, kə̈ grô ndjë angbängbä angbongbo atchozö. Tche gbôâbo tə̂ angbongbo atchozö nə̈ pä andjë po-a, bëte andjë wûnsə̂ yê nə̂.

Mâreke 5:7

kə̈ tâ wârə̂ päkëdə̂: «Jezü, Modô ndə̂ Ndjapä ndə̂ mo sə̂ pâ arə gbɛ̂, giamâ kä ndə̂ mo wûn rə̂ tə̂ mê? Më yükû nə̈ sə̈ mö la rə̈ Ndjapä, amö djingɨliabô tchə̂lə̂ küma mê djîngɨli-î!»

Lûke 1:35

Ânje nə̈ tô rə̂ sə̈ tchë päkëdə̂: «Kpɨ̂ki Yingö âjreadje pâ zə̈, gbôgbô ndə̂ Ndjapä bhâ lafô vroadje pâ zə̈ batə̂ tchâkrʉzrö ngâ rə. Bëte rə̂ kä ndə̂ bechë ndə̂ mô zɨadje tchë lâme, a â-eadje rə̂ tə̂ yê pä tchanə̈ ndə̂ tche wâ ngbî ânyë kə̈ dâka gbɛ̂, Modô ndə̂ Ndjapä.

Lûke 4:33

Lə̂ nda kə̂ voga Ndjapä nə̈, ngâ köchë kädje la ngbongbo tchozö lə̂ yê. Tche sə̂ lakə̂ ta wârə̂ päkëdə̂:

Lûke 4:41

Angbongbo atchozö wûtu lə̂ angâ azü nə̈ tə̂ gbölösə̂nə̈ lakə̂ on ngbôô päkëdə̂: «Mo də̈ Modô ndə̂ Ndjapä!» Jezü hrô la andjê, kə̈ kîtə̂ köbo tə̂ andjê ndə̂kə̂ po-ê, bëte andjë wûnsə̂ nə̈ nə̂ pä tche də̈ Krîsiti.

Lûke 8:28

Ndə̂ tche wûn Jezü, tche sə̂ lakə̂ ta wârə̂, kə̈ tê tchâtchâ Jezü, kə̈ tô rə̂ ngbôô päkëdə̂: «Jezü, Modô ndə̂ Ndjapä ndə̂ mo sə̂ pâ arə gbɛ̂, giamâ kä ndə̂ mo wûn rə̂ tə̂ mê? Më zä da zə̈, amö djingɨliabô tchə̂lə̂ küma mê djîngɨli-î!»

Lûke 8:37

Käko azü gbɛ̂ ndə̂ andjë sə̂ lə̂ agö lâme tô rə̂ sə̈ Jezü pä tche wutu lə̂ gö ndə̂ anyê, bëte wawa mbö andjê tə̂ gbölösə̂nə̈. Jezü â lə̂ külû ndə̂kə̂ dotə̂ yê.

Abadjângele 16:39

Andjë nə̂ kə̈ zâ da Pôlo la Sïlâse, kə̈ jî andjê ësûwu, kə̈ yûkû nə̈ sə̈ andjê ndə̂kə̂ wutu lə̂ gö nə̈.

Abadjângele 2:27

Bëte mô gboabô tə̂ mê bhâsə̂ tchô ndə̂ akuzü tee-a, mô gboabô tə̂ akrə ndə̂ zə̈ ndə̂ tche dâka gbɛ̂, ndə̂kə̂ pa tche fo lə̂ cho akuzü tee-a.

Abadjângele 3:14

Nyë kösə̂ akrə ndə̂ tche wâ ngbî bëte Ndjapä, kə̈ wätə̂ djîrə̂ akrə, ânyë kə̈ yûkû nə̈ sə̈ Pïlâte ndə̂kə̂ pa tche ji ngâ earə̂ kə̂ won azü.

Abadjângele 4:27

«Tə̂ lëge nə̈, Hërôde la Pônse Pïlâte, andjê la azü pâ cho la azü ndə̂ Isarayële pälatə̂ andjê lə̂ gbölö gö âtə. Andjë nyïkrə pö tə̂ Jezü, earə̂ kua ndə̂ zə̈ ndə̂ tche wâ ngbî bëte mö, tchanə̈ ndə̂ mo dɨ̂ tchë ndə̂kə̂ watə̂ Mesï.

Aheborö 2:14

Bëte rə̂ ndə̂ abechë nə̈ lâme wâ la tə̂ akrə la jï akrə balë, Jezü la tə̂ yê dötə̂ yê kə̈ wâ ndjë batə̂ andjê, ânyë kə̈ zâ tə̂ akrə. Käko lə̂ köbosə̂ kuzü ndə̂ yê, tche ndɨ̂ gbôgbô ndə̂ Jâbolo ndə̂ tche wâ la rə̂ alême pâ kuzü,

Jâke 2:19

Mo gâmba rə̂ nə̂ pä Ndjapä wä balë? Sə̂nə̈ kä. Angbongbo atchozö gämba ndjë rə̂ pä tche wä balë, ânyë kə̈ sə̂ lakə̂ gugu la wawa.

Dokʉ̈ Jâan 3:8

Akrə ndə̂ tche mbô ngbongbo rə, dëkë tche wätə̂ tchandə̂ Jâbolo. Bëte Jâbolo jëtə̂ kə̂ mbo ngbongbo rə gasa alême lə̂ kêsâ nə̈. Ndə̂ Modô ndə̂ Ndjapä nə̂ lâme, tche nə̈ ndə̂kə̂ ndɨ tchə̂lə̂ kua ndə̂ Jâbolo.

Apökälîbïchi 20:2

Tche zâ gia ndə̂ tche wâ batə̂ mbölëngä lâme, ndə̂ tche wâtə̂ bəndɨ ɛ̈krʉ̂, ndə̂ tche də̂ Jâbolo âdəndjë Satäa, kə̈ î tchë la djingîli nə̈ ngbâ ngû sâke balë.

Apökälîbïchi 3:7

«Amö mbo mbëtï âtə kə̈ wân rə̂ sə̈ ânje ndə̂ Egilîze ndə̂ Filadelefï kə̂ to rə̂ lə̂nə̈ päkëdə̂: «Tchanə̈ ndə̂ tche wâ ngbî ânyë kə̈ dâka gbɛ̂, ndə̂ tche to kütû lëge pö, tchanə̈ ndə̂ tche wâ la kûlïɛ̈ ndə̂ Davîdi tchânə̂ yê, tchetchë lâme ndə̂ âdə tche âkro manda, ngâ akrə balë ndə̂ tche tchu rə̂ sə̂âbo-a, âdə tche âtchu manda, ngâ akrə balë ndə̂ tche kro rə̂ sə̂âbo-a, tche tö rə̂ kâkë: