Lûke 4:18 - Mbëtï Ndjapä: TÄFO MADƗ̈

¹⁸ «Yingö ndə̂ Gbölö Gbïɛ̈ kä pâ mê, tche sü kâdâ lə̂ küma mê ndə̂kə̂ nə la Tchôtchô Pö sə̈ a-earə̂ yûkü. Tche wän mê ndə̂kə̂ to rə̂ sə̈ a-earə̂ kânga pä a jî andjê nə̂, ndə̂kə̂ za kə̂ wun tchô sə̈ a-earə̂ föla. Tche wän mê ndə̂kə̂ ji azü ndə̂ a yuku andjê,

Lûke 4:18 Iomraidhean Croise

Matiyə̈ 11:5

A-earə̂ föla wün tchô, azü ndə̂ da andjê ndɨ̂, andjë nə̂ la köbo nə̈, a-earə̂ broma tchâ-ê, a-earə̂ bïtü djê pö, azü ndə̂ andjë tchû jô-ê, ânyë a mû Tchôtchô Pö sə̈ a-earə̂ yûkü nə̂.

Matiyə̈ 12:18

«Nyë wünsa earə̂ kua ndə̂ mê, ndə̂ më dɨ̂ tchë, tchanə̈ ndə̂ më nyîndə̂ yê tə̂ gbölösə̂nə̈, ndə̂ su mê fû la tchë gbɛ̂. Mê gboadje tə̂ Yingö ndə̂ mê pâ yê, ndə̂kə̂ pa tche nyisə̂ djîrə̂ kə̂ wa ngbanga sə̈ azü gö ndə̂ andjë wâbô wâtə̂ ajuîfu.

Matiyə̈ 12:20

Tchê koakoabô ndjë tchə̂lə̂ wärə̈ ndə̂ âmômö tee-a, tchê wrʉabô ndjë lâmba ndə̂ gbô ngʉ̂wo nə̈ sə̂ lakə̂ da tee-a, zoo ndə̂kə̂ pa tche mbo rə̂ pä djîrə̂ kə̂ wa ngbanga ro masə̂nə̈.

Matiyə̈ 4:16

Azü ndə̂ andjë sə̂ lə̂ bübü tchô, andjê wun-adje gbölö ngbänga! Andə̂ andjanə̈ ndə̂ andjë sə̂ lə̂ bübü tchô lə̂ gö ndə̂ akuzü, ngbänga âwutuadje tə̂ andjê.»

Matiyə̈ 5:3

«Nyë wä la mômô, nyënyê ndə̂ nyë wûnsə̂ nə̈ pä rə ndə̂ Yingö wâbo lə̂ su nyê-a, bëte Gbölö gö-gbïɛ̈ ndə̂ tchêlafô wätə̂ andə̂ nye nə̈!

Lûke 4:17

A zâ mbëtï ndə̂ Ezayï earə̂ ndə̂ma Ndjapä sə̈ tchë. Tche vrô tchêla mbëtï nə̈, kə̈ gbô sə̂nə̈ ndə̂ âtô rə̂ päkëdə̂:

Lûke 6:20

Käko Jezü kênga la yê, kə̈ wûn adjisîpili ndə̂ yê kə̈ tô rə̂ päkëdə̂: «Nyë kä la mômô, nyënyê ndə̂ nyë wâtə̂ a-earə̂ yûkü, bëte nyë wätə̂ azü ndə̂ Gbölö gö-gbïɛ̈ ndə̂ Ndjapä!

Lûke 7:22

Pânə̈ Jezü tô rə̂ sə̈ azü ndə̂ Jâan wân andjê lâme päkëdə̂: «Nyë kâkä kə̂ to tchêngbâ apö ndə̂ rə ndə̂ nyë wûn rə̂, la rə ndə̂ nyë djê rə̂ sə̈ Jâan. A-earə̂ föla wün tchô, azü ndə̂ da andjê ndɨ̂, andjë nə̂ la köbo nə̈, a-earə̂ broma tchâ-ê, a-earə̂ bïtü djê pö, azü ndə̂ andjë tchû jô-ê, a mû Tchôtchô Pö sə̈ a-earə̂ yûkü nə̂.

Jâan 1:41

Dokʉ̈ akrə ndə̂ Anderë gbô tchë də̈ Chemôn-Pîêre ndə̂ tche də̂ yîngâ yê la tə̂ yê. Anderë tô rə̂ sə̈ Chemôn-Pîêre päkëdə̂: «Azə̈ gbô Mesï nə̂.» Mesï nə̈ nyïndə̂ kə̂ to rə̂ pä «Krîsiti».

