Lûke 24:44 - Mbëtï Ndjapä: TÄFO MADƗ̈

⁴⁴ Pânə̈ Jezü tô rə̂ sə̈ andjê päkëdə̂: «Ndə̂ gbô mê ndə̂po lə̂ gûtə̂ nyê alême, më tö rə̂ sə̈ nyê päkëdə̂: Pö gbɛ̂ ndə̂ a tô rə̂ la rə̈ mê lə̂ Mbëtï ndə̂ Möyîze, lə̂ Mbëtï ndə̂ a-earə̂ ndə̂ma Ndjapä ndjë lə̂ Apösômo, äwäpä arə nə̈ mbo gundə̂sə̂ nə̈.»

Lûke 24:44 Iomraidhean Croise

Matiyə̈ 1:22

Rə lâme gbɛ̂ mbö ndə̂kə̂ pa pö ndə̂ Gbölö Gbïɛ̈ tô rə̂ lə̂ ma earə̂ ndə̂ma yê alême mbo gundə̂sə̂ nə̈, pö nə̈ wä päkëdə̂:

Matiyə̈ 16:21

Tə̂ lo nə̈ lâme, Jezü jêtə̂ kə̂ to rə̂ kraâ sə̈ adjisîpili ndə̂ yê päkëdə̂: «Äwäpä më e atə̂ Jerûzalêmo ndə̂kə̂ wun yûkü tə̂ gbölösə̂nə̈ tchânə̂ akpôkpô azü la agbölö a-earə̂ kə̂ wa ngela sə̈ Ndjapä la a-earə̂ kə̂ nyisə̂ ndïɛ̈. Andjê won-adje mê, lə̂ lö vötaâ la tchêngbâ nə̈, mê joadje.»

Matiyə̈ 26:54

Praâbalë âdə mê âe aânje nə̈, pö ndə̂ Mbëtï Ndjapä âwatə̂ lëge nə̈ atöko? Mbëtï Ndjapä tö rə̂ pä, rə nə̈ âmboadje käko-ë.»

Matiyə̈ 26:56

Praâbalë arə lâme wütu käko ndə̂kə̂ pa pö ndə̂ a-earə̂ ndə̂ma Ndjapä tô rə̂ alême mbo gundə̂sə̂ nə̈.» Käko adjisîpili nə̈ gbɛ̂ gbôtə̂ yê ânyë kə̈ kpê etə̂.

Mâreke 9:31

Bëte tche sə̈ lakə̂ nyisə̂ rə sə̈ adjisîpili ndə̂ yê, lakə̂ to rə̂ sə̈ andjê päkëdə̂: «A âgboadje tə̂ Modô ndə̂ Akrə ëtchânə̂ azü, andjê won-adje tchë, lö vötaâ la tchêngbâ nə̈, tchê joadje lə̂ kuzü.»

Lûke 21:22

Bëte lo nə̈ lâme wadje tə̂ lo nə̈ ndə̂ Ndjapä bhiadje azü ndə̂ yê ngbâ kə̂ mbo ngbongbo rə ndə̂ andjê, ânyë pö gbɛ̂ ndə̂ Mbëtï Ndjapä tô rə̂ watə̂ lëge nə̈.

Lûke 22:37

Bëte më tö rə̂ sə̈ nyê: Äwäpä rə lâme mbo kpôtə̂ mê gundə̂sə̂ nə̈ ndə̂ Mbëtï Ndjapä tô rə̂ la rə̈ më päkëdə̂: ‹A dɨ̈ tchë lə̂ ma a-earə̂ kə̂ won azü.› Äwäpä pö ndə̂ Mbëtï Ndjapä tô rə̂ la rə̈ mê mbo tə̂ lëge nə̈.»

Lûke 24:46

Tche tô rə̂ sə̈ andjê päkëdə̂: «A mbö rə̂ lə̂ Mbëtï Ndjapä alême päkëdə̂: Äwäpä Krîsiti wun yûkü ânyë kə̂ jo lə̂ kuzü lə̂ lö vötaâ nə̈.

Lûke 9:22

Tche kä tô rə̂ päkëdə̂: «Äwäpä Modô ndə̂ Akrə wun yûkü tə̂ gbölösə̂nə̈. Akpôkpô azü la agbölö a-earə̂ kə̂ wa ngela sə̈ Ndjapä la a-earə̂ kə̂ nyisə̂ ndïɛ̈ koadje sə̂ yê. A âwon-adje tchë, ânyë pâ lö vötaâ tchê joadje lə̂ kuzü.»

Lûke 9:44

«Pö ndə̂ mê to rə̂ âtə, nyë zä rə̂ lə̂ küma nyê: A âgboadje tə̂ Modô ndə̂ Akrə ëtchânə̂ azü.»

Jâan 3:14

Batə̂ rə̂ ndə̂ Möyîze î ɛ̈krʉ̂ bhâ lafô tə̂ yö bhâlə̂ kpaɛ̈gâ, käko äwäpä a i ndjë Modô ndə̂ akrə tə̂ yö bhâ lafô,

Jâan 5:39

Nyë pü dju apö ndə̂ Ndjapä, bëte nyë wünsə̂ nə̈ pä nyë âgbo tchîsûwu ndə̂ logbɛ̂ logbɛ̂ lə̂ köbosə̂ nə̈. Dëkë apö Ndjapä lâme kä ndə̂ âto pö pâ mê.

Jâan 5:46

Âdə nyë âgamba pö ndə̂ Möyîze, dëkë nyë gâmba ndjë pö ndə̂ mê nə̂, bëte Möyîze mbö mbëtï pâ mê.

