Lûke 3:11 - Mbëtï Ndjapä: TÄFO MADƗ̈

¹¹ Jâan tô rə̂ sə̈ andjê päkëdə̂: «Akrə ndə̂ tche wâ la lə̂ba bïchuû, äwäpä tche za ngânə̈ sə̈ akrə ndə̂ tche wâbô wâ la rə̂-ê. Akrə ndə̂ tche wâ la kɨ̈zɨ̂, äwäpä tche za ngânə̈ sə̈ akrə ndə̂ tche wâbô wâ la rə̂-ê.»

Lûke 3:11 Iomraidhean Croise

Matiyə̈ 25:40

Gbïɛ̈ nə̈ âtoadje rə̂ ndə̂nə̈ sə̈ andjê päkëdə̂: ‹Ɛn-ɛn, tə̂ lëge nə̈ më tö rə̂ sə̈ nyê, logbɛ̂ ndə̂ nyê mbo rə lâme tə̂ ngâ mbämbä akrə lə̂ gbâtə̂ arə̂mâ ndə̂ mê, dëkë nyë mbö rə̂ tə̂ mê.›

Lûke 11:41

Nyë kʉ̈ arə ndə̂ âwâ lə̂ kangûchi la kalângʉ ndə̂ nyê gbɛ̂ sə̈ a-earə̂ yûkü, ânyë arə gbɛ̂ wadje vuu tə̂ pö ndə̂ nyê.

Lûke 18:22

Pânə̈ ndə̂ Jezü djê pö lâme, tche tô rə̂ sə̈ tchë päkëdə̂: «Gbô ngâ rə balë kä po ndə̂kə̂ pa mo mbo rə̂: Äwäpä mo ka arə gbɛ̂ ndə̂ mo wâ la rə̂, kə̂ krʉ tchə̂lə̂ makətche nə̈ tə̂ a-earə̂ yûkü, käko ânyë mô gboadje arə bhâ lafô, la tchêngbâ nə̈, mo nə ngbâ mê.»

Lûke 19:8

Praâbalë Zachë krʉ̂ lafô tchâtchu Gbölö Gbïɛ̈ kə̈ tô rə̂ sə̈ tchë päkëdə̂: «Amö djë mê Gbölö Gbïɛ̈, më âkʉ ngâ tchâkalâ arə ndə̂ mê gbɛ̂ sə̈ a-earə̂ yûkü. Âdə më âbolo ngâ akrə ânyë kə̈ kʉ̂ makətche ndə̂ yê, më âgi rə̂ ëngbânə̈ sə̈ tchë sûsunə̈ voanə̈.»

Jâan 13:29

Batə̂ rə̂ ndə̂ Jüdâse wâtə̂ earə̂ kə̂ wun tchô pâ kədjâ-makətche ndə̂ andjê gbɛ̂, käko angâ adjisîpili wûntî pä Jezü wän tchë ndə̂kə̂ yo kɨ̈zɨ̂ bëte kpülü nə̈, âdəndjë ndə̂kə̂ pa tche kʉ ngâ rə sə̈ a-earə̂ yûkü.

Abadjângele 10:2

Tche zätə̂ yê gbɛ̂ sə̈ Ndjapä, kə̈ kpê wa yê, tchetchë la azü tchâalê ndə̂ yê. Tche kʉ̈ arə tə̂ gbölösə̂nə̈ sə̈ a-earə̂ yûkü ndə̂ andjë sə̂ lə̂ gûtə̂ ajuîfu, kə̂ to pö sə̈ Ndjapä logbɛ̂.

Abadjângele 10:31

Tche tô rə̂ sə̈ mê päkëdə̂: ‹Körönɛ̈ye! Ndjapä djê apö ndə̂ mo tô rə̂ sə̈ tchë lâme nə̂. Atchôtchô arə ndə̂ mo kʉ̂ rə̂ sə̈ a-earə̂ yûkü lâme, sə̂nə̈ yûâbo tə̂ yê-a.

