Lûke 3:22 - Mbëtï Ndjapä: TÄFO MADƗ̈

²² Kpɨ̂ki Yingö jrê pâ yê batə̂ grôgrô puli. A djê tchə̂lə̂ ngâ gɨ̈ bhâ lafô päkëdə̂: «Mo də̈ Modô ndə̂ mê ndə̂ më nyîndə̂ zə̈ tə̂ gbölösə̂nə̈, su mê fü la mö gbɛ̂.»

Lûke 3:22 Iomraidhean Croise

Matiyə̈ 12:18

«Nyë wünsa earə̂ kua ndə̂ mê, ndə̂ më dɨ̂ tchë, tchanə̈ ndə̂ më nyîndə̂ yê tə̂ gbölösə̂nə̈, ndə̂ su mê fû la tchë gbɛ̂. Mê gboadje tə̂ Yingö ndə̂ mê pâ yê, ndə̂kə̂ pa tche nyisə̂ djîrə̂ kə̂ wa ngbanga sə̈ azü gö ndə̂ andjë wâbô wâtə̂ ajuîfu.

Matiyə̈ 17:5

Ndə̂ gbô tchë ndə̂po lakə̂ to pö nə̈, ngâ ndrö ndə̂ âsə̂ lakə̂ tchôtchö, tô bhâ lafô kə̈ jrê ëpâ andjê. A djê tchə̂lə̂ ngâ gɨ̈ lə̂ ndrö nə̈ päkëdə̂: «Tchanə̈ âtə də̈ Modô ndə̂ mê ndə̂ më nyîndə̂ yê tə̂ gbölösə̂nə̈, su mê fü la tchë gbɛ̂, nyë djë tchë.»

Matiyə̈ 27:43

Tche zä su yê gbɛ̂ sə̈ Ndjapä kə̈ tô rə̂ päkëdə̂: ‹Më də̈ Modô ndə̂ Ndjapä.› Âdə Ndjapä nə̈ ânyində̂ yê, tche tchä sa tchë angangaâtə!»

Matiyə̈ 3:13

Käko Jezü tô bhâlə̂ gö ndə̂ Galilë, kə̈ wûtu ëtə̂ Jâan-Batîse tə̂ maga ngû ndə̂ Jurudɛ̈n, ndə̂kə̂ pa tche za batɛ̂me sə̈ Jezü.

Matiyə̈ 3:16

Pânə̈ ndə̂ Jezü gbô batɛ̂me, tche wûtu lə̂ ngû nə̈. Tə̂ lo nə̈ lâme, manda tchêlafô krô-ê. Tche wûn Yingö ndə̂ Ndjapä ndə̂ âjrê batə̂ grôgrô puli ânyë kə̈ sə̂ ëpâ yê.

Matiyə̈ 3:17

A djê tchə̂lə̂ gɨ̈ ngâ akrə bhâ lafô päkëdə̂: «Tchanə̈ âtə də̈ Modô ndə̂ mê ndə̂ më nyîndə̂ yê tə̂ gbölösə̂nə̈, su mê fü la tchë gbɛ̂.»

Mâreke 1:11

A djê tchə̂lə̂ ngâ gɨ̈ bhâ lafô päkëdə̂: «Mo də̈ Modô ndə̂ mê ndə̂ më nyîndə̂ zə̈ tə̂ gbölösə̂nə̈, su mê fü la mö gbɛ̂.»

Mâreke 1:9

Käko Jezü tô bhâ Näzärête ngâ gö ndə̂ Galilë, ânyë Jâan zâ batɛ̂me sə̈ tchë lə̂ ngû ndə̂ Jurudɛ̈n.

Mâreke 9:7

Ngâ ndrö jrê kə̈ vrô pâ andjê gbɛ̂, andjë djê tchə̂lə̂ ngâ gɨ̈ lə̂ ndrö nə̈ päkëdə̂: «Tchanə̈ âtə də̈ Modô ndə̂ mê ndə̂ më nyîndə̂ yê tə̂ gbölösə̂nə̈, nyë djë tchë.»

Lûke 2:14

«Azə̈ vöga Ndjapä ndə̂ tche sə̂ bhâ lafô, zɨtɨ su wä bêche âtə bëte azü ndə̂ tche nyîndə̂ andjê!»

Lûke 4:21

Käko Jezü jêtə̂ kə̂ to rə̂ sə̈ andjê päkëdə̂: «Pö lə̂ mbëtï âtə wâ nə̂ tə̂ lëge nə̈ angêta âtə ndə̂ nyë sə̂ lakə̂ dje rə̂ âtə.»

Jâan 1:32

Jâan tö pö ndə̂ rə ndə̂ tche wûn rə̂ päkëdə̂: «Më wün Yingö ndə̂ âtô bhâ lafô batə̂ grôgrô puli, kə̈ jrê, kə̈ sə̂ pâ Jezü.

Jâan 12:28

Bha mê, amö lusə̂ rə̈ zə̈.» A djê tchə̂lə̂ ngâ gɨ̈ bhâ lafô päkëdə̂: «Më lûsə̂ rə̈ zə̈ nə̂, mê âkä lusə̂ nə̈ tə̂ täfo nə̈.»

Jâan 5:37

Bha ndə̂ tche wân mê lâme tö pö pâ mê la tə̂ yê. Nyë djêâbo tchə̂lə̂ gɨ̈ yê-a, kə̈ wûn-âbo ndjë tchâtchu yê lo balë-a.

Abadjângele 10:38

Nyë wûnsə̂ köbo ndə̂ Ndjapä zâ gbôgbô lə̂ köbosə̂ Kpɨ̂ki Yingö pâ Jezü akrə gö ndə̂ Näzärête nə̂. Jezü nə̈ lə̂ agö katchôgbɛ̂ lakə̂ mbo tchôtchô rə. Tche jï azü gbɛ̂ ndə̂ andjë sə̂ tchâtchâ gbôgbô ndə̂ Jâbolo, bëte Ndjapä kä la tchë.

Kölôse 1:13

Ndjapä jï azə̂ tchâtchâ gbôgbô ndə̂ makündji ndə̂ tchə̂lə̂ bütchî kə̈ kʉ̂ azə̂ bhâlə̂ Gbölö gö-gbïɛ̈ ndə̂ Modô ndə̂ yê ndə̂ tche nyîndə̂ yê tə̂ gbölösə̂nə̈.

Dokʉ̈ Pîêre 2:4

Nyë gïtə̂ nyê pu Gbölö Gbïɛ̈, tchetchë ndə̂ tche wâtə̂ täme ndə̂ âwâ la tchîsûwu; ndə̂ azü kôsə̂ nə̈, praâbalë Ndjapä zâ rə̂ lə̂ adɨ̂ nə̈ kə̈ wûn rə̂ pä ädäka gbɛ̂ lə̂ la yê.