Lûke 3:3 - Mbëtï Ndjapä: TÄFO MADƗ̈

³ Jâan ê kulə̂ agö ndə̂ âwâ ndola ngû ndə̂ Jurudɛ̈n. Tche ë lakə̂ mu pö sə̈ azü päkëdə̂: «Nyë gbötə̂ bəndɨ kə̂ mbo rə ndə̂ nyê, kə̂ gbo batɛ̂me, Ndjapä ko pö lə̂ küma nyê!»

Lûke 3:3 Iomraidhean Croise

Matiyə̈ 3:11

Më zä kütû batɛ̂me ndə̂ ngû sə̈ nyê ndə̂kə̂ nyisə̂ nə̈ päkëdə̂ nyë gbôtə̂ abəndɨ kə̂ mbo rə ndə̂ nyê nə̂. Ngâ akrə ndə̂ tche wâ la gbôgbô kə̈ rô mê ânəadje la tchêngbâ mê. Më ndôâbo la sə̂ yê ndə̂kə̂ zu dakpo tə̂ da yê-a. Tchê zadje batɛ̂me ndə̂ Kpɨ̂ki Yingö la andə̂ wo sə̈ nyê.

Lûke 1:16

Tchê kadje la angbängbä azü ndə̂ Isarayële pu Gbölö Gbïɛ̈ ndə̂ tche wâtə̂ Ndjapä ndə̂ andjê.

Lûke 1:77

ndə̂kə̂ nyisə̂ köbo sə̈ azü gö ndə̂ yê, ânyë a ko pö lə̂ küma andjê, ânyë andjë tcha lə̂ kuzü.

Lûke 4:1

Jezü sɨ̂sɨ̈ la Kpɨ̂ki Yingö, tche tô bhâtə̂ ngû ndə̂ Jurudɛ̈n kə̈ kângbâ yê, ânyë Kpɨ̂ki Yingö tôngo tchë kə̈ ê la tchë atə̂lə̂ kpaɛ̈gâ.

Jâan 1:28

Arə lâme gbɛ̂ mbö bhâ Betanï, ndə̂ âwâ dəkalâ ngû ndə̂ Jurudɛ̈n, sə̂nə̈ ndə̂ Jâan zâ batɛ̂me ndə̂ ngû sə̈ azü tâ.

Jâan 3:26

Andjë kâ kə̈ gbô Jâan, kə̈ tô rə̂ sə̈ tchë päkëdə̂: «Earə̂ kə̂ nyisə̂ rə, köchë ndə̂ nyë sə̂ la tchë dəkalâ ngû ndə̂ Jurudɛ̈n ndə̂ mo tô pö ndə̂ yê alême, tche kä ndjë lakə̂ za batɛ̂me ndə̂ ngû sə̈ azü, angbängbä azü kä lakə̂ e pu tchë.»

Abadjângele 13:24

Dokʉ̈tchê ndə̂kə̂ pa Jezü nə, Jâan-Batîse mü pö sə̈ azü ndə̂ Isarayële päkëdə̂: ‹Äwäpä andjë gbotə̂ bəndɨ kə̂ mbo rə ndə̂ andjê ânyë kə̂ gbo batɛ̂me.›

Abadjângele 19:4

Pôlo tô rə̂ sə̈ andjê päkëdə̂: «Azü ndə̂ andjë gbô batɛ̂me ndə̂ Jâan də̈ azü ndə̂ andjë nyîndə̂ kə̂ gbotə̂ bəndɨ kə̂ mbo rə ndə̂ andjê, praâbalë tche tö rə̂ sə̈ azü ndə̂kə̂ pa andjë za su andjê sə̈ ngâ akrə ndə̂ tchê nəadje pânə̈ ngbâ anyê, ndə̂ ânyîndə̂ kə̂ to rə̂ pä Jezü.»

Abadjângele 22:16

Giamâ kä ndə̂ mo kâ krʉ̂ bëte rə̂? Alafô kə̈ gbô batɛ̂me, ânyë a ko pö lə̂ küma zə̈, lə̂ köbosə̂ nə̈ ndə̂ mo ê rə̈ Jezü.›»