Abadjângele 10:4

Gbô la Körönɛ̈ye kä lakə̂ wun ânje nə̈; wawa mbô tchë ânyë tche tô rə̂ päkëdə̂: «Giamâ kä, Gbölö Gbïɛ̈?» Ânje nə̈ tô rə̂ ndə̂nə̈ sə̈ tchë päkëdə̂: «Apö ndə̂ mo tô rə̂ sə̈ Ndjapä la arə ndə̂ mo kʉ̂ rə̂ sə̈ a-earə̂ yûkü lâme, tche nyîndə̂ nə̈ nə̂, sə̂nə̈ yûâbo tə̂ yê-a.

Ëfêze 4:28

Äwäpä earə̂ ngbä gbotə̂ kə̂ zɨ ngbä-ê, kə̂ za gbôgbô ndə̂ yê gbɛ̂ ndə̂kə̂ mbo kua la könô yê la tə̂ yê la köbo nə̈, kə̂ gbo rə ânyë kə̂ kʉ ngânə̈ sə̈ akrə ndə̂ tche wâbô wâ la rə̂-ê.

Dokʉ̈ Timotë 6:17

Andə̂ a-earə̂ kə̂ gbo arə tchêbêche âtə, amö zama sə̈ andjê pä andjë bhiabô gogo andjê bhî, kə̂ zabô su andjê zâ pâ kə̂ gbo rə ndə̂ tchêbêche, ndə̂ âchiabô chî lâme-ê. Praâbalë äwäpä andjë za su andjê pâ Ndjapä, tchetchë ndə̂ tche kʉ arə gbɛ̂ sə̈ azə̂ tə̂ gbölösə̂nə̈, ndə̂kə̂ pa su azə̂ wa la mômô lə̂ köbosə̂ nə̈.

Dokʉ̈ Timotë 6:18

Amö to rə̂ sə̈ andjê ndə̂kə̂ pa andjë mbo dâkâ, kə̂ mbo atchôtchô kua tə̂ gbölösə̂nə̈, kə̂ kʉ rə la su andjê balë, kə̂ krʉ tchə̂lə̂ rə ndə̂ andjê la angâ andjê.

Aheborö 6:10

Bëte Ndjapä wä djîrə̂: Käko kua ndə̂ nyë mbô rə̂, âdəndjë kə̂ nyində̂ ngâ ndə̂ nyë nyîsə̂ nə̈ tə̂ azü ndə̂ Krîsiti alême, ndjë la andjanə̈ ndə̂ tchô angêta, sə̂nə̈ yûâbo tə̂ yê-a.

Jâke 1:27

Tchôtchô kə̂ voga Ndjapä, ndə̂ âwâbô wâ la kâkpö ndə̂ Ndjapä Bha nyîndə̂ nə̈ wä kâkë: Kə̂ wun tchô pâ awüntə̂wün la aɛ̈chë lə̂ ndavrö lə̂ yûkü ndə̂ andjê, kə̂ bata tə̂ yê tə̂ arə tchêbêche âtə, ânyë kə̂ teabô tê lə̂ ngbongbo rə-ê.

Jâke 2:14

Arə̂mä ndə̂ mê, âdə ngâ akrə âto rə̂ päkëdə̂: «Anyë zâ su anyê sə̈ Krîsiti nə̂», ânyë kə̈ nyîâbô sə̂nə̈ nyî lə̂ kua nə̈-ê, kə̂ za su yê sə̈ Krîsiti nə̈ lâme âmboadje ngâ rə tə̂ yê? Kə̂ za su yê sə̈ Krîsiti nə̈ lâme tchadje tchë lə̂ kuzü?

Dokʉ̈ Jâan 3:17

Praâbalë âdə ngâ akrə âwa la arə tchêbêche âtə tə̂ gbölösə̂nə̈, ânyë kə̈ gʉ̂â la yê tə̂ ngâ yê, ndə̂ tche wûn tchë la gʉ ngâ rə, akrə käko lâme nyïndə̂ Ndjapä tchïtchïnə̈ atöko?

Dokʉ̈ Jâan 4:20

Âdə ngâ akrə âto rə̂ päkëdə̂: «Më nyïndə̂ Ndjapä», ânyë kə̈ kôsə̂ ngâ yê, dëkë tche də̈ earə̂ yepa. Bëte âdə ngâ yê ndə̂ tche wun tchë, ânyë kə̂ nyîâbô nyîndə̂ yê, tche wâbo ndə̂kə̂ nyində̂ Ndjapä ndə̂ tche wûn-âbô tchë wûn lâme-a.