Jâan 12:46

Më wätə̂ ngbänga, më nə̈ atə̂ bêche ndə̂kə̂ pa akrə ndə̂ tche zâ su yê sə̈ mê, səabô sə̂ lə̂ bübü tchô-ê.

Jâan 3:34

Akrə ndə̂ Ndjapä wân tchë, tche tö kütû apö ndə̂ Ndjapä, bëte Ndjapä zä Yingö ndə̂ yê gbɛ̂ sə̈ tchë.

Abadjângele 10:38

Nyë wûnsə̂ köbo ndə̂ Ndjapä zâ gbôgbô lə̂ köbosə̂ Kpɨ̂ki Yingö pâ Jezü akrə gö ndə̂ Näzärête nə̂. Jezü nə̈ lə̂ agö katchôgbɛ̂ lakə̂ mbo tchôtchô rə. Tche jï azü gbɛ̂ ndə̂ andjë sə̂ tchâtchâ gbôgbô ndə̂ Jâbolo, bëte Ndjapä kä la tchë.

Abadjângele 26:18

Më wän mö ndə̂kə̂ vro la andjê, ndə̂kə̂ kʉ andjê lə̂ bübü tchô, kə̂ wutu la andjê lə̂ ngbänga. Mo âji andjê tchâtchâ gbôgbô ndə̂ Satäa ndə̂kə̂ e la andjê sə̈ Ndjapä. Âdə andjê âza su andjê gbɛ̂ sə̈ mê, a koadje pö lə̂ küma andjê ânyë andjë gbo tchô lə̂ gûtə̂ azü ndə̂ andjë wâ ngbî bëte Ndjapä.›»

Abadjângele 4:26

Agbïɛ̈ pâ cho älafô ndə̂kə̂ mbo kʉ̈ʉ̈, amakündji ndə̂ agö djëtə̂ andjê ndə̂kə̂ kosə̂ Gbölö Gbïɛ̈ la Krîsiti ndə̂ yê.›

Abadjângele 4:27

«Tə̂ lëge nə̈, Hërôde la Pônse Pïlâte, andjê la azü pâ cho la azü ndə̂ Isarayële pälatə̂ andjê lə̂ gbölö gö âtə. Andjë nyïkrə pö tə̂ Jezü, earə̂ kua ndə̂ zə̈ ndə̂ tche wâ ngbî bëte mö, tchanə̈ ndə̂ mo dɨ̂ tchë ndə̂kə̂ watə̂ Mesï.

Kölôse 1:13

Ndjapä jï azə̂ tchâtchâ gbôgbô ndə̂ makündji ndə̂ tchə̂lə̂ bütchî kə̈ kʉ̂ azə̂ bhâlə̂ Gbölö gö-gbïɛ̈ ndə̂ Modô ndə̂ yê ndə̂ tche nyîndə̂ yê tə̂ gbölösə̂nə̈.

Jâke 2:5

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë djë pö âtə: Ndjapä də̂âbo tchë ndə̂ tche dɨ̂ azü ndə̂ andjë wâtə̂ a-earə̂ yûkü lə̂ la azü tchêbêche âtə, ndə̂kə̂ mbo andjê tə̂ a-earə̂ rə lə̂ köbosə̂ kə̂ za su andjê sə̈ Ndjapä, ânyë andjë watə̂ azü ndə̂ Gbölö gö-gbïɛ̈ ndə̂ Ndjapä, ndə̂ tche zâ bâlâ ndə̂nə̈ sə̈ azü ndə̂ andjë nyîndə̂ yê lâme?

Dokʉ̈ Pîêre 2:9

Praâbalë nyënyê ndə̂ nye nə̈, nyë wätə̂ azü gö ndə̂ Ndjapä dɨ̂ nyê, ndə̂ nyë wätə̂ a-earə̂ kə̂ wa ngela sə̈ Ndjapä, ndə̂ andjë wâtə̂ andjandə̂ gbïɛ̈, azü gö ndə̂ andjë wâ ngbî ânyë kə̈ dâka gbɛ̂, azü gö ndə̂ andjë wâtə̂ azü ndə̂ Ndjapä. Tche dɨ̈ nyê ndə̂kə̂ pa nyë wutu lə̂ bübü tchô kə̂ sə lə̂ tchôtchô ngbänga yê, ânyë kə̂ mu pö ndə̂ atchôtchô arə ndə̂ tche mbô rə̂.