Lûke 4:22 - Mbëtï Ndjapä: TÄFO MADƗ̈

²² Azü gbɛ̂ tö pö ndə̂ Jezü, tchə̂lə̂ küma andjê gbɛ̂ djîngɨli bëte atchôtchô pö ndə̂ âwûtu lə̂ ma yê. Andjë sə̂ lakə̂ yutə̂ andjê päkëdə̂: «Modô ndə̂ Jozêfu də̂âbo tchë âtə?»

Lûke 4:22 Iomraidhean Croise

Lûke 2:47

Azü gbɛ̂ ndə̂ andjë djê tchë, tchə̂lə̂ küma andjê djîngɨli tə̂kə̂ wunsə̂ rə ndə̂ yê, lakə̂ to tchêngbâ pö ndə̂ tche to rə̂ sə̈ andjê.

Lûke 2:48

Ndə̂ bha Jezü la anyï nə̈ âsə̈ wun tchë, tchə̂lə̂ küma andjê djîngɨli, anyï nə̈ tô rə̂ sə̈ tchë päkëdə̂: «Modô ndə̂ mê, bëte giamâ mo mbô tə̂ ârâ kâkë? Bha zə̈ la mëmê, su ârâ wä ngbɨ̂ɨ̂ ngbâ zə̈ lakə̂ pu mö.»

Lûke 21:15

Bëte mëmê la tə̂ mê, mê zadje pö sə̈ nyê ndə̂kə̂ to rə̂, kə̂ mbo rə̂ pä küma nyê wa lanə̈. Apö lâme, azü ndə̂ andjë kôsə̂ nyê wâbo ndə̂kə̂ to ndjë ngâ pö ngbî ndə̂nə̈, âdəndjë ndə̂kə̂ kosə̂ nə̈-a.

Lûke 4:21

Käko Jezü jêtə̂ kə̂ to rə̂ sə̈ andjê päkëdə̂: «Pö lə̂ mbëtï âtə wâ nə̂ tə̂ lëge nə̈ angêta âtə ndə̂ nyë sə̂ lakə̂ dje rə̂ âtə.»

Jâan 1:45

Pânə̈ Fïlîpe gbô Nätänäyêle kə̈ tô rə̂ sə̈ tchë päkëdə̂: «Akrə ndə̂ Möyîze tô pö ndə̂ yê lə̂ Mbëtï-ndïɛ̈ alême, ânyë a-earə̂ ndə̂ma Ndjapä tô ndjë pö ndə̂ yê lâme, azə̈ gbô tchë nə̂. Rə̈ yê wü pä Jezü. Tche də̈ modô ndə̂ Jozêfu, akrə gö ndə̂ Näzärête.»

Jâan 6:42

Andjë sə̂ lakə̂ to rə̂ päkëdə̂: «Âdə̂âbo Jezü modô ndə̂ Jozêfu, ndə̂ ârâ wûnsə̂ bha nə̈ la anyï nə̈ lâme kä âtə? Tchïtchïnə̈ atöko kä ndə̂ tche tô rə̂ angêta päkëdə̂: Anyë tö bhâ lafô ânyë kə̈ jrê?»

Jâan 7:46

Andjë tô rə̂ ndə̂nə̈ sə̈ andjê päkëdə̂: «Ngâ akrə balë tôâbo pö batə̂ köchë lâme-a.»

Abadjângele 6:10

Praâbalë andjë kʉ̂âbo sə̂kə̂ krʉ tchâtchu yê-a, bëte Kpɨ̂ki Yingö mbö rə̂ ânyë küma yê wâ lanə̈ lə̂ köbosə̂ kə̂ to pö ndə̂ yê.

Tîte 2:8

Äwäpä mo to pö ndə̂ âdâka, ndə̂ akrə gboabô köbo gbô ndə̂kə̂ zu tchə̂lə̂ nə̈-ê, käko ânyë, a-earə̂ kə̂ kosə̂ azə̂ toabô ngâ ngbongbo pö tô tə̂ azə̂-ê, tchâme andjê wa la ganô.