Lûke 4:23 - Mbëtï Ndjapä: TÄFO MADƗ̈

²³ Jezü tô rə̂ sə̈ andjê päkëdə̂: «Nyê toadje ndoka âtə sə̈ mê tə̂ lëge nə̈ päkëdə̂: ‹Dokotöro, amö tcha tə̂ zə̈ la tə̂ zə̈.› Nyë âto ndjë rə̂ me sə̈ mê päkëdə̂: ‹Ârâ djê pö ndə̂ arə gbɛ̂ ndə̂ mo mbô rə̂ bhâ Käpërënäyûmo lâme nə̂, äwäpä mo mbo ndjë arə nə̈ lâme tchâtə lə̂ gö ndə̂ zə̈.›»

Lûke 4:23 Iomraidhean Croise

Matiyə̈ 13:54

Tche ê atə̂ Näzärête, gö ndə̂ tche kʉ̂che lə̂nə̈, kə̈ sə̂ lakə̂ nyisə̂ rə sə̈ azü lə̂ anda kə̂ voga Ndjapä ndə̂ andjê. Tchə̂lə̂ küma azü nə̈ gbɛ̂ djîngɨli, ânyë andjë sə̂ lakə̂ yutə̂ andjê päkëdə̂: «Küma yê ndə̂ âwâ lanə̈ âtə tö bhâ tchêbâ? Tchabâ âzâ gbôgbô ndə̂kə̂ mbo akpɨ̈ngbɨ̈ rə âtə sə̈ tchë?

Matiyə̈ 4:13

Tche gbô lə̂ gö ndə̂ Näzärête kə̈ sə̂ bhâlə̂ gö ndə̂ Käpërënäyûmo, ndə̂ âwâ ndroma gbölö ngû ndə̂ Galilë bhâlə̂ gö ndə̂ Zabulön la andə̂ Nefetalï.

Matiyə̈ 4:23

Jezü nə̈ kulə̂ agö ndə̂ Galilë gbɛ̂. Tche nyïsə̂ rə sə̈ azü lə̂ anda kə̂ voga Ndjapä ndə̂ ajuîfu lə̂ gö nə̈. Tche mü Tchôtchô Pö ndə̂ Gbölö gö-gbïɛ̈ ndə̂ tchêlafô. Tche tchä a-earə̂ tə̂kömbô la azü ndə̂ ngâ tchâme-tə̂ andjê ndɨ̂.

Mâreke 6:1

Jezü gbô tchâme kə̈ ê atə̂lə̂ gö ndə̂ tche kʉ̂che lə̂nə̈. Adjisîpili ndə̂ yê zâ tchêngbâ yê.

Lûke 2:39

Ndə̂ bha Jezü la anyï nə̂ mbô rə gbɛ̂ ndə̂ ndïɛ̈ ndə̂ Ndjapä yûkû nə̂, andjë dôtə̂ andjê atə̂ Näzärête ndə̂ âdə̂ ngâ gö ndə̂ Galilë, gö ndə̂ andjê.

Lûke 2:51

Pânə̈ Jezü dôtə̂ yê la andjê atə̂ Näzärête. Tche djê ma bha nə̈ la anyï nə̈. Rə gbɛ̂ ndə̂ âwûtu lâme, anyï nə̈ bâta rə̂ tə̂ su yê.

Lûke 4:16

Jezü ê atə̂ Näzärête, gö ndə̂ tche kʉ̂che lə̂nə̈. Lə̂ lö sabäa tche lî lə̂ nda kə̂ voga Ndjapä batə̂ rə̂ ndə̂ tche mbo tchê rə̂ logbɛ̂. Tche âlafô ndə̂kə̂ dɨ Mbëtï Ndjapä.

Lûke 4:31

Jezü ê atə̂ Käpërënäyûmo, gö ndə̂ âwâ lə̂ Galilë, kə̈ sə̂ lakə̂ nyisə̂ rə sə̈ azü logbɛ̂ lə̂ lö sabäa.

Lûke 4:35

Jezü hrô la tchë la gbôgbô, kə̈ tô rə̂ sə̈ tchë päkëdə̂: «Ngbo ma zə̈ tâ! Kə̈ wûtu lə̂ köchë âtə-ê!» Ngbongbo tchozö nə̈ yî köchë lâme kpukulukpu ëbêche lə̂ la azü gbɛ̂, kə̈ wûtu lə̂ yê, kə̈ mbôâbo ngâ ngbongbo rə tə̂ yê balë-a.

Lûke 6:42

Atöko kä ndə̂ mo tô rə̂ sə̈ ngâ zə̈ päkëdə̂: ‹Ngâ mê, sə gii më tchôâkra bë ndə̂ âwâ lə̂ la zə̈ âtə›, ânyë momö ndə̂ zə nə̈, mo wûn-âbô gbölö yö ndə̂ âwâ lə̂ andə̂ zə nə̈ wûn-î? Momö ndə̂ pö ma zə̈ wâ ngbî tə̂kə̂ mbo rə ndə̂ zə̈ âtə, äwäpä mo tchoakra gbölö yö lə̂ la zə̈ dokʉ̈tchê, kə̂ wun tchô ngrôô, ânyë kə̂ tchoakra bë lə̂ la ngâ zə̈.»

Jâan 4:28

Ɛ̈chë nə̈ lâme gbôtə̂ lüsû-ngû ndə̂ yê tchâme kə̈ kâ atə̂lə̂ gbölö gö nə̈, kə̈ tô rə̂ sə̈ azü päkëdə̂:

Bïchuû Körɛ̂nte 5:16

Bëte rə̂ kä angaâtə, ârâ kä wâbo ndə̂kə̂ ka wun ngâ akrə lə̂ la ârâ batə̂ kə̂ wun tchô ndə̂ akrə-a. Âdə rə̂ ndə̂ ârâ wûn Krîsiti alêe batə̂ kə̂ wun tchô ndə̂ akrə, angaâtə ârâ kä wun bata tchë käko tee-a.