Lûke 4:32 - Mbëtï Ndjapä: TÄFO MADƗ̈

³² Tchə̂lə̂ küma azü nə̈ gbɛ̂ djîngɨli lə̂ köbosə̂ kə̂ nyisə̂ rə ndə̂ yê, bëte tche tö pö la gbôgbô ndə̂ Ndjapä.

Lûke 4:32 Iomraidhean Croise

Mâreke 1:22

Tchə̂lə̂ küma azü nə̈ gbɛ̂ djîngɨli lə̂ köbosə̂ kə̂ nyisə̂ rə ndə̂ yê, bëte tche nyîâbo sə̂ rə batə̂ a-earə̂ kə̂ nyisə̂ ndïɛ̈-a, tche nyïsə̂ rə la gbôgbô.

Lûke 2:47

Azü gbɛ̂ ndə̂ andjë djê tchë, tchə̂lə̂ küma andjê djîngɨli tə̂kə̂ wunsə̂ rə ndə̂ yê, lakə̂ to tchêngbâ pö ndə̂ tche to rə̂ sə̈ andjê.

Lûke 4:33

Lə̂ nda kə̂ voga Ndjapä nə̈, ngâ köchë kädje la ngbongbo tchozö lə̂ yê. Tche sə̂ lakə̂ ta wârə̂ päkëdə̂:

Lûke 4:36

Tchə̂lə̂ küma azü gbɛ̂ djîngɨli, andjë sə̂ lakə̂ yutə̂ andjê päkëdə̂: «Pö âtə nyïndə̂ kə̂ to rə̂ atöko? Köchë âtə tö pö la gbôgbô sə̈ angbongbo atchozö andjë wûtu nyê-o!»

Jâan 6:63

Yingö kä ndə̂ âmbo rə̂ pä akrə wa la tchîsûwu. Mbë akrə wâbo ndə̂kə̂ mbo ngâ rə-a. Apö ndə̂ më tô rə̂ sə̈ nyê lâme wätə̂ apö ndə̂ Yingö la apö ndə̂ âza tchîsûwu.

Jâan 7:46

Andjë tô rə̂ ndə̂nə̈ sə̈ andjê päkëdə̂: «Ngâ akrə balë tôâbo pö batə̂ köchë lâme-a.»

Bïchuû Körɛ̂nte 4:2

Ârâ kôsə̂ arə tchâkabû la arə ganô ndə̂ azü mbo rə̂ lə̂ küwû nə̈ nə̂. Ârâ mbôâbo rə ndə̂kə̂ bolo azü-a, kə̈ ndrɨ̂ndrɨabô tchə̂lə̂ pö Ndjapä-a. Praâbalë ârâ mü lëge pö sə̈ azü, käko kä ndə̂, lə̂ la Ndjapä kə̂ rɨ tchə̂lə̂ su azü nə̈ gbɛ̂ wa pâ ârâ.

Dokʉ̈ Tësälönîke 1:5

Bëte Tchôtchô Pö ndə̂ ârâ mû rə̂ sə̈ nyê, âdə̂âbo kütû mbämbä pö lə̂ ma-a, praâbalë ârâ mü rə̂ la gbôgbô ndjë lakə̂ za könô ndə̂ Kpɨ̂ki Yingö. Ârâ wünsə̂ nə̈ bhâtə̂ su ârâ pä pö ndə̂ ârâ mû rə̂ lâme wätə̂ lëge nə̈. Nyë wûnsə̂ köbo ndə̂kə̂ sə ndə̂ ârâ lə̂ gbâtə̂ nyê nə̂, ârâ mbö tâ käko ndə̂kə̂ za könô sə̈ nyê.

Tîte 2:15

Käko kä ndə̂ mo wâ ndə̂kə̂ to pö, kə̂ za wängö sə̈ azü, kə̂ gbɨtɨ tü azü la gbôgbô. Âwâbo pä ngâ akrə balë talusə̂ zə̈-a.