Lûke 3:8 - Mbëtï Ndjapä: TÄFO MADƗ̈

⁸ Nyë mbö rə ndə̂ ânyîsə̂ nə̈ pä nyë gbôtə̂ bəndɨ kə̂ mbo rə ndə̂ nyê nə̂. Nyë jëäbô jêtə̂ kə̂ to rə̂ bhâtə̂ su nyê päkëdə̂: ‹Abrahâmo də̈ bha ârâ!› Bëte më tö rə̂ sə̈ nyê päkëdə̂, atäme ndə̂ nyê wun rə̂ âtə, Ndjapä kä la gbôgbô ndə̂kə̂ mbo rə̂ pä ädotə̂ yê tə̂ abechë ndə̂ Abrahâmo.

Lûke 3:8 Iomraidhean Croise

Matiyə̈ 21:43

«Bëte rə̂ kä ndə̂ më tô rə̂ sə̈ nyê päkëdə̂: A âjiadje Gbölö gö-gbïɛ̈ ndə̂ Ndjapä tchânə̂ nyê, kə̂ zadje rə̂ sə̈ azü ndə̂ andjë mboadje rə gundə̂sə̂ nə̈. [

Matiyə̈ 3:8

Nyë mbö rə ndə̂ ânyîsə̂ pä nyë gbôtə̂ bəndɨ kə̂ mbo rə ndə̂ nyê nə̂.

Matiyə̈ 3:9

Nyë töäbô rə̂ tô päkëdə̂: ‹Abrahâmo də̈ bha ârâ!› Bëte më tö rə̂ sə̈ nyê päkëdə̂, atäme ndə̂ nyê wun rə̂ âtə, Ndjapä kä la gbôgbô ndə̂kə̂ mbo rə̂ pä ädotə̂ yê tə̂ abechë ndə̂ Abrahâmo.

Lûke 13:25

«Âdə earə̂ nda nə̈ âalafô ânyë kə̈ tchû manda nə̈ nə̂, nyë âsə me bhâ sûwu, kə̂ sə lakə̂ gʉgʉ manda nə̈, kə̂ to rə̂ päkëdə̂: ‹Gbölö Gbïɛ̈, amö kro manda tə̂ ârâ!› Tche âto rə̂ ndə̂nə̈ me sə̈ nyê päkëdə̂: ‹Më wûn-âbo sə̂ tchô ndə̂ nyë tô tâ-a!›

Lûke 13:26

Käko nyë âto rə̂ me sə̈ tchë päkëdə̂: ‹Azə̈ zɨ̈ rə, kə̈ ndjô rə la mö, mo nyîsə̂ rə alême pâ köbo gö ndə̂ ârâ.›

Lûke 14:9

Akrə ndə̂ tche ê nyê lâme, tche nə kə̂ to rə̂ sə̈ mö päkëdə̂: ‹Amö alafô, kə̂ gbotə̂ tchô nə̈ sə̈ akrə ndə̂ sə̂ yê lû lâme.› Mo âalafô me la ganô kə̂ e ndə̂kə̂ sə dəngbânə̈.

Lûke 19:40

Jezü tô rə̂ ndə̂nə̈ sə̈ andjê päkëdə̂: «Më tö rə̂ sə̈ nyê, âdə andjê ângbo ma andjê ëtâ, atäme âon-adje ngbôô!»

Lûke 19:9

Jezü tô rə̂ sə̈ tchë päkëdə̂: «Angêta, kə̂ tcha tchô ndə̂ Ndjapä lî lə̂ nda âtə nə̂, bëte momö ndjë gbɛ̂ mo wätə̂ ngâ akrə pâ mawo ndə̂ Abrahâmo.

Lûke 5:21

A-earə̂ kə̂ nyisə̂ ndïɛ̈ la afarizïɛ̈n jêtə̂ kə̂ to rə̂ bhâtə̂ su andjê päkëdə̂: «Köchë âtə də̈ tchabâ ânyë kə̈ drô Ndjapä âtə? Tchabâ âwâ ndə̂kə̂ ko pö lə̂ küma azü? Kütû Ndjapä balë!»

Jâan 8:33

Andjë tô rə̂ sə̈ tchë päkëdə̂: «Ârâ də̈ azü pâ mawo ndə̂ Abrahâmo, ârâ mbôâbo ngbâa tchâtchâ ngâ akrə lo balë-a. Atöko kä ndə̂ mo tô rə̂ sə̈ ârâ pä ârâ wutuadje tchâtchâ ngbâa?»

Jâan 8:39

Andjë tô rə̂ sə̈ tchë päkëdə̂: «Bha ârâ də̈ Abrahâmo.» Jezü tô rə̂ sə̈ andjê päkëdə̂: «Âdə nyê âwa alême tə̂ abechë ndə̂ Abrahâmo, dëkë nyë âmbo akua ndə̂ Abrahâmo mbô rə̂.

Abadjângele 26:20

Praâbalë më jëtə̂ kə̂ mu pö dokʉ̈tchê sə̈ azü ndə̂ Dämâse, ndjë la azü ndə̂ Jerûzalêmo. Pânə̈ më mû pö nə̈ sə̈ azü ndə̂ Judë gbɛ̂, ndjë la azü ndə̂ angâ agö ngbî. Më yükû nə̈ sə̈ andjê ndə̂kə̂ gbotə̂ bəndɨ kə̂ mbo rə ndə̂ andjê, kə̂ ka pu Ndjapä, lakə̂ mbo rə ndə̂ ânyîsə̂ nə̈ pä andjë gbôtə̂ bəndɨ köbo andjê nə̂.

Rômo 4:16

Bëte Ndjapä zä bâlâ alême ndə̂kə̂ kʉ rə sə̈ azü kütû lə̂ köbosə̂ kə̂ za su andjê sə̈ tchë. Tche kʉ̈ arə nə̈ sə̈ azü pâ mawo ndə̂ Abrahâmo kütû ämbämbänə̈. Käko bâlâ ndə̂ Ndjapä nə̈ lâme wä bëte azü gbɛ̂ pâ mawo ndə̂ Abrahâmo. Âwâbo kütû bëte andjanə̈ ndə̂ andjë zâ su andjê pâ ndïɛ̈-a, praâbalë äwä ndjë bëte azü gbɛ̂ ndə̂ andjë zâ su andjê sə̈ Ndjapä batə̂ rə̂ ndə̂ tche zâ su yê sə̈ Ndjapä. Abrahâmo nə̈ wätə̂ bha azü gbɛ̂.

Rômo 9:7

Azü gbɛ̂ ndə̂ andjë wâ pâ mawo ndə̂ Abrahâmo, âdə̂âbo andjê gbɛ̂ kä ndə̂ âwâtə̂ abechë ndə̂ yê-a. Praâbalë Ndjapä tö rə̂ sə̈ Abrahâmo päkëdə̂: «Lə̂ köbosə̂ Izâke kä ndə̂ mo gbo azü pâ mawo ndə̂ zə̈ ndə̂ më zâ bâlâ ndə̂kə̂ kʉ andjê sə̈ mö.»

Fïlîpe 1:11

Nyê wadje tə̂ azü ndə̂ adjîrə̂ arə sɨ̂sɨ̈ lə̂ andjê, ndə̂ ânə̂ lə̂ köbosə̂ Jezü Krîsiti. Käko kä ndə̂ a voga Ndjapä lakə̂ lusə̂ yê.