Lûke 4:1 - Mbëtï Ndjapä: TÄFO MADƗ̈

¹ Jezü sɨ̂sɨ̈ la Kpɨ̂ki Yingö, tche tô bhâtə̂ ngû ndə̂ Jurudɛ̈n kə̈ kângbâ yê, ânyë Kpɨ̂ki Yingö tôngo tchë kə̈ ê la tchë atə̂lə̂ kpaɛ̈gâ.

Lûke 4:1 Iomraidhean Croise

Matiyə̈ 3:16

Pânə̈ ndə̂ Jezü gbô batɛ̂me, tche wûtu lə̂ ngû nə̈. Tə̂ lo nə̈ lâme, manda tchêlafô krô-ê. Tche wûn Yingö ndə̂ Ndjapä ndə̂ âjrê batə̂ grôgrô puli ânyë kə̈ sə̂ ëpâ yê.

Lûke 2:27

Kpɨ̂ki Yingö tôngo tchë atə̂lə̂ gbölö nda Ndjapä. Ndə̂ bha Jezü la anyï nə̈ ê la tchë ndə̂kə̂ pa a mbo rə ndə̂ ndïɛ̈ yûkû nə̈ tə̂ yê,

Lûke 3:3

Jâan ê kulə̂ agö ndə̂ âwâ ndola ngû ndə̂ Jurudɛ̈n. Tche ë lakə̂ mu pö sə̈ azü päkëdə̂: «Nyë gbötə̂ bəndɨ kə̂ mbo rə ndə̂ nyê, kə̂ gbo batɛ̂me, Ndjapä ko pö lə̂ küma nyê!»

Lûke 3:38

Kenän wâtə̂ modô ndə̂ Ënôse, Ënôse wätə̂ modô ndə̂ Sête, Sête wâtə̂ modô ndə̂ Adâme, Adâme wâtə̂ modô ndə̂ Ndjapä.

Lûke 4:14

Jezü dôtə̂ yê atə̂ Galilë, tche sɨ̂sɨ̈ la gbôgbô ndə̂ Kpɨ̂ki Yingö. A sə̂ lakə̂ to pö ndə̂ yê lə̂ agö nə̈ gbɛ̂.

Lûke 4:18

«Yingö ndə̂ Gbölö Gbïɛ̈ kä pâ mê, tche sü kâdâ lə̂ küma mê ndə̂kə̂ nə la Tchôtchô Pö sə̈ a-earə̂ yûkü. Tche wän mê ndə̂kə̂ to rə̂ sə̈ a-earə̂ kânga pä a jî andjê nə̂, ndə̂kə̂ za kə̂ wun tchô sə̈ a-earə̂ föla. Tche wän mê ndə̂kə̂ ji azü ndə̂ a yuku andjê,

Jâan 1:32

Jâan tö pö ndə̂ rə ndə̂ tche wûn rə̂ päkëdə̂: «Më wün Yingö ndə̂ âtô bhâ lafô batə̂ grôgrô puli, kə̈ jrê, kə̈ sə̂ pâ Jezü.

Jâan 3:34

Akrə ndə̂ Ndjapä wân tchë, tche tö kütû apö ndə̂ Ndjapä, bëte Ndjapä zä Yingö ndə̂ yê gbɛ̂ sə̈ tchë.

Abadjângele 1:2

ndjoa ësə̂nə̈ ndə̂ a kênga la tchë atə̂ lafô. Dokʉ̈tchê ndə̂kə̂ pa tche kenga atə̂ lafô, lə̂ köbosə̂ gbôgbô ndə̂ Kpɨ̂ki Yingö, tche zä bâlâ alême tə̂ abadjângele ndə̂ yê ndə̂ tche dɨ̂ andjê bëte kua ndə̂ yê.

Abadjângele 10:38

Nyë wûnsə̂ köbo ndə̂ Ndjapä zâ gbôgbô lə̂ köbosə̂ Kpɨ̂ki Yingö pâ Jezü akrə gö ndə̂ Näzärête nə̂. Jezü nə̈ lə̂ agö katchôgbɛ̂ lakə̂ mbo tchôtchô rə. Tche jï azü gbɛ̂ ndə̂ andjë sə̂ tchâtchâ gbôgbô ndə̂ Jâbolo, bëte Ndjapä kä la tchë.

Abadjângele 8:39

Ndə̂ andjë wûtu lə̂ ngû nə̈, köchë ndə̂ a wôn tchâtchâ yê nə̈ kâ wûn bata Fïlîpe-a, bëte Yingö ndə̂ Gbölö Gbïɛ̈ tôngo tchë, kə̈ rô la tchë nə̂. Praâbalë gbô tchë ndə̂po lə̂ köbo wrʉ̂ ndə̂ yê nə̈ la mômô tə̂ su yê.