Abadjângele 13:33

Ndjapä mbö rə nə̈ lâme gbɛ̂ tə̂ azə̂, abechë pâ mawo ndə̂ andjê, sə̂nə̈ ndə̂ tche jô Jezü lə̂ kuzü, batə̂ rə̂ ndə̂ a mbô rə̂ lə̂ mbëtï ndə̂ Apösômo päkëdə̂: ‹Mo də̈ Modô ndə̂ mê, angêta më wâ nə̂ tə̂ Bha zə̈.›

Abadjângele 13:40

La nyê gbö-ê ânyë rə ndə̂ a-earə̂ ndə̂ma Ndjapä tô pö ndə̂nə̈ alême gboabô nyê gbô-ê. Andjë tö rə̂ päkëdə̂:

Abadjângele 2:27

Bëte mô gboabô tə̂ mê bhâsə̂ tchô ndə̂ akuzü tee-a, mô gboabô tə̂ akrə ndə̂ zə̈ ndə̂ tche dâka gbɛ̂, ndə̂kə̂ pa tche fo lə̂ cho akuzü tee-a.

Abadjângele 3:18

Praâbalë Ndjapä mbö rə gundə̂sə̂ nə̈ ndə̂ tche tô rə̂ lə̂ ma a-earə̂ ndə̂ma yê alême. Tche tö rə̂ päkëdə̂: Krîsiti wun-adje yûkü.

Abadjângele 7:37

Möyîze kä ndə̂ âtô rə̂ sə̈ azü ndə̂ Isarayële päkëdə̂: ‹Ndjapä wan-adje ngâ earə̂ ndə̂ma yê batə̂ rə̂ ndə̂ tche wân mê; tchê wadje tə̂ ngâ yîngâ nyê.›

Aheborö 10:1

Ndïɛ̈ ndə̂ Möyîze wä kütû tə̂ tchâkrʉzrö atchôtchô arə ndə̂ ânə, praâbalë âwâbo tə̂ nyîsɨ̂ arə nə̈ lâme-a. Ndïɛ̈ ndə̂ Möyîze nə̈ wä ndə̂kə̂ pa a wa ngela nə̈ ëngbâ ngânə̈ ëngbâ ngânə̈ lə̂ ngû balë balë. Bëte rə̂ kä ndə̂, ndïɛ̈ nə̈ wâbo la gbôgbô ndə̂kə̂ mbo rə̂ pä azü daka gbɛ̂ lə̂ la Ndjapä-a, ndə̂ andjë wâ ndə̂kə̂ gitə̂ andjê pu Ndjapä.

Aheborö 3:5

Dëkë, Möyîze mbö djîrə̂ kua alême lə̂ nda Ndjapä gbɛ̂. Tche wä batə̂ earə̂ kua ndə̂kə̂ to pö ndə̂ rə ndə̂ Ndjapä toadje pö ndə̂nə̈ alême sə̈ azü.

Aheborö 7:1

Mëlëkïsëdêke wätə̂ gbïɛ̈ lə̂ gö ndə̂ Sälême, tche wätə̂ earə̂ kə̂ wa ngela sə̈ Ndjapä, ndə̂ tche sə̂ bhâ lafô pâ arə gbɛ̂. Abrahâmo ë alême ndə̂kə̂ mbo kʉ̈ʉ̈ la agbïɛ̈ ânyë kə̂ rôpâ andjê. Kə̂ ka ndə̂ yê, Mëlëkïsëdêke ê lə̂ köbo yê kə̈ ê tchôtchô pö pâ yê.

Aheborö 9:8

Kpɨ̂ki Yingö nyïndə̂ kə̂ nyïsə̂ nə̈ käko päkëdə̂: Ndə̂ gbô dokʉ̈ ndokʉ̈ ndə̂ a takpa la Ndjapä lə̂nə̈ wâ tâ lâme, köbo ndə̂kə̂ e atə̂lə̂ tchô ndə̂ âwâ ngbî ânyë kə̈ dâka gbɛ̂ bëte Ndjapä kə̈ rô adɨ̂ nə̈ gbɛ̂ lâme jîâbo dämba-a.

Dokʉ̈ Pîêre 1:11

Yingö ndə̂ Krîsiti kä lə̂ a-earə̂ ndə̂ma Ndjapä ânyë andjë nyïsə̂ nə̈ dokʉ̈tchê, pö ndə̂ yûkü ndə̂ Krîsiti wun-adje rə̂, ndjë lakə̂ lusə̂tə̂ ndə̂ tchê gboadje rə̂ ngbâ yûkü nə̈. Ädə̈ käko ânyë andjë sə̂ lakə̂ pu köbo gbɛ̂ ndə̂kə̂ wunsə̂ lö ndə̂kə̂ wutu ndə̂ arə nə̈ ndə̂ Yingö tô pö ndə̂nə̈ lâme, kə̈ pû ndjë köbo ndə̂kə̂ wunsə̂ nə̈ pä atöko kä ndə̂ arə nə̈ wûtu la rə̂?

Apökälîbïchi 19:10

Käko më gʉ̂te tchâtchâ ânje nə̈ ndə̂kə̂ voga tchë, praâbalë tche tô rə̂ sə̈ mê päkëdə̂: «Amö mboabô rə mbô käko-ë! Më də̈ ngâ zə̈ earə̂ kua ndjë la angâ zə̈ ndə̂ andjë bâta alëge pö ndə̂ Jezü mû rə̂. Ndjapä kä ndə̂ mo wâ ndə̂kə̂ voga tchë!» Bëte alëge apö ndə̂ Jezü nyîsə̂ nə̈ kä ndə̂ âzâ gbôgbô sə̈ a-earə̂ ndə̂ma Ndjapä ndə̂kə̂ to ndə̂ma yê.