Lûke 3:7 - Mbëtï Ndjapä: TÄFO MADƗ̈

⁷ Angbängbä kpûlû azü nə̂ pu Jâan ndə̂kə̂ gbo batɛ̂me. Tche tô rə̂ sə̈ andjê päkëdə̂: «Nyënyê ndə̂ nyë wâtə̂ akângê âtə! Tchabâ kä ndə̂ ânyîsə̂ nə̈ sə̈ nyê päkëdə̂ nyë kpe wa mêrâ ndə̂ Ndjapä ndə̂ ânə lâme?

Lûke 3:7 Iomraidhean Croise

Matiyə̈ 12:34

Nyënyê ndə̂ akângê âtə! Nyë âto atchôtchô pö me atöko ndə̂ nyë wâtə̂ angbongbo azü âtə? Bëte rə ndə̂ ârôpâ nə̈ bhâlə̂ su ngâ akrə kä ndə̂ âwutu lə̂ ma yê.

Matiyə̈ 23:33

Aɛ̈krʉ̂, nyënyê ndə̂ akângê âtə! Nyë âmbo atöko ndə̂kə̂ kpe tə̂ ngbanga ndə̂ a dɨ̂ rə̂ bëte nyê lə̂ wo ndə̂ âju pïï etə̂ âtə?

Matiyə̈ 3:6

Andjë tösə̂ angbongbo rə ndə̂ andjê ësûwu, ânyë Jâan zâ batɛ̂me sə̈ andjê lə̂ ngû ndə̂ Jurudɛ̈n.

Jâan 8:44

Bha nyê də̈ Jâbolo, nyë nyïndə̂ kə̂ mbo arə gundə̂sə̂ arə ndə̂ su bha nyê nyîndə̂ nə̈. Tche də̈ earə̂ kə̂ won azü alême lə̂ kêsâ nə̈. Tche krʉ̂âbo balë lə̂ lëge pö-a, bëte lëge pö wâbo lə̂ yê-a. Âdə tche âmo yepa, tche tö pö la känyï ndə̂ yê la tə̂ yê, bëte tche də̈ earə̂ yepa, kə̈ wâ ndjë tə̂ bha yepa.

Abadjângele 13:10

kə̈ tô rə̂ sə̈ tchë päkëdə̂: «Momö, ndə̂ kə̂ bolo azü la yepa sɨ̂sɨ̈ lə̂ zə̈ âtə, modô ndə̂ Jâbolo, mo kïtə̂ köbo tə̂ djîrə̂ rə. Dalatchêbâ kä ndə̂ mo gbotə̂ kə̂ ndɨ tchə̂lə̂ köbo Gbölö Gbïɛ̈ ndə̂ âwâ gbêwôn lâme?

Dokʉ̈ Tësälönîke 1:10

Nyë krʉ̈ ndə̂kə̂ pa Modô ndə̂ yê to bhâ lafô kə̂ ka, Jezü ndə̂ Ndjapä jô tchë lə̂ kuzü, tchetchë kä ndə̂ âji azə̂ tchâtchâ mêrâ ndə̂ Ndjapä ndə̂ ânə.

Aheborö 6:18

Käko kə̂ za bâlâ lakə̂ deba, arə bïchuû lâme tchə̂lə̂ nə̈ wâbo ndə̂kə̂ zu-a, ânyë lə̂ köbosə̂ nə̈ Ndjapä môâbo ndjë yepa-a. Käko azə̂ ndə̂ azə̈ gbôtə̂ arə gbɛ̂ ndə̂kə̂ krʉ bëte arə ndə̂ Ndjapä nyïkrə rə̂ ânyë su azə̂ wâ pânə̈, azə̈ gbö gbôgbô tə̂ su azə̂ tə̂ gbölösə̂nə̈ lə̂ köbosə̂ nə̈.

Dokʉ̈ Jâan 3:8

Akrə ndə̂ tche mbô ngbongbo rə, dëkë tche wätə̂ tchandə̂ Jâbolo. Bëte Jâbolo jëtə̂ kə̂ mbo ngbongbo rə gasa alême lə̂ kêsâ nə̈. Ndə̂ Modô ndə̂ Ndjapä nə̂ lâme, tche nə̈ ndə̂kə̂ ndɨ tchə̂lə̂ kua ndə̂ Jâbolo.