Lûke 3:13 - Mbëtï Ndjapä: TÄFO MADƗ̈

¹³ Jâan tô rə̂ sə̈ andjê päkëdə̂: «Nyë yüäbô kû rə yû âropâ anə̈ ndə̂ ndïɛ̈ nyîsə̂ nə̈-ê.»

Lûke 3:13 Iomraidhean Croise

Matiyə̈ 7:12

«Rə gbɛ̂ ndə̂ nyë nyîndə̂ nə̈ pä azü mbo rə̂ tə̂ nyê, nyë mbö ndjë rə̂ la tə̂ nyê tə̂ andjê. Rə lâme kä ndə̂ ndïɛ̈ ndə̂ Möyîze la a-Mbëtï ndə̂ a-earə̂ ndə̂ma Ndjapä yûkû nə̈.»

Lûke 19:8

Praâbalë Zachë krʉ̂ lafô tchâtchu Gbölö Gbïɛ̈ kə̈ tô rə̂ sə̈ tchë päkëdə̂: «Amö djë mê Gbölö Gbïɛ̈, më âkʉ ngâ tchâkalâ arə ndə̂ mê gbɛ̂ sə̈ a-earə̂ yûkü. Âdə më âbolo ngâ akrə ânyë kə̈ kʉ̂ makətche ndə̂ yê, më âgi rə̂ ëngbânə̈ sə̈ tchë sûsunə̈ voanə̈.»

Lûke 3:12

Azü ndə̂ andjë pala makətche-lapöo nə̂ ndjë ndə̂kə̂ gbo batɛ̂me, andjë yû Jâan päkëdə̂: «Earə̂ kə̂ nyisə̂ rə, giamâ kä ndə̂ ârâ wâ ndə̂kə̂ mbo rə̂?»

Lûke 3:14

Aturûgu yû ndjë tchë päkëdə̂: «Ânyë andə̂ ârâ nə̈? Giamâ kä ndə̂ ârâ wâ ndə̂kə̂ mbo rə̂?» Tche tô rə̂ sə̈ andjê päkëdə̂: «Nyë zäbô makətche ndə̂ akrə zâ la gbôgbô-ê, kə̂ yiabô pö yî lə̂ küma akrə ndə̂kə̂ kʉ makətche ndə̂ yê-ê, äwäpä nyë za su nyê kütû tə̂ makətche-kua ndə̂ nyê.»

Dokʉ̈ Körɛ̂nte 6:10

a-earə̂ ngbä, azü ndə̂ andjë wâ la gbölö gʉ ndə̂kə̂ gbo arə gbɛ̂, azü ndə̂ andjë wâtə̂ angbâa ndə̂ pî, azü ndə̂ andjë to angbongbo pö tə̂ angâ andjê, azü ndə̂ andjë kʉ rə tə̂ angâ andjê la gbôgbô, azü käko gbɛ̂ gboabô tchô bhâlə̂ Gbölö gö-gbïɛ̈ ndə̂ Ndjapä tee-a.

Ëfêze 4:28

Äwäpä earə̂ ngbä gbotə̂ kə̂ zɨ ngbä-ê, kə̂ za gbôgbô ndə̂ yê gbɛ̂ ndə̂kə̂ mbo kua la könô yê la tə̂ yê la köbo nə̈, kə̂ gbo rə ânyë kə̂ kʉ ngânə̈ sə̈ akrə ndə̂ tche wâbô wâ la rə̂-ê.

Aheborö 12:1

Âdə andə̂ azə̈ nə̈, azə̈ wûnsə̂ nə̈ nə̂ pä pö ndə̂ angbängbä azü ndə̂ andjë mbô rə alême gundə̂sə̂ kə̂ za su andjê sə̈ Ndjapä lâme, andjë täkpa ndrotə̂ azə̂. Käko äwäpä azə̈ gbotə̂ akʉ̂ngbô ndə̂ azə̂ gbɛ̂ ndə̂ âlû, kə̂ gbotə̂ köbo ngbongbo rə ndə̂ azə̈ te lə̂nə̈ gasa lâme-ê, kə̂ kpe la rö lakə̂ rʉatə̂ su azə̂ ndə̂kə̂ pa adɨngâalî ndə̂ a nyîsə̂ nə̈ sə̈ azə